SAN MARCOS 3:22 - Chatino Zona Alta Occidental

²² Loꞌo mstru nu nduꞌu chaꞌ joꞌo niꞌ lyaa tnun nde Jerusalén, mdiyan neꞌ nde kwa. Ykwiꞌ mstru kanꞌ loꞌo nten: ―Wa msñi Beelzebú xꞌnan nchga lo kwiꞌin kuxi ꞌin Jesús kwa ―ndukwin mstru kanꞌ―, kanꞌ chaꞌ loꞌo chabiyaꞌ ꞌin kuneꞌ xaꞌan kanꞌ nchka ꞌin yu kulo yu kwiꞌin kuxi nu msñi ꞌin nten.

SAN MARCOS 3:22 ပူးပေါင်းရင်းမြစ်များ

SAN MATEO 10:25

Ska ti biyaꞌ tyijin neꞌ kuneꞌ kanꞌ nu tiꞌí bra kanꞌ, sa ñaꞌan nu nchka ꞌin mstru ꞌin neꞌ; ska ti biyaꞌ ka tñan tukwi ꞌin msu kanꞌ bra kanꞌ, sa ñaꞌan nu nchka ꞌin xꞌnan neꞌ. Wa ykwiꞌ neꞌ chaꞌ lkaǎn Beelzebú, kwiꞌ nu lka xꞌnan kuneꞌ xaꞌan, kanꞌ chaꞌ ka biyaꞌ tiꞌ wan chaꞌ tiꞌí ꞌa chkwiꞌ neꞌ ꞌwan nu ndiꞌin chaꞌ ꞌwan loꞌoǔn, chaꞌ naꞌ lkaǎn Xꞌnan wan.

SAN MATEO 11:18

Bra nu yan Xuwa kanꞌ ni, ja yku yu loꞌo wan, ja yiꞌo yu xalyu loꞌo wan. Kanꞌ nchkwiꞌ wan chaꞌ ꞌin yu: “Nsuꞌwi kwiꞌin xaꞌan ꞌin yu, kanꞌ chaꞌ ngiꞌni yu ngwañaꞌan” ndukwin wan bra kanꞌ.

SAN MATEO 12:24

Bra wa ynan neꞌ fariseo chaꞌ kanꞌ, xka chaꞌ ykwiꞌ neꞌ chaꞌ ꞌin Jesús: ―Ska ti chabiyaꞌ ꞌin Beelzebú nu nka xꞌnan nchga lo kwiꞌin kuxi, kanꞌ lka chaꞌ nu nchka ꞌin yu kiꞌyu re kulo yu kwiꞌin kuxi nu nsuꞌwi ꞌin nten ―ndukwin neꞌ fariseo kanꞌ.

SAN MATEO 15:1

Chunꞌ ndiꞌin la mdiyan ska ta neꞌ tnun nchka seꞌen ndiꞌin Jesús. Neꞌ kichen Jerusalén lka neꞌ kanꞌ, neꞌ fariseo loꞌo mstru nu nduꞌu chaꞌ joꞌo niꞌ lyaa lka neꞌ kanꞌ.

SAN MATEO 9:34

Xka ñaꞌan ykwiꞌ neꞌ fariseo kanꞌ: ―Nan ndlo Jesús kwa ꞌin kwiꞌin kuxi nu nsuꞌwi ꞌin nten loꞌo chabiyaꞌ ꞌin xꞌnan kuneꞌ xaꞌan, kanꞌ chaꞌ nchka ꞌin yu kuꞌni yu ngwañaꞌan ―ndukwin neꞌ fariseo kanꞌ.

SAN MARCOS 7:1

Ngwa ska tsan mdiyan ska ta neꞌ fariseo, mdaꞌan neꞌ loꞌo chinꞌ mstru nu nduꞌu chaꞌ joꞌo niꞌ lyaa nde kichen Jerusalén. Mdiyan neꞌ nde seꞌen ndiꞌin Jesús.

SAN LUCAS 11:15

Mdiya nu ykwiꞌ chaꞌ: ―Ndlo yu kwa ꞌin kwiꞌin kuxi ꞌin nten chabiyaꞌ ꞌin Beelzebú, nu nka xꞌnan nchga lo kwiꞌin kuxi ―ndukwin neꞌ.

SAN LUCAS 5:17

Ngwa ska tsan nduꞌu Jesús chaꞌ ꞌin Ndiose ꞌin kaꞌan nten. Kichen tyi neꞌ kanꞌ lka nchga kichen xuwe ti nu ndiꞌin nde lo yuu ꞌin Galilea, nu ndiꞌin nde lo yuu ꞌin Judea, loꞌo neꞌ kichen Jerusalén ndiꞌin kanꞌ. Loꞌo ndiꞌin tyun neꞌ fariseo laja nten kanꞌ. (Kti ꞌa ngiꞌni neꞌ fariseo, nxkeꞌ tiꞌ neꞌ; lye ꞌa ngiꞌni siyeꞌ neꞌ loꞌo xka ta nten.) Loꞌo ndiꞌin tyun mstru nu nduꞌu chaꞌ joꞌo niꞌ lyaa. Wa mgii tiꞌ nchga nten nu ndiꞌin la kanꞌ, chaꞌ Ndiose lka nu nda chabiyaꞌ ꞌin Jesús chaꞌ ngiꞌni chkaa yu ꞌin neꞌ tiꞌí.

SAN JUAN 10:22

Tyempu tlyaꞌ ngwa kanꞌ, nu xuwe ꞌa tsan. Nde kichen Jerusalén ngiꞌni tnun neꞌ taꞌa nu nkwan laa tnun nde kwa.

SAN JUAN 7:20

―Ñaꞌan tiꞌ ska kuneꞌ xaꞌan, ngwañaꞌan ngiꞌni nuꞌwin ―ndukwin neꞌ ꞌin Jesús bra kanꞌ―. ¿Ti ka nu lka nchka tiꞌ kujwi ꞌiin sikwa a?

SAN JUAN 8:48

Ykwiꞌ neꞌ judío loꞌo Jesús bra kanꞌ: ―Chañi ꞌa chaꞌ nu nchkwiꞌ ba chaꞌ ꞌiin ni, chaꞌ neꞌ Samaria lka nuꞌwin. Ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ ꞌin Jesús bra kanꞌ.

SAN JUAN 8:52

Loꞌo ykwiꞌ neꞌ judío kanꞌ loꞌo Jesús xiyaꞌ bra kanꞌ: ―Jlyo tiꞌ bare chaꞌ ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ―. Sꞌni ngujwi ayman Abraham, sꞌni ngujwi xka ta ayman nu ykwiꞌ chaꞌ ꞌin Ndiose loꞌo nten. ¿Ni sa ñaꞌan ndaꞌan chaꞌ tiyee chaꞌ nu tka ndukwiin ti, chaꞌ: “Ja tsaa tii ꞌa chalyuu ꞌin nten nu kunan chaꞌ nu kwaꞌuǔn ꞌin neꞌ” a? ―ndukwin neꞌ―.