SAN MARCOS 3:14 - Chatino Zona Alta Occidental

¹⁴ ngulo suwi yu ꞌin tii tyukwa nten kanꞌ, chaꞌ kuꞌni xaꞌan neꞌ chaꞌ ꞌin yu. Kanꞌ lka nten nu xuꞌwa yu chaꞌ tsaa seꞌen ndiꞌin nten tyun kichen tijyuꞌ la nde loo la, chaꞌ kwaꞌu neꞌ chaꞌ suꞌwe ꞌin Ndiose ꞌin nchga nten.

SAN MARCOS 3:14 ပူးပေါင်းရင်းမြစ်များ

SAN MARCOS 3:13

Chunꞌ ndiꞌin la mdoꞌo Jesús ndyaa mskwen yu siꞌ kiꞌya. Kanꞌ msiꞌya yu ꞌin tyun nten chaꞌ kan neꞌ seꞌen ndiꞌin, loꞌo ndyaa neꞌ kanꞌ seꞌen ndiꞌin yu bra kanꞌ. Laja neꞌ kanꞌ ngulo suwi Jesús ꞌin nten nu kuꞌni tñan ꞌin yu;

SAN MARCOS 3:15

Mda Jesús chabiyaꞌ ꞌin tii tyukwa neꞌ kanꞌ, chaꞌ kuꞌni neꞌ joꞌó ꞌin nu tiꞌí, loꞌo kulo neꞌ kwiꞌin kuxi nu wa msñi ꞌin nten.

SAN MARCOS 6:30

Chunꞌ ndiꞌin la chinꞌ, xiyaꞌ ndyaan neꞌ taꞌa ndaꞌan Jesús seꞌen ndiꞌin yu, ti kwiꞌ nten nu yaa ykwiꞌ loꞌo neꞌ xka kichen chaꞌ ꞌin Jesús. Ytsaꞌ neꞌ ꞌin yu nchga tñan nu wa yꞌni neꞌ, sa ñaꞌan nu ngwaꞌu neꞌ ꞌin nten la kanꞌ.

SAN LUCAS 24:47

Bra kanꞌ ndiꞌin chaꞌ chkwiꞌ wan chaꞌ ꞌñaǎn loꞌo nten tyukwi ñaꞌaan chalyuu. Nde Jerusalén tyisnan wan katsaꞌ wan chaꞌ kanꞌ ꞌin nten kulo ndukwa la. Ndiꞌin chaꞌ chkwiꞌ wan loꞌo nten chaꞌ ka wjyuꞌu tiꞌ neꞌ ꞌin chaꞌ kuxi nu ndiꞌin ꞌin neꞌ, chaꞌ kulaa yaꞌ neꞌ ꞌin nchga chaꞌ kuxi nu ngiꞌni neꞌ; bra kanꞌ kuꞌni Ndiose chaꞌ tlyu tiꞌ ꞌin nchga kiꞌya nu ndukwi neꞌ.

SAN JUAN 15:16

Siꞌi chaꞌ ngulo suwi wan ꞌñaǎn chaꞌ tyaꞌan wan loꞌoǔn ―ndukwin Jesús―, naꞌ lkaǎn nu wa ykwiǐnꞌ loꞌo wan kulo ndukwa la. Ti bra kanꞌ nguloǔn tñan ꞌwan chaꞌ xkwiꞌ chaꞌ suꞌwe xuꞌwi niꞌ kasiya ꞌwan, chaꞌ ja tsaa tii ꞌa tñan suꞌwe nu ngiꞌni wan ngwañaꞌan; kuꞌni Stiǐn nchga chaꞌ nu jñan wan ꞌin Ni chabiyaꞌ ꞌñaǎn bra kanꞌ.

LOS HECHOS 1:8

Xka chaꞌ chkwiǐnꞌ loꞌo wan ni, chaꞌ kaja chabiyaꞌ ꞌwan kuꞌni wan tñan ꞌñaǎn xa nu kanun Tyiꞌi Ndiose niꞌ kasiya ꞌwan, chaꞌ ka chkwiꞌ wan chaꞌ suꞌwe re loꞌo nchga nten, chaꞌ ꞌñaǎn bra kanꞌ. Chkwiꞌ wan loꞌo neꞌ kichen Jerusalén, kwiꞌ ngwañaꞌan chkwiꞌ wan loꞌo neꞌ nde lo yuu ꞌin Judea, kwiꞌ ngwañaꞌan chkwiꞌ wan loꞌo neꞌ lo yuu kwiꞌ seꞌen ti nu naan Samaria kanꞌ, kwiꞌ ngwañaꞌan chkwiꞌ wan loꞌo neꞌ nchga kichen seꞌen ndiꞌin nten chalyuu.

GÁLATAS 1:1

Naꞌ lkaǎn Palyu nu ndaꞌaǎn kityi re. Wa lka tñan ꞌñaǎn chaꞌ tsaꞌaǎn chkwiǐnꞌ chaꞌ ꞌin Jesucristo loꞌo nchga nten. Siꞌi nten chalyuu ti nu mda tñan re ꞌñaǎn, ja tukwin ykwiꞌ loꞌoǔn chaꞌ kuꞌniǐn tñan re; Jesucristo loꞌo Ndiose Sti Ni, kanꞌ lka nu mda tñan re ꞌñaǎn. Ti kwiꞌ Ndiose lka nu yꞌni chaꞌ ndyuꞌu Jesús xiyaꞌ bra nu ngujwi yu.