SAN MARCOS 2:7 - Chatino Zona Alta Occidental

⁷ “¿Ni chaꞌ ykwiꞌ yu re ngwañaꞌan?” mskeꞌ tiꞌ neꞌ kanꞌ. “Ska ti Ndiose ka kuꞌni Ni chaꞌ tlyu tiꞌ ꞌin nten nu ndukwi kiꞌya. Ska kiꞌya tnun lka chaꞌ ykwiꞌ yu kiꞌyu re chaꞌ kuꞌni tyii yu kiꞌya nu ndiꞌin ꞌin ska nten chalyuu, chaꞌ ja tukwin nchka ꞌin kuꞌni tyii kiꞌya nu ndiꞌin ꞌin nten.”

SAN MARCOS 2:7 ပူးပေါင်းရင်းမြစ်များ

SAN MATEO 26:65

Loꞌo xꞌnan sti joꞌo kanꞌ ni, ti ykwiꞌ ti yu msaaꞌ yu steꞌ yu bra kanꞌ, chaꞌ msinꞌ ꞌa tiꞌ yu. ―Kwiñi ꞌa yu re, chaꞌ kuxi nchkwiꞌ yu re ꞌin Ndiose ―ndukwin sti joꞌo kanꞌ ꞌin ñaꞌaan ta neꞌ nu lka ndloo bra kanꞌ―. Ja ndiꞌin chaꞌ xtya xka nten kiꞌya ꞌin yu re, chaꞌ wa ynaan chaꞌ tnun ꞌa chaꞌ kuxi ykwiꞌ yu re, xa nu ndukwin yu chaꞌ Sñiꞌ Ndiose lka yu.

SAN MATEO 9:3

Loꞌo ni, mdaꞌan ꞌa chaꞌ tiye mstru nu nduꞌu chaꞌ joꞌo nu nduun kwiꞌ seꞌen ti: “Chaꞌ kuxi nchkwiꞌ yu kiꞌyu re chaꞌ ꞌin Ndiose” mskeꞌ tiꞌ neꞌ.

SAN MARCOS 14:64

Nan wa ynan wan chaꞌ tnun ꞌa chaꞌ kuxi nu ykwiꞌ yu re ꞌin Ndiose, bra nu ndukwin yu chaꞌ ska ti nu lka Sñiꞌ Ndiose lka yu. ¿Ni sa ñaꞌan chkwiꞌ wan ꞌin chaꞌ kanꞌ a? Nchga nten kanꞌ mxkwen neꞌ ꞌin nu lka ndloo la kanꞌ, chaꞌ ndiꞌin chaꞌ kaja Jesús.

SAN MARCOS 2:6

Loꞌo mstru nu nduꞌu chaꞌ joꞌo niꞌ lyaa nu mdiꞌin niꞌ ñaꞌan kanꞌ, yuwe ꞌa tiꞌ neꞌ bra kanꞌ:

SAN MARCOS 2:8

Ngwiꞌya Jesús kwenta sa ñaꞌan lka chaꞌ nu ndaꞌan tiye neꞌ, kanꞌ chaꞌ ykwiꞌ yu loꞌo mstru kanꞌ bra kanꞌ: ―¿Ni sa ñaꞌan chaꞌ kuxi ndaꞌan chaꞌ tiye wan seꞌen ndiꞌin wan a? ―ndukwin Jesús ꞌin mstru kanꞌ―.

SAN LUCAS 5:21

Bra kanꞌ mdaꞌan ꞌa chaꞌ tiye mstru nu nduꞌu chaꞌ joꞌo kanꞌ loꞌo neꞌ fariseo: “¿Ti ka nu lka yu kiꞌyu re a? ¿Ni chaꞌ lka re a? Kuxi ꞌa nchkwiꞌ yu chaꞌ ꞌin Ndiose chaꞌ nchkwiꞌ yu ngwañaꞌan” mskeꞌ tiꞌ neꞌ. “Ja ka ꞌin ska nten chalyuu kuꞌni tyii kiꞌya sa ñaꞌan ngiꞌni yu re, ja ka kuꞌni nten chaꞌ tlyu tiꞌ kiꞌya nu ndiꞌin ꞌin nten; ska ti Ndiose ka kuꞌni tyii kiꞌya nu ndiꞌin ꞌin nten.” Ngwañaꞌan mdaꞌan chaꞌ tiye neꞌ.

SAN LUCAS 7:49

Bra kanꞌ nten nu suꞌwa ti mdiyan loꞌo Jesús chaꞌ ku tlyaa neꞌ seꞌen ndiꞌin Simón, mdyisnan neꞌ kanꞌ ykwiꞌ neꞌ loꞌo taꞌa neꞌ: ―¿Ti ka nu lka yu kiꞌyu re a? ¿La nde mjwi chabiyaꞌ ꞌin yu chaꞌ kuꞌni tyii yu kiꞌya nu ndiꞌin ꞌin nten a? ―ndukwin neꞌ.

SAN JUAN 10:33

Mxkwen neꞌ judío kanꞌ ꞌin Jesús bra kanꞌ: ―Ja kujwi ba ꞌiin loꞌo kee siꞌya ska tñan suꞌwe nu yꞌnii ―ndukwin neꞌ―; siꞌya chaꞌ kuxi nu nchkwiiꞌ ꞌin Ndiose, kanꞌ chaꞌ kuun kee ba ꞌiin. Sñiꞌ nten chalyuu lkaa, loꞌo nuꞌwin ngiꞌnii chaꞌ Ndiose lkaa.

SAN JUAN 10:36

¿Ni chaꞌ lka mstya wan kiꞌya ꞌñaǎn tloo Ndiose sikwa a?, chaꞌ nu ndukwin wan chaꞌ kuxi ꞌa nchkwiǐnꞌ ꞌin Ndiose ―ndukwin Jesús―. Wa ngulo suwi Stiǐn ꞌñaǎn, msuꞌwa Ni ꞌñaǎn chaꞌ mdiyaǎn lo chalyuu. ¿Ni chaꞌ lka nxkeꞌ tiꞌ wan chaꞌ ja suꞌwe chaꞌ nu ykwiǐnꞌ, chaꞌ skaǎn tiǎn lkaǎn Sñiꞌ Ndiose a?