SAN MARCOS 15:34 - Chatino Zona Alta Occidental

³⁴ Loꞌo bra wa snan siin, bra kanꞌ kwen msiꞌya Jesús: ―Eloi, Eloi, ¿lama sabactani? ―ndukwin. Nde ñaꞌan ndyoꞌo chaꞌ kanꞌ chaꞌtñan: Ndiose ꞌñaǎn, Ndiose ꞌñaǎn, ¿ni chaꞌ ngulaa yaaꞌ ꞌñaǎn?

SAN MARCOS 15:34 ပူးပေါင်းရင်းမြစ်များ

SAN MATEO 27:45

Chunꞌ ndiꞌin la ngwa tla chalyuu snan bra; ti ndiꞌya kwan mdyisnan chaꞌ kanꞌ, sa bra wa snan siin mdyii chaꞌ kanꞌ.

SAN MATEO 27:46

Ti kwiꞌ bra wa snan siin, kanꞌ kwen ꞌa msiꞌya Jesús: ―Elí, Elí, ¿lama sabactani? ―ndukwin yu. Nde lka chaꞌ kanꞌ chaꞌtñan: Ndiose Stiǐn, Ndiose Stiǐn, ¿ni chaꞌ lka ngulaa yaaꞌ ꞌñaǎn ni?

SAN MARCOS 15:25

Ngwa bra wa kaa tlya mstya sndaru ꞌin Jesús lo wsi.

SAN MARCOS 15:35

Ynan chinꞌ nten nu nduun kwiꞌ seꞌen ti, loꞌo ja ngwa biyaꞌ tiꞌ neꞌ ni chaꞌ ngwa nu ykwiꞌ yu: ―Kunan suꞌwe wan, wa msiꞌya yu ꞌin ayman Elías ―ndukwin neꞌ kanꞌ.

SAN LUCAS 23:44

Ndiꞌya kwan ngwa, bra kanꞌ ngwa tla tyukwi ñaꞌaan chalyuu; ngwa tla sa ñaꞌan yaꞌ nu mdiya bra wa snan siin,

SAN LUCAS 23:46

Loꞌo kwen ꞌa msiꞌya Jesús: ―Stiǐn, tiꞌyaa kasiya ꞌñaǎn ―ndukwin yu. Bra wa ykwiꞌ yu chaꞌ kanꞌ, bra ti ngujwi yu bra kanꞌ.

LOS HECHOS 10:3

Loꞌo mdiya ska tsan mdiyan ska angajle seꞌen ndiꞌin yu, bra wa snan siin mdiyan angajle kanꞌ. Ñaꞌan tiꞌ nchkwiꞌ sla ti yu, ngwañaꞌan ngwa chaꞌ kanꞌ. Ykwiꞌ angajle kanꞌ loꞌo yu bra kanꞌ: ―¡Cornelio! ―ndukwin angajle ꞌin yu.

HEBREOS 5:7

Bra nu ti mdiꞌin Jesús lo chalyuu, tyun yaꞌ msiꞌya yu, kwiꞌ tyun yaꞌ ynan yu bra nu ykwiꞌ yu loꞌo Ndiose Sti yu; lye ꞌa yuwe tiꞌ yu niꞌ kasiya ꞌin yu bra nu mjñan yu chaꞌ ꞌin Ndiose Sti yu, chaꞌ ja ta chabiyaꞌ kaja yu si nu ngwañaꞌan ngwa tiꞌ Ni; loꞌo ynan Ni chaꞌ nu ykwiꞌ yu loꞌo Ni, chaꞌ mslyaa yu kuꞌni yu nchga chaꞌ nu ykwiꞌ Ndiose Sti yu loꞌo yu.