SAN MARCOS 12:9 - Chatino Zona Alta Occidental

⁹ Bra kanꞌ mnichaꞌ Jesús ꞌin nten nu wa ynan chaꞌ tiya kanꞌ: ―¿Ni sa ñaꞌan kuꞌni xꞌnan loꞌoo kanꞌ bra kanꞌ? ―ndukwin Jesús ꞌin neꞌ―. Ja chan kan ykwiꞌ xꞌnan loꞌoo kanꞌ nde seꞌen nduun yka ꞌin yu; bra ti kujwi yu ꞌin nchga nten tiꞌí tiꞌ kanꞌ, ta yu yka kwiñii kanꞌ jñan xka ta nten bra kanꞌ, chaꞌ kuꞌni neꞌ tñan nde kwa. Ngwañaꞌan kuꞌni xꞌnan loꞌoo kanꞌ.

SAN MARCOS 12:9 ပူးပေါင်းရင်းမြစ်များ

SAN MATEO 12:45

Bra ti tsaa kwiꞌin xiyaꞌ, tsaa naan ꞌin xa kati kwiꞌin nu xaꞌan la, chaꞌ suꞌwa ti xuꞌwi nchga kwiꞌin ꞌin nten kanꞌ, chaꞌ kaja seꞌen tyiꞌin kwiꞌin kanꞌ loꞌo nten, nchka tiꞌ kwiꞌin kanꞌ. Ka kuxi la chaꞌ ꞌin nten kanꞌ bra kanꞌ, chaꞌ kaꞌan la kwiꞌin nsuꞌwi ꞌin neꞌ bra kanꞌ. Kwiꞌ ngwañaꞌan kuxi ꞌa ka chaꞌ ꞌin nten nu ndiꞌin lo chalyuu ni, chaꞌ xaꞌan ꞌa neꞌ.

SAN MATEO 21:34

Chunꞌ ndiꞌin la, wa tiya ti bra xtun neꞌ mta chi kutun kanꞌ, loꞌo tijyuꞌ ndiꞌin xꞌnan loꞌoo kanꞌ. Kanꞌ ngulo yu tñan ꞌin ska ta msu ꞌin yu chaꞌ tsaa neꞌ seꞌen ngiꞌni neꞌ tñan niꞌ lyoꞌoo ꞌin yu bra kanꞌ, chaꞌ tsaa yꞌya msu kanꞌ chinꞌ nan nu ndiꞌin chaꞌ kanun ꞌin xꞌnan loꞌoo kanꞌ.

SAN MATEO 21:43

kanꞌ chaꞌ katsaǎnꞌ ñi ꞌwan ni, chaꞌ ja ta ꞌa Ndiose chabiyaꞌ sten wan chaꞌ ꞌin Ni, chaꞌ ka Ni ndloo la niꞌ kasiya ꞌwan. Ta Ni chabiyaꞌ kala xka ta nten seꞌen ndiꞌin Ni, nten nu suꞌwe nka tiye chaꞌ kuꞌni tñan ꞌin Ni.

SAN MATEO 22:7

Xa wa ynan ree kanꞌ tñan nu yꞌni neꞌ loꞌo msu ꞌin, msinꞌ ꞌa tiꞌ ree kanꞌ ꞌin nten xaꞌan kanꞌ. Ngulo ree tñan ꞌin sndaru ꞌin chaꞌ kujwi neꞌ ꞌin nchga neꞌ xaꞌan kanꞌ bra kanꞌ, chaꞌ xkin sndaru kichen tyi neꞌ xaꞌan kanꞌ.

SAN MARCOS 12:10

’¿Ja ya chkwiꞌ wan lo kityi ꞌin Ndiose seꞌen ndukwa chaꞌ re a?: Ndiya ska kee nu mxkwan nten nu ngwiñan naꞌan ti kulo, chaꞌ ja suꞌwe ñaꞌan kee kanꞌ, mskeꞌ tiꞌ neꞌ; loꞌo ni, wa mjwi tñan nu kuꞌni kee kanꞌ, chunꞌ nduun ran seꞌen lka ndloo la chaꞌ ꞌin Ndiose.

SAN MARCOS 12:8

Kanꞌ chaꞌ msñi neꞌ kanꞌ ꞌin sñiꞌ xꞌnan loꞌoo kanꞌ, yjwi neꞌ ꞌin yu; mxkwan neꞌ ꞌin ayman kanꞌ chunꞌ loꞌoo.

SAN LUCAS 19:27

Loꞌo ni, nten kanꞌ nu ja ngwa tiꞌ chaꞌ kaǎn ree ndloo ꞌin neꞌ, kwiꞌ nu msuun loꞌoǔn, tyaan loꞌo lya wan ꞌin neꞌ kanꞌ nde re, chaꞌ kujwi wan ꞌin neꞌ nde seꞌen ndiꞌiǐn.”

ROMANOS 10:20

Loꞌo ñi ꞌa chaꞌ re nu ykwiꞌ ayman Isaías chabiyaꞌ ꞌin Ndiose: Ti kwiꞌ nten nu ja ya tsaa naan chaꞌ ꞌñaǎn, wa mjwi chaꞌ ꞌñaǎn ꞌin neꞌ ni, ndukwin Ni. Ni siya ja siyaꞌ jñan neꞌ kanꞌ ska chaꞌ suꞌwe ꞌñaǎn, wa ngwaꞌuǔn tloǔn ꞌin neꞌ ni.