SAN MARCOS 12:37 - Chatino Zona Alta Occidental

³⁷ “Xꞌnaǎn” ykwiꞌ ayman David chaꞌ ꞌin Krixtu ―ndukwin Jesús ꞌin neꞌ―. ¿Ni chaꞌ nduꞌu neꞌ chaꞌ nten ꞌin ayman David ka Krixtu sikwa? Kaꞌan ꞌa nten mduun nde kwa, loꞌo mdiya ꞌa tiꞌ neꞌ xa wa ynan neꞌ chaꞌ nu ngwaꞌu Jesús ꞌin neꞌ.

SAN MARCOS 12:37 ပူးပေါင်းရင်းမြစ်များ

SAN MATEO 1:23

Ka tnan ska nu kunaꞌan kuneꞌ nu ti ji xuꞌwi kiꞌyu ꞌin, loꞌo bra kanꞌ tyiꞌin ska kuwiꞌ kiꞌyu ꞌin; Emanuel chkwiꞌ neꞌ ꞌin kuwiꞌ kanꞌ. Ngwañaꞌan ndukwa chaꞌ lo kityi, kanꞌ chaꞌ ngwañaꞌan ngwa ꞌin Liya bra kanꞌ. Nu nchkwiꞌ neꞌ Emanuel ni, nde lka chaꞌ kanꞌ chaꞌtñan: Suꞌwa ndiꞌin Ndiose loꞌoan.

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

SAN MATEO 11:5

Katsaꞌ wan ꞌin yu sa ñaꞌan ngiꞌniǐn chaꞌ nchkaa kiloo nten nu ngwa kwityiinꞌ, chaꞌ ndaꞌan nten nu ngwa tiꞌí kiyaꞌ, chaꞌ ngwa luwi kunaꞌ nten nu mtsuꞌ kunaꞌ, chaꞌ nu nnan nten nu ngwa kuꞌun tu nskan, chaꞌ ndyuꞌu nten xiyaꞌ bra nu wa ngujwi neꞌ, chaꞌ nchka biyaꞌ tiꞌ nu tiꞌi sa ñaꞌan nu kulaa Ndiose ꞌin nten chalyuu ꞌin chaꞌ kuxi nu ndiꞌin ꞌin neꞌ.

SAN MATEO 21:45

Sti joꞌo nu lka ndloo loꞌo neꞌ fariseo ni, bra nu ynan neꞌ chaꞌ nu tka ykwiꞌ ti Jesús loꞌo neꞌ, mskeꞌ tiꞌ neꞌ chaꞌ ykwiꞌ kaꞌan Jesús ꞌin neꞌ bra nu ykwiꞌ yu chaꞌ ꞌin neꞌ xaꞌan nu yꞌni tñan niꞌ lyoꞌoo ꞌin xꞌnan yuu kanꞌ, kwiꞌ chaꞌ ꞌin kee nu mxkwan neꞌ nu mñan naꞌan.

SAN MATEO 21:46

Lye ꞌa nka tiye neꞌ nu tnun nchka kanꞌ xñi neꞌ ꞌin Jesús, chaꞌ kujwi neꞌ ꞌin yu, ngwa tiꞌ neꞌ. Loꞌo ja ngwa ꞌin neꞌ, chaꞌ ntsen neꞌ ꞌin nten kaꞌan kanꞌ, chaꞌ kaꞌan ꞌa nten ndyaa ñaꞌan tiꞌ chaꞌ ska nten nu nchkwiꞌ chaꞌ ꞌin Ndiose lka Jesús.

SAN LUCAS 19:48

Ja ngwa kuꞌni neꞌ chaꞌ kuxi kanꞌ, chaꞌ wa kaꞌan ꞌa nten ndaꞌan loꞌo yu, chaꞌ ndiya ꞌa tiꞌ neꞌ nganan neꞌ chaꞌ nu nchkwiꞌ yu.

SAN LUCAS 21:38

Nchga tsan, tlya ꞌa mdaꞌan kaꞌan ꞌa nten niꞌ lyaa tnun kanꞌ, chaꞌ kunan neꞌ nchga chaꞌ nu nduꞌu Jesús.

SAN JUAN 12:9

Wa mjwi rsun ꞌin neꞌ chaꞌ ndiꞌin Jesús kichen Betania, kanꞌ chaꞌ ndyaa kaꞌan neꞌ judío, sa tlyu ti ndyaa naꞌan neꞌ ꞌin Jesús. Ngwa tiꞌ neꞌ kanꞌ ñaꞌan neꞌ ꞌin nu ngwa ayman Lázaro kanꞌ, nu yꞌni Jesús chaꞌ ndyuꞌu xiyaꞌ.

ROMANOS 9:5

Sñiꞌ ayman kula ꞌñaan lka neꞌ kanꞌ. Bra nu ngula Krixtu lo chalyuu chaꞌ ngwa Ni nten, ti kwiꞌ taꞌa neꞌ Israel ngwa yu bra kanꞌ. Kwiꞌ ngwañaꞌan, lka Krixtu Ndiose nu nka ndloo la ti ꞌin nchga nan siyaꞌ ti, kanꞌ chaꞌ nchga bra ngiꞌni tnun nten ꞌin Ni. Ngwañaꞌan lka chaꞌ kanꞌ.

1 TIMOTEO 3:16

Chañi chaꞌ tnun ꞌa chaꞌ suꞌwe ꞌin Jesucristo nu wa msñian. Nde ndukwa chaꞌ kanꞌ: Nu ngwa sꞌni, ja tukwin ngwa biyaꞌ tiꞌ sa ñaꞌan nu kulaa Ndiose ꞌin nten; loꞌo ni, jlyo tianꞌ, chaꞌ ngula Jesucristo yan Ni chalyuu, chaꞌ ngwa Ni nten. Kwiꞌ ngwañaꞌan nchkwiꞌ Tyiꞌi Ndiose chaꞌ ꞌin Ni, chaꞌ ska nten nu luwi ꞌa lka Ni; wa naꞌan angajle ꞌin Jesús, yu nu luwi kanꞌ. Loꞌo ni, nduꞌu nten chaꞌ ꞌin Jesucristo ꞌin nten nu ndiꞌin tyukwi ñaꞌaan chalyuu; loꞌo nxñi neꞌ nchga kichen chaꞌ nu nchkwiꞌ neꞌ bra kanꞌ. Chunꞌ ndiꞌin la ndyaa Jesús nde seꞌen ndiꞌin Ndiose Stian nde niꞌ kwan, loꞌo ni, tlyu ꞌa lka Jesús seꞌen ndiꞌin Ni nde kwa.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

EL APOCALIPSIS 22:16

Xiyaꞌ ykwiꞌ Jesús bra kanꞌ: ―Wa msuꞌwaǎn angajle ꞌñaǎn ndijyan seꞌen ndiꞌin nchga ta nten ꞌwan la kichen tyi wan. Naꞌ lkaǎn taꞌa ayman David, ti kwiꞌ nten nu ngwa tnun xa nu yan neꞌ lo chalyuu nu ngwa sꞌni. Loꞌo ñaꞌan tiꞌ xaa kwii kulasiin tnun nu ndyoꞌo tukwa bra wa kiꞌya ti xaa, ngwañaꞌan lka xaa nu taǎn chaꞌ xuꞌwi niꞌ kasiya ꞌin nten ―ndukwin Jesús.