SAN MARCOS 12:2 - Chatino Zona Alta Occidental

² Xa nu wa tiya koꞌ chaꞌ kuwin mta chi kutun, kanꞌ ngulo yu tñan ꞌin msu ꞌin yu chaꞌ tsaa seꞌen ndiꞌin nten kanꞌ, tsaa yꞌya msu chinꞌ nan nu ndiꞌin chaꞌ kanun ꞌin yu.

SAN MARCOS 12:2 ပူးပေါင်းရင်းမြစ်များ

SAN MATEO 21:34

Chunꞌ ndiꞌin la, wa tiya ti bra xtun neꞌ mta chi kutun kanꞌ, loꞌo tijyuꞌ ndiꞌin xꞌnan loꞌoo kanꞌ. Kanꞌ ngulo yu tñan ꞌin ska ta msu ꞌin yu chaꞌ tsaa neꞌ seꞌen ngiꞌni neꞌ tñan niꞌ lyoꞌoo ꞌin yu bra kanꞌ, chaꞌ tsaa yꞌya msu kanꞌ chinꞌ nan nu ndiꞌin chaꞌ kanun ꞌin xꞌnan loꞌoo kanꞌ.

SAN MARCOS 12:1

Kanꞌ mdyisnan Jesús ngwaꞌu ska chaꞌ tiya ꞌin neꞌ nu nduun kwiꞌ seꞌen ndiꞌin yu: ―Wa mdiya ska nten, yuꞌwi tyun yka chi kutun ꞌin yu nu wa yta yu. Ngwiñan yu ska loꞌoo chunꞌ yka kanꞌ. Bra kanꞌ ngulu yu ska tu tiyuu niꞌ kee seꞌen lyoꞌo sta neꞌ mta chi kutun, chaꞌ kulo neꞌ tyiꞌa xi nu nsuꞌwi niꞌ ran. Loꞌo ngwiñan yu ska naꞌan seꞌen kuꞌni neꞌ kwan ꞌin yka kanꞌ. ’Chunꞌ ndiꞌin la mda yu niꞌ lyoꞌoo seꞌen nduun yka kanꞌ mjñan xka ta nten, loꞌo sa tkanꞌ ti nan nu tyoꞌo lo yka kanꞌ kaja ꞌin yu bra kanꞌ. Kwiꞌ mdoꞌo yu ndyaa yu xka kichen tijyuꞌ la bra kanꞌ.

SAN MARCOS 12:3

Bra ti msñi neꞌ nu ndiꞌin loo tñan kanꞌ ꞌin msu nu tka mdiyan ti, mjiꞌin neꞌ ꞌin msu kanꞌ; ja ska mta chi kutun mda neꞌ ku xꞌnan loꞌoo kanꞌ.

SAN LUCAS 12:48

Xka la msu nu ja ngwa biyaꞌ tiꞌ sa ñaꞌan tñan ngulo xꞌnan yu ꞌin yu, chinꞌ la nu tiꞌí kaja ꞌin yu bra kanꞌ; siyaꞌ la chinꞌ jwiꞌin xꞌnan yu ꞌin yu, ni siya ndiꞌin chaꞌ lye ꞌa kaja nu tiꞌí ꞌin yu siꞌya tñan nu ja yꞌni yu kanꞌ. Bra nu xnun nten kaꞌan ꞌa tñan ꞌñaan, bra kanꞌ ndiꞌin chaꞌ kuꞌnian kaꞌan la tñan chaꞌ ꞌin neꞌ kanꞌ. Loꞌo Ndiose, si ta Ni tyun lo chaꞌ suꞌwe ꞌñaan, kwiꞌ ngwañaꞌan tyun lo tñan ndiꞌin chaꞌ kuꞌnian chaꞌ ꞌin Ni.

SAN LUCAS 20:10

Bra nu wa mdiya bra wa xtun neꞌ mta chi kutun kanꞌ, bra kanꞌ ngulo xꞌnan tñan kanꞌ tñan ꞌin ska msu ꞌin yu, chaꞌ tsaa chkwiꞌ loꞌo neꞌ nu ngiꞌni tñan niꞌ lyoꞌoo ꞌin yu, chaꞌ ta neꞌ sa tkanꞌ mta chi kutun nu ndiꞌin chaꞌ kaja ꞌin xꞌnan tñan kanꞌ. Loꞌo neꞌ kanꞌ ni, mjiꞌin neꞌ ꞌin msu kanꞌ, ngulo neꞌ ꞌin yu; mxitukwi yu ndyaan yu seꞌen ndiꞌin xꞌnan yu, loꞌo ja ska nan mda neꞌ ꞌin yu siyaꞌ ti.

HEBREOS 1:1

Nu ngwa sꞌni ni, wa tyun ꞌa yaꞌ ykwiꞌ Ndiose loꞌo ayman kula ꞌñaan, ngwañaꞌan ti ñaꞌan ytsaꞌ Ni chaꞌ ꞌin ayman kanꞌ, chaꞌ kwaꞌu neꞌ ꞌin nchga taꞌa kichen tyi neꞌ bra kanꞌ.