SAN MARCOS 3:5 - Chatino Zona Alta Occidental

⁵ Msinꞌ tiꞌ Jesús ñaꞌan yu ꞌin neꞌ kanꞌ, kwiꞌ ngwa xiꞌin chinꞌ tiꞌ yu chaꞌ ja xlyaa neꞌ kiꞌya neꞌ kwenta ꞌin chaꞌ nu nduꞌu yu ꞌin nten. Ykwiꞌ yu loꞌo yu tiꞌí bra kanꞌ: ―Tukwii lyaa yaaꞌ ―ndukwin Jesús ꞌin yu. Mdukwi ñi yu yaꞌ yu bra kanꞌ, loꞌo bra ti nchkaa yaꞌ yu.

SAN MARCOS 3:5 ပူးပေါင်းရင်းမြစ်များ

SAN MATEO 12:13

Ykwiꞌ Jesús loꞌo yu tiꞌí kanꞌ: ―Xñii yaaꞌ ―ndukwin Jesús ꞌin yu kanꞌ. Mxñi yu tiꞌí kanꞌ yaꞌ yu bra kanꞌ. Bra ti nchkaa yaꞌ yu, suꞌwa ngwa taꞌa tyukwaa laꞌa yaꞌ yu kanꞌ.

SAN MARCOS 3:4

Bra kanꞌ mnichaꞌ Jesús ꞌin nchga nten kanꞌ: ―¿Ta nsuꞌwi chabiyaꞌ ꞌñaan kuꞌnian ska chaꞌ suꞌwe tsan nu nxitñaꞌ nten a? ―ndukwin yu ꞌin neꞌ―. ¿Ta suꞌwe la si kuꞌnian ska chaꞌ kuxi tsan kanꞌ a? ―ndukwin yu―. ¿Ta ja suꞌwe kuꞌnian joꞌó ꞌin nten bra kanꞌ, nxkeꞌ tiꞌ wan a? ¿Ta suꞌwe la si taan chabiyaꞌ kaja neꞌ tiꞌí tsan kanꞌ sikwa a? ―ndukwin Jesús. Ja mjwi la chaꞌ xkwen neꞌ nu tnun nchka kanꞌ ꞌin Jesús bra kanꞌ.

SAN LUCAS 13:15

―Kwiñi ꞌa wan ―ndukwin Jesús ꞌin nu lka ndloo la niꞌ lyaa kanꞌ bra kanꞌ―. Nchga wan loꞌo taꞌa wan xtiꞌ wan kuta msu ꞌwan, buru ꞌwan, chaꞌ tsaa loꞌo wan ꞌin iꞌ chaꞌ koꞌo iꞌ tyiꞌa, tsan taꞌa ―ndukwin yu―.

SAN LUCAS 17:14

Xa wa naꞌan Jesús ꞌin neꞌ, bra kanꞌ ndukwin yu: ―Tyaa lya wan seꞌen ndiꞌin sti joꞌo chaꞌ ñaꞌan yu tyukwi ñaꞌan wan ―ndukwin Jesús ꞌin neꞌ tiꞌí kanꞌ. Mdoꞌo neꞌ ndyaa neꞌ bra kanꞌ. Seꞌen yaa neꞌ tuwiin, ndii tiꞌ neꞌ chaꞌ ngwa luwi kunaꞌ neꞌ xiyaꞌ; wa mdyii chaꞌ tiꞌí neꞌ bra kanꞌ.

SAN LUCAS 6:10

Loꞌo kanꞌ naꞌan ꞌa Jesús ꞌin nchga nten nu nduun seꞌen ndiꞌin yu, ykwiꞌ yu loꞌo yu tiꞌí kanꞌ bra kanꞌ: ―Xñii yaaꞌ. Ngwañaꞌan yꞌni yu kanꞌ, bra ti nchkaa yaꞌ yu bra kanꞌ.

SAN JUAN 9:7

Ykwiꞌ Jesús loꞌo yu bra kanꞌ: ―Yaa jyaꞌaan kiloo seꞌen ndiꞌin yla tyiꞌa nde Siloé―. Nchkwiꞌ neꞌ kwa chaꞌ Siloé naan chku kanꞌ, ñaꞌan tiꞌ chkwianꞌ chaꞌtñan: Chku seꞌen nu ngulo tñan ꞌin neꞌ chaꞌ tsaa neꞌ. Kanꞌ chaꞌ yaa yu kwityiinꞌ kanꞌ, yaa mjyaꞌan yu kiloo yu tuꞌwa chku kanꞌ bra kanꞌ. Bra nu ndyaan yu xiyaꞌ bra kanꞌ, wa ngalaa kiloo yu.

