SAN MARCOS 2:8 - Chatino Zona Alta Occidental

⁸ Ngwiꞌya Jesús kwenta sa ñaꞌan lka chaꞌ nu ndaꞌan tiye neꞌ, kanꞌ chaꞌ ykwiꞌ yu loꞌo mstru kanꞌ bra kanꞌ: ―¿Ni sa ñaꞌan chaꞌ kuxi ndaꞌan chaꞌ tiye wan seꞌen ndiꞌin wan a? ―ndukwin Jesús ꞌin mstru kanꞌ―.

SAN MARCOS 2:8 ပူးပေါင်းရင်းမြစ်များ

SAN MATEO 12:15

Loꞌo Jesús ni, ngwa biyaꞌ tiꞌ yu nchga chaꞌ kuxi nu ndaꞌan chaꞌ tiye neꞌ fariseo, kanꞌ chaꞌ mdoꞌo yu ndyaa yu xka seꞌen. Kaꞌan ꞌa nten mdoꞌo ñaꞌan ꞌin yu, loꞌo yꞌni yu chaꞌ nchkaa nchga nu tiꞌí.

SAN MATEO 16:7

Ykwiꞌ neꞌ nu ngiꞌni xaꞌan chaꞌ ꞌin yu loꞌo taꞌa neꞌ bra kanꞌ: ―Chaꞌ ja ngwiꞌyaan jaxlya tejeꞌ ndaꞌaan, kanꞌ chaꞌ nchkwiꞌ yu kula kwa loꞌoan, chaꞌ ꞌin skwan tiyeꞌ kanꞌ ―ndukwin neꞌ.

SAN MATEO 9:4

Loꞌo mgii tiꞌ Jesús nchga loo chaꞌ nu ndaꞌan tiye neꞌ kanꞌ. ―¿Ni chaꞌ kuxi ꞌa ndaꞌan chaꞌ tiye wan loꞌoǔn ni? ―ndukwin Jesús ꞌin mstru kanꞌ―.

SAN MARCOS 2:7

“¿Ni chaꞌ ykwiꞌ yu re ngwañaꞌan?” mskeꞌ tiꞌ neꞌ kanꞌ. “Ska ti Ndiose ka kuꞌni Ni chaꞌ tlyu tiꞌ ꞌin nten nu ndukwi kiꞌya. Ska kiꞌya tnun lka chaꞌ ykwiꞌ yu kiꞌyu re chaꞌ kuꞌni tyii yu kiꞌya nu ndiꞌin ꞌin ska nten chalyuu, chaꞌ ja tukwin nchka ꞌin kuꞌni tyii kiꞌya nu ndiꞌin ꞌin nten.”

SAN MARCOS 2:9

Ja ndiya tiꞌ wan chaꞌ nu wa mxkweěn ꞌin yu tiꞌí re: “Wa yꞌniǐn chaꞌ tlyu tiꞌ ꞌin kiꞌya nu ndukwii.” ¿Ta suꞌwe la chkwiǐnꞌ xka chaꞌ re loꞌo yu tiꞌí sikwa a?: “Tyituun, tyaa loꞌo katan ꞌiin naꞌan tyii” ―ndukwin Jesús―.

SAN MARCOS 7:21

Bra nu chañi chaꞌ nsuꞌwi chaꞌ kuxi niꞌ kasiya ꞌin nten, kaꞌan ꞌa chaꞌ kuxi kuꞌni neꞌ kanꞌ bra kanꞌ: xuꞌwi chaꞌ ꞌin neꞌ loꞌo kwilyoꞌo xka nten, kuꞌni neꞌ chaꞌ chen ñaꞌan loꞌo xka nten, kujwi neꞌ ꞌin taꞌa neꞌ,

SAN LUCAS 24:38

Bra kanꞌ ykwiꞌ Jesús loꞌo neꞌ kanꞌ: ―¿Ni chaꞌ lka nu ngitsen wan ndiꞌin wan? ―ndukwin―. ¿Ni chaꞌ lka nu nduwe ꞌa tiꞌ wan? ―ndukwin yu ꞌin neꞌ―.

SAN LUCAS 5:22

Wa jlyo tiꞌ Jesús sa ñaꞌan chaꞌ ndaꞌan tiye neꞌ. Bra kanꞌ mnichaꞌ yu ꞌin neꞌ kanꞌ: ―¿Ni chaꞌ ndaꞌan chaꞌ tiye wan ngwañaꞌan a? ¿Ta nxkeꞌ tiꞌ wan chaꞌ tukwi la lka si chkwiǐnꞌ loꞌo yu tiꞌí kwa chaꞌ kuꞌni Ndiose chaꞌ tlyu tiꞌ kiꞌya nu ndiꞌin ꞌin yu a? ¿Ta nxkeꞌ tiꞌ wan chaꞌ sa la ka chaꞌ chkwiǐnꞌ loꞌo yu tiꞌí: “Tyituun lyaa, tyaꞌaan” nxkeꞌ tiꞌ wan a? ¿Ni sa ñaꞌan tñan nu sa la kuꞌniǐn chaꞌ ꞌin yu kwa sikwa a?

