SAN MARCOS 16:18 - Chatino Zona Alta Occidental

¹⁸ xñi neꞌ kanꞌ ꞌin kunan tlá; si koꞌo neꞌ yan, ja ska chaꞌ kuxi ka ꞌin neꞌ kanꞌ bra kanꞌ; loꞌo ka xtya yaꞌ neꞌ kanꞌ chunꞌ nu tiꞌí kanꞌ, chaꞌ chkaa neꞌ ―ndukwin Jesús ꞌin neꞌ.

SAN MARCOS 16:18 ပူးပေါင်းရင်းမြစ်များ

SAN MARCOS 5:23

Tꞌnan ꞌa ykwiꞌ yu loꞌo Jesús bra kanꞌ: ―Wa kaja ti sñiěnꞌ ―ndukwin yu ꞌin Jesús―. Kuꞌni wan chaꞌ suꞌwe tsaa wan nde seꞌen nskwa nu kunaꞌan xuwe kanꞌ ꞌñaǎn, chaꞌ kuꞌni wan joꞌó ꞌin, xtya yaꞌ wan chunꞌ nu xuwe chaꞌ kuꞌu.

SAN LUCAS 10:19

Loꞌo wa ndaǎn chabiyaꞌ ꞌwan chaꞌ xtya kiyaꞌ wan chunꞌ kunan tlá, loꞌo chunꞌ xeꞌen; chabiyaꞌ ꞌñaǎn tukunꞌ wan chaꞌ ꞌin kuneꞌ xaꞌan siyaꞌ ti. Kwiꞌ ngwañaꞌan, ja ka kuxi ꞌwan siyaꞌ ti, ja ska chaꞌ kuxi ñaꞌan wan bra kanꞌ.

LOS HECHOS 19:12

Msñi nten nchga teꞌ nu wa ylaꞌ Palyu, ndyaa loꞌo neꞌ ꞌin teꞌ kanꞌ seꞌen ndiꞌin neꞌ tiꞌí taꞌa neꞌ. Loꞌo nchga neꞌ tiꞌí kanꞌ nchkaa bra kanꞌ; kwiꞌ ngwañaꞌan, neꞌ tiꞌí nu msñi kwiꞌin kuxi ꞌin neꞌ, mdoꞌo kwiꞌin ꞌin neꞌ kanꞌ ndyaa bra kanꞌ.

LOS HECHOS 3:12

Naꞌan Tyu chaꞌ mdiyan kaꞌan ꞌa nten seꞌen nduun, kanꞌ chaꞌ ykwiꞌ yu loꞌo nten kanꞌ, nchga chaꞌ nu ngwa ꞌin yu tiꞌí kanꞌ: ―ꞌWan, neꞌ Israel ―ndukwin Tyu ꞌin neꞌ―, ¿ni chaꞌ lka nduwe ꞌa tiꞌ wan ni a? ―ndukwin―. Nduun ti wan naꞌan kwiꞌya ꞌa wan ꞌwa ―ndukwin―. Nduwe ꞌa tiꞌ wan ñaꞌan wan nan ka ngwa ꞌwa loꞌo nu kiꞌyu re. Ndukwin wan chaꞌ nchka ꞌa ꞌwa, chaꞌ bare yꞌni ba chaꞌ nchkaa yu re chunꞌ suꞌwe ꞌa ngiꞌni ba nchga tsan, nxkeꞌ tiꞌ wan. Siꞌi ngwañaꞌan. Jesús lka nu yꞌni chaꞌ nchkaa kiyaꞌ yu re.

LOS HECHOS 3:16

’Loꞌo nsuꞌwi lyo wan ꞌin yu re chaꞌ tiꞌí yu nu ngwa xkanꞌ ―ndukwin Tyu ꞌin neꞌ―. Loꞌo ni, wa yꞌni Jesús chaꞌ nchkaa yu re, chunꞌ nu ndyaa ñaꞌan tiꞌ yu ꞌin Jesús. Nchka ꞌa ꞌin Jesús kanꞌ kuꞌni yu chaꞌ chkaa nten; ka ñaꞌan wan ꞌin yu chaꞌ chañi chaꞌ wa nchkaa yu re ni.

LOS HECHOS 4:10

Kunan suꞌwe wan chinꞌ sikwa. Chkwiǐnꞌ ska chaꞌ loꞌo wan loꞌo nchga nten lo yuu re, chaꞌ Jesucristo lka nu yꞌni chaꞌ nchkaa yu tiꞌí re. Ti kwiꞌ Jesús Nazaret nu yjwi wan lo wsi, kanꞌ lka nu yꞌni Ndiose chaꞌ ndyuꞌu xiyaꞌ xa wa ngujwi. Loꞌo Jesús kanꞌ mda chabiyaꞌ chaꞌ nchkaa yu re, kanꞌ chaꞌ nduun suꞌwe ti yu re ni.

LOS HECHOS 4:22

Wa mdijin tuꞌwa yijan nsuꞌwi yu nu ngwa tiꞌí kanꞌ, xa nu yꞌni Ndiose chaꞌ nchkaa yu.

LOS HECHOS 4:30

Taa chabiyaꞌ chaꞌ chkaa neꞌ tiꞌí. Luwi ꞌa kasiya ꞌin Jesús nu lka sñiiꞌ, kanꞌ chaꞌ kuꞌnii chaꞌ ti kuꞌni Ni kaꞌan ꞌa chaꞌ tnun lo chalyuu chaꞌ kuwe ꞌa tiꞌ nten ꞌiin bra nu ñaꞌan neꞌ ꞌin ran. Sa kwa ti chaꞌ chkwiꞌ ba ni.

LOS HECHOS 9:34

Ykwiꞌ Tyu loꞌo yu tiꞌí bra kanꞌ: ―Eneas ―ndukwin―, wa yꞌni Jesucristo chaꞌ nchkaa ―ndukwin―. Kanꞌ chaꞌ tyituun ni, tyukwaan kiꞌyan kwa ꞌiin. Bra ti mdyituun Eneas bra kanꞌ.

ROMANOS 16:20

Ti chinꞌ ti tsan ti ji chaꞌ kuꞌni tyii Ndiose chaꞌ ꞌin kuneꞌ xaꞌan, chaꞌ ja ka tlyu la chaꞌ kuxi nu ngiꞌni nu xaꞌan kanꞌ. Tiin ti tyiꞌin wan sikwa, sa ñaꞌan ndiꞌin Ndiose; kwiꞌ ngwañaꞌan, ti kuꞌni la Jesucristo nu nka Xꞌnaan chaꞌ suꞌwe loꞌo nchga neꞌ taꞌa wan.

1 CORINTIOS 12:9

kwiꞌ ngwañaꞌan ndiya neꞌ taꞌaan nu suꞌwe ꞌa ndyaa ñaꞌan tiꞌ ꞌin Ndiose; loꞌo ndiya neꞌ taꞌaan nu nchka ꞌin neꞌ kuꞌni chkaa neꞌ nu tiꞌí chabiyaꞌ ꞌin Jesús;