ROMANOS 11:25

ꞌWan taꞌa ndiꞌin chaꞌ ꞌñaan loꞌo Krixtu, nchka tiǎnꞌ chaꞌ ka biyaꞌ tiꞌ wan chaꞌ tukwi re, ska chaꞌ ꞌin Ndiose nu yuꞌwi kutsiꞌ nu ngwa sꞌni; bra nu ka biyaꞌ tiꞌ wan chaꞌ re, ja nꞌni chaꞌ chkwiꞌ wan chaꞌ siyeꞌ loꞌo neꞌ judío bra kanꞌ. Nde lka chaꞌ kanꞌ ni. Kaꞌan ꞌa nten judío ndiya nu ja xlyaa kunan chaꞌ ꞌin Jesús; siyaꞌ ti bra nu tyii kunan nchga neꞌ xka laꞌa tsuꞌ nu ndiꞌin chaꞌ xñi chaꞌ ꞌin Jesús ni,

2 CORINTIOS 3:14

Wa ngwa tla ꞌa ke neꞌ Israel bra kanꞌ, chaꞌ ja ngwa biyaꞌ tiꞌ neꞌ chaꞌ ꞌin Ndiose siyaꞌ ti. Ni siya chalyuu ni, kwiꞌ ngwañaꞌan lka loꞌo kityi chaꞌ joꞌo nu ngwaꞌan ayman Moisés, ti kwiꞌ tñan nu ngulo Ndiose ꞌin nten nu ngwa sꞌni lka kanꞌ; xa nu chkwiꞌ neꞌ judío lo kityi chaꞌ joꞌo kanꞌ, ja nchka kiꞌya chaꞌ kanꞌ ke neꞌ. Siyaꞌ ti ka kiꞌya chaꞌ kanꞌ ke neꞌ bra nu sten neꞌ chaꞌ ꞌin Jesús; bra kanꞌ kalaa ke neꞌ chaꞌ kunan suꞌwe neꞌ chaꞌ ꞌin Ni.

EFESIOS 4:18

tla ꞌa chalyuu ꞌin neꞌ siyaꞌ ti; kanꞌ chaꞌ ja nchka ka biyaꞌ tiꞌ neꞌ. Ja ndiꞌin chaꞌ ꞌin neꞌ kanꞌ loꞌo chalyuu kwi nu wa nda Ndiose ꞌñaan chaꞌ tyiꞌiin suꞌween tian, chunꞌ chaꞌ ja jlyo tiꞌ neꞌ kanꞌ siyaꞌ ti, chaꞌ ja xlyaa neꞌ xñi neꞌ ska chaꞌ nu ñi.

EFESIOS 4:26

Ndiya bra msinꞌ tiꞌ wan, kanꞌ chaꞌ kiꞌya wan kwenta chaꞌ ja kanun kiꞌya ꞌwan chunꞌ ndiꞌin la; ja suꞌwe si kasinꞌ tiꞌ wan tyukwi tsan, sa tyijin ti kasinꞌ tiꞌ wan.

EFESIOS 4:30

Ja kuꞌni wan chaꞌ ka xiꞌin tiꞌ Tyiꞌi Ndiose; nu lka Tyiꞌi Ndiose ni, sa ñaꞌan lka si wa mstya Ndiose biyaꞌ ꞌin Ni chuanꞌ, chaꞌ lkaan nten ꞌin Ni, ngwañaꞌan ndyoꞌo chaꞌ kanꞌ. Loꞌo kanun chaꞌ kanꞌ chuanꞌ sa ñaꞌan bra nu tsaa tii chalyuu ꞌñaan, bra nu tiya tsan nu kulaa ji Ni ꞌñaan.

HEBREOS 3:10

Kanꞌ chaꞌ msinꞌ ꞌa tiǎnꞌ ꞌin neꞌ kanꞌ bra kanꞌ. Ykwiǐnꞌ chaꞌ ꞌin neꞌ bra kanꞌ: “Xkwiꞌ chaꞌ kuxi ndaꞌan tiye neꞌ kwa, ja xlyaa neꞌ chaꞌ kanun chaꞌ ꞌñaǎn niꞌ kasiya ꞌin neꞌ siyaꞌ ti; ja xlyaa neꞌ kuꞌni neꞌ sa ñaꞌan nu nchkwiǐnꞌ loꞌo neꞌ chaꞌ kuꞌni neꞌ” ndukwiǐn bra kanꞌ.

HEBREOS 3:17

kanꞌ chaꞌ msinꞌ ꞌa tiꞌ Ndiose ꞌin neꞌ tyukwi tyempu nu mdaꞌa tuꞌwa yijan, kwiꞌ ngujwi ayman kanꞌ ngwa ti ñaꞌan tuꞌwa tuwiin niꞌ kixinꞌ seꞌen mdaꞌan yuꞌwi neꞌ bra kanꞌ.

HEBREOS 5:9

Chunꞌ ndiꞌin la, xa wa mdijin nchga chaꞌ ꞌin Jesús, xa wa yꞌni yu tñan nu ngulo Ndiose ꞌin yu chaꞌ kuꞌni yu, bra kanꞌ mdyisnan ndlaa Jesús ꞌin nchga nten chalyuu nu ngiꞌni chaꞌ nu ykwiꞌ yu bra kanꞌ. Kwiꞌ ngwañaꞌan ja tsaa tii ꞌa chaꞌ kulaa Ni ꞌin nten ꞌin chaꞌ kuxi nu ngiꞌni neꞌ.

EL APOCALIPSIS 6:16

Kwen msiꞌya neꞌ ꞌin kiꞌya loꞌo kee tnun: ―Tlyuu lya wan chunꞌ ba, chaꞌ ja ñaꞌan ꞌa Ndiose nu ndukwa seꞌen tnun kwa ꞌwa bra kanꞌ; wa msinꞌ ꞌa tiꞌ nu lka ñaꞌan tiꞌ slyaꞌ kanꞌ ꞌwa ―ndukwin neꞌ bra kanꞌ.