SAN LUCAS 6:8

Bra ti ngwa biyaꞌ tiꞌ Jesús nchga chaꞌ nu mdaꞌan tiye neꞌ. Bra kanꞌ ykwiꞌ Jesús loꞌo yu nu nchkunꞌ yaꞌ kanꞌ: ―Tyituun lyaa, yaa tuun jluꞌwe laja neꞌ kwa ―ndukwin Jesús ꞌin yu tiꞌí kanꞌ. Bra kanꞌ mdyituun yu tiꞌí kanꞌ, ndyaa yu nde seꞌen ndukwin Jesús ꞌin yu chaꞌ tsaa yu.

SAN JUAN 21:17

Wa mdaꞌa snan yaꞌ nu mnichaꞌ Jesús ꞌin yu ngwañaꞌan: ―¿Ta chañi ꞌiin chaꞌ suꞌwe nsuꞌwi tiyee ñaꞌaan ꞌñaǎn a? Ngwa xiꞌin tiꞌ Tyu chaꞌ snan yaꞌ mnichaꞌ Jesús ꞌin yu si chañi chaꞌ suꞌwe nsuꞌwi tiye yu ñaꞌan yu ꞌin, kanꞌ chaꞌ ykwiꞌ yu loꞌo Jesús xiyaꞌ: ―Siyaꞌ ti jlyo tiiꞌ nchga chaꞌ, Xꞌnaǎn ―ndukwin Tyu ꞌin yu―. Loꞌo jlyo ꞌa tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin. ―Kwaꞌuu lyaa chaꞌ ꞌñaǎn ꞌin nten ꞌñaǎn sikwa, ñaꞌan tiꞌ slyaꞌ ꞌñaǎn lka neꞌ ―ndukwin Jesús ꞌin yu―.

SAN JUAN 6:64

Loꞌo ti ndiya neꞌ taꞌa ndaꞌan wan nu ja ya tsaa ñaꞌan tiꞌ ꞌñaǎn ―ndukwin Jesús bra kanꞌ. Ti bra nu wa mdyisnan ti chaꞌ, ti kwiꞌ bra kanꞌ mgii tiꞌ Jesús ti ka ka nu ja tsaa ñaꞌan tiꞌ ꞌin yu, ti ka ka nu kuꞌni trisiyun ꞌin yu chunꞌ ndiꞌin la.

LOS HECHOS 5:3

Ykwiꞌ Tyu loꞌo yu bra kanꞌ: ―Ananías ―ndukwin Tyu―, ¿ni nan lka ngwa ꞌiin a? ¿Ni chaꞌ mdaa chabiyaꞌ ꞌin kuneꞌ xaꞌan nu naan Satanás chaꞌ ka ndloo la niꞌ kasiya ꞌiin a? Kanꞌ lka nu mdatsaa ꞌiin chaꞌ mñi lyoꞌoo ꞌin Tyiꞌi Ndiose ―ndukwin Tyu ꞌin yu kanꞌ―. Ndukwiin chaꞌ nde lka nchga tñi nu mjwi ꞌiin loꞌo yuu kanꞌ, loꞌo siꞌi nchga tñi lka re.

LOS HECHOS 8:22

Kuloo chuunꞌ chaꞌ kuxi nu ndiꞌin niꞌ kasiya ꞌiin, chaꞌ kaa jñaan chaꞌ tlyu tiꞌ ꞌin Ndiose ꞌin nchga chaꞌ kuxi nu yꞌnii.

HEBREOS 4:13

Ja ka xuꞌwi kutsiꞌ ska chaꞌ nu ndaꞌan tiyean, ska chaꞌ nu ndiꞌin ꞌñaan ꞌin Ndiose. Ndiose jlyo tiꞌ nchga chaꞌ kanꞌ. Ñaꞌan Ni nchga nten nu wa ngwiñan Ni, nu wa msuꞌwa Ni lo chalyuu; jlyo tiꞌ Ni nchga chaꞌ nu ndiꞌin ꞌñaan. Ja ska tñan ka kuꞌnian mnan tloo Ndiose, chaꞌ ndiꞌin chaꞌ taan kwenta ꞌin Ndiose chaꞌ ꞌin nchga tñan nu yꞌnian kwenta skaan lo chalyuu, bra nu tsaa tii chalyuu ꞌñaan.

EL APOCALIPSIS 2:23

kwiꞌ ngwañaꞌan, kujwiǐn ꞌin nchga nten nu wa msñi chaꞌ ꞌin nu kunaꞌan kwa” ndukwin Ni. “Loꞌo bra kanꞌ taꞌa nten ꞌin Jesucristo nde nchga kichen ni, ka biyaꞌ tiꞌ neꞌ chaꞌ wa jlyo tiǎnꞌ nchga chaꞌ nu ndaꞌan tiye nten chalyuu bra kanꞌ. Loꞌo ka biyaꞌ tiꞌ nchga wan chaꞌ sa ñaꞌan nu ngiꞌni wan chaꞌ kuxi bra nu mdiyan wan lo chalyuu, kwiꞌ ngwañaꞌan taǎn nu tiꞌí ꞌwan” ndukwin Jesús.