SAN MARCOS 12:1 - Chatino Zona Alta Occidental

¹ Kanꞌ mdyisnan Jesús ngwaꞌu ska chaꞌ tiya ꞌin neꞌ nu nduun kwiꞌ seꞌen ndiꞌin yu: ―Wa mdiya ska nten, yuꞌwi tyun yka chi kutun ꞌin yu nu wa yta yu. Ngwiñan yu ska loꞌoo chunꞌ yka kanꞌ. Bra kanꞌ ngulu yu ska tu tiyuu niꞌ kee seꞌen lyoꞌo sta neꞌ mta chi kutun, chaꞌ kulo neꞌ tyiꞌa xi nu nsuꞌwi niꞌ ran. Loꞌo ngwiñan yu ska naꞌan seꞌen kuꞌni neꞌ kwan ꞌin yka kanꞌ. ’Chunꞌ ndiꞌin la mda yu niꞌ lyoꞌoo seꞌen nduun yka kanꞌ mjñan xka ta nten, loꞌo sa tkanꞌ ti nan nu tyoꞌo lo yka kanꞌ kaja ꞌin yu bra kanꞌ. Kwiꞌ mdoꞌo yu ndyaa yu xka kichen tijyuꞌ la bra kanꞌ.

SAN MARCOS 12:1 ပူးပေါင်းရင်းမြစ်များ

SAN MATEO 13:3

Kanꞌ nguaꞌu Jesús tyun chaꞌ tiya ꞌin neꞌ, chaꞌ kuꞌni xaꞌan la neꞌ chaꞌ ꞌin Ndiose. Nde ndiya chaꞌ nu ykwiꞌ yu: ―Ngwa ska tsan ndyaa ska nten kata mta trigu ―ndukwin Jesús―.

SAN MATEO 21:28

Ti ngwaꞌu la Jesús chinꞌ chaꞌ ꞌin neꞌ bra kanꞌ: ―Chkwiǐnꞌ ska chaꞌ tiya re loꞌo wan, chaꞌ xkwen wan ꞌñaǎn ―ndukwin Jesús ꞌin neꞌ―. Wa ndiꞌin ska yu kula nu ndiꞌin tukwa yu kiꞌyu sñiꞌ yu. Kanꞌ ykwiꞌ yu kula kanꞌ loꞌo sñiꞌ yu nu kula la: “Sñiěnꞌ” ndukwin yu, “yaa kuꞌnii tñan niꞌ lyoꞌoo ꞌñaǎn ni, seꞌen ndukwa yka kwiñii ꞌñaǎn.”

SAN MATEO 21:33

’Nde chkwiǐnꞌ xka chaꞌ tiya loꞌo wan, ñaꞌan tiꞌ ska nkwin: Ndiya ska nu kuliyaꞌ, yta yu kaꞌan ꞌa yka kwiñii. Msuꞌwa yu ska loꞌoo chunꞌ yka kanꞌ bra kanꞌ. Loꞌo mñan yu ska tu tiyuu niꞌ kee seꞌen lyoꞌo sta neꞌ mta chi kutun, chaꞌ kulo neꞌ tyiꞌa xi nu nsuꞌwi niꞌ ran. Loꞌo mñan yu ska naꞌan seꞌen kuꞌni neꞌ kwan tñan kanꞌ bra kanꞌ. ’Loꞌo mda xꞌnan yuu kanꞌ mjñan xka ta nten bra kanꞌ, chaꞌ kuꞌni neꞌ tñan niꞌ lyoꞌoo ꞌin yu, chunꞌ nsuꞌwi ska tñan tsaa yu tijyuꞌ.

SAN MATEO 21:34

Chunꞌ ndiꞌin la, wa tiya ti bra xtun neꞌ mta chi kutun kanꞌ, loꞌo tijyuꞌ ndiꞌin xꞌnan loꞌoo kanꞌ. Kanꞌ ngulo yu tñan ꞌin ska ta msu ꞌin yu chaꞌ tsaa neꞌ seꞌen ngiꞌni neꞌ tñan niꞌ lyoꞌoo ꞌin yu bra kanꞌ, chaꞌ tsaa yꞌya msu kanꞌ chinꞌ nan nu ndiꞌin chaꞌ kanun ꞌin xꞌnan loꞌoo kanꞌ.

SAN MATEO 25:14

’Loꞌo ni, chkwiǐnꞌ ska chaꞌ tiya loꞌo wan, chaꞌ ka biyaꞌ tiꞌ wan sa ñaꞌan ka bra nu ka Ndiose ndloo niꞌ kasiya ꞌin nten: Ndiya ska yu kuliyaꞌ, loꞌo wa tsaa ti yu tijyuꞌ, kanꞌ chaꞌ msiꞌya yu ꞌin nchga msu ꞌin yu, chaꞌ kan neꞌ seꞌen ndiꞌin yu. Kanꞌ mxnun xꞌnan neꞌ chinꞌ tñi ꞌin nchga msu bra kanꞌ, chaꞌ kuꞌni neꞌ tñan loꞌo tñi chaꞌ ꞌin yu kuliyaꞌ kanꞌ.

SAN MARCOS 11:33

―Ja jlyo tiꞌ ba ―ndukwin neꞌ ꞌin Jesús bra kanꞌ. ―Suꞌwe sikwa ―ndukwin Jesús―. Kwiꞌ ngwañaꞌan naꞌ, ja katsaǎnꞌ ꞌwan ti ka nu lka nda chabiyaꞌ ꞌñaǎn chaꞌ kuꞌniǐn tñan re ―ndukwin yu ꞌin neꞌ nu tnun nchka kanꞌ.

SAN MARCOS 13:34

Sa ñaꞌan lka xa nu wa tsaa ti ska nten tijyuꞌ, bra wa tsaa ti yu, ta yu tñan ꞌin msu chaꞌ ñaꞌansiin neꞌ naꞌan tyi yu, ska tñan skaa msu kanꞌ; kwiꞌ kulo xꞌnan naꞌan kanꞌ tñan ꞌin yu kiꞌyu nu nduun kwan tuloꞌoo chaꞌ ka ndii ti tiꞌ yu nchga bra.

SAN MARCOS 3:23

Kanꞌ msiꞌya Jesús ꞌin mstru kanꞌ, chaꞌ kan neꞌ seꞌen ndiꞌin yu; ykwiꞌ yu ska chaꞌ loꞌo neꞌ bra kanꞌ: ―¿Ta ka kulo Satanás ꞌin ti ykwiꞌ ti a? ―ndukwin Jesús ꞌin neꞌ kanꞌ―.

SAN MARCOS 4:2

Kanꞌ kaꞌan ꞌa chaꞌ ykwiꞌ Jesús loꞌo neꞌ, chaꞌ kuꞌni xaꞌan neꞌ nchga chaꞌ nu ngwa tiꞌ yu kwaꞌu yu ꞌin neꞌ. Nde lka ska chaꞌ nu ykwiꞌ yu loꞌo neꞌ:

SAN LUCAS 15:13

Xa wa mdijin chinꞌ ti tsan, bra kanꞌ yjwiꞌ yu kuneