SAN MARCOS 12:36 - Chatino Zona Alta Occidental

³⁶ Ti kwiꞌ ayman David wa ykwiꞌ yu nu ngwa sꞌni chaꞌ Xꞌnan yu lka Krixtu. Wa ngwaꞌu Tyiꞌi Ndiose chaꞌ kanꞌ ꞌin David, kanꞌ chaꞌ ngwañaꞌan ngwaꞌan yu lo kityi: Ndiose nu lka Xꞌnaan ykwiꞌ loꞌo Krixtu nu lka Xꞌnaǎn: “Tyukwaa nde laꞌa seꞌen kwin ꞌñaǎn” ndukwin Ni, “sa ñaꞌan yaꞌ nu kuꞌni tyiǐn chaꞌ ꞌin nchga nu nxuun loꞌoo, chaꞌ kaa ndloo ꞌin nchga chaꞌ” ndukwin Ndiose nu lka Xꞌnaan ꞌin Krixtu.

SAN MARCOS 12:36 ပူးပေါင်းရင်းမြစ်များ

SAN MATEO 5:35

ni siya chkwiꞌ wan chaꞌ ꞌin nan nu nsuꞌwi lo chalyuu re, ja chkwiꞌ wan chaꞌ nu tnun ꞌa ngwañaꞌan, chaꞌ chaꞌ ꞌin Ndiose lka chalyuu re; ni siya chkwiꞌ wan chaꞌ ꞌin kichen Jerusalén, ja chkwiꞌ wan chaꞌ nu tnun ꞌa ngwañaꞌan, chaꞌ la kanꞌ lka Ndiose ndloo la.

LOS HECHOS 1:16

―ꞌWan, taꞌa ndiꞌian re ―ndukwin Tyu ꞌin neꞌ kanꞌ―, nu ngwa sꞌni mdayaꞌ Tyiꞌi Ndiose ꞌin ayman David chaꞌ ngwaꞌan ayman kanꞌ kityi nu ykwiꞌ nde loo la sa ñaꞌan chaꞌ kuxi ka nu kuꞌni ayman Juda. Juda ngwa nu ngwaꞌu tuwiin ꞌin neꞌ xaꞌan chaꞌ msñi neꞌ ꞌin Jesús presu; sa ñaꞌan nu nganun chaꞌ ka ꞌin yu, ngwañaꞌan ngwa chaꞌ kanꞌ.

LOS HECHOS 28:25

loꞌo ja ngwa suꞌwa tiye neꞌ. Bra wa tyaa ti neꞌ, xiyaꞌ ykwiꞌ Palyu loꞌo neꞌ: ―Ñi ꞌa chaꞌ nu ytsaꞌ Tyiꞌi Ndiose ꞌin ayman Isaías nu ykwiꞌ loꞌo nten chabiyaꞌ ꞌin Ndiose nu ngwa sꞌni, xa nu ykwiꞌ Ni loꞌo ayman Isaías kanꞌ bra kanꞌ:

1 CORINTIOS 15:25

Nde ñaꞌan nchka chaꞌ. Bra nu ni ti nsuꞌwi chabiyaꞌ kulo Jesús tñan ꞌin nchga nten, sa ñaꞌan yaꞌ kuꞌni tyii Ndiose ꞌin nchga nten nu nxuun loꞌo Jesús.

2 TIMOTEO 3:16

Ndiose yꞌni chaꞌ mbiꞌya chaꞌ kanꞌ ke nten chalyuu, chaꞌ ngwaꞌan neꞌ xkwiꞌ chaꞌ ꞌin Ni lo kityi kanꞌ, kanꞌ chaꞌ suꞌwe ꞌa si ti kwaꞌuun laan chaꞌ nu ndukwa lo kityi kanꞌ ꞌin nten, chaꞌ ka biyaꞌ tiꞌ neꞌ nchga chaꞌ ꞌin Ndiose. Kanꞌ nu ka tukunꞌ chaꞌ ꞌin neꞌ chaꞌ ja kuꞌni ꞌa neꞌ chaꞌ kuxi. Loꞌo nduꞌu kityi kanꞌ ꞌñaan sa ñaꞌan ka xñiin suꞌween laan chaꞌ ꞌin Ndiose, nduꞌu ran ꞌñaan ni ñaꞌan kuꞌni xaꞌaan chaꞌ xkwiꞌ chaꞌ suꞌwe kuꞌnian.

HEBREOS 1:13

Nde ndiya xka chaꞌ nu ndukwa lo kityi kula chaꞌ ꞌin Krixtu: Tyaan lyaa nde re, tyukwaa lyaa seꞌen ndukwaǎn re. Nde ti tyukwa nuꞌwin sa ñaꞌan yaꞌ nu tyijin lyoǔn ꞌin nchga nu nxuun loꞌoo, chaꞌ nuꞌwin lka ndloo ꞌin neꞌ kanꞌ bra kanꞌ, ndukwin Ndiose. Ja ya chkwiꞌ Ndiose ngwañaꞌan chaꞌ ꞌin ska angajle ꞌin Ni nde niꞌ kwan, ska ti loꞌo Krixtu wa ykwiꞌ Ni ngwañaꞌan.

HEBREOS 4:7

ti nda Ni ti chinꞌ tyempu ꞌñaan, chaꞌ kunaan chaꞌ kanꞌ, ni siya ni ti. Wa mdijin tyun yijan ti bra nu ngujwi ayman Moisés kanꞌ, bra nu ykwiꞌ Ndiose loꞌo David bra kanꞌ. Nde ndiya chaꞌ nu ykwiꞌ Ni: Kunan suꞌwe wan chaꞌ nu chkwiǐnꞌ loꞌo wan; ja xuꞌwi ꞌa chaꞌ kuxi tiye wan ñaꞌan wan ꞌñaǎn.

1 SAN PEDRO 1:11

Tyiꞌi Krixtu ngwaꞌu nchga chaꞌ kanꞌ ꞌin neꞌ, sa ñaꞌan nu ka ꞌin Krixtu nde loo la, sa ñaꞌan nu tiꞌí ndiꞌin chaꞌ tyijin yu lo chalyuu, sa ñaꞌan chaꞌ suꞌwe nu tlyu ꞌa ka ꞌin yu bra nu tyaa yu nde seꞌen ndiꞌin Ndiose Sti yu xiyaꞌ. Ti ngwa sꞌni kanꞌ mnaan ꞌa ayman kanꞌ, sa ñaꞌan ka biyaꞌ tiꞌ neꞌ ti ka nu ka Krixtu kanꞌ, ni tsan tiyan yu lo chalyuu.

2 SAN PEDRO 1:21

Nchga nten nu ykwiꞌ chaꞌ ꞌin Ndiose loꞌo nten nu ngwa sꞌni, ja ykwiꞌ neꞌ ya ñaꞌan ti chaꞌ nu ndiya ti tiꞌ neꞌ, bra nu ykwiꞌ neꞌ chabiyaꞌ ꞌin Ni; xkwiꞌ chaꞌ nu ngwaꞌu Tyiꞌi ykwiꞌ Ni ꞌin neꞌ kanꞌ, kanꞌ lka chaꞌ nu ykwiꞌ neꞌ chabiyaꞌ ꞌin Ni.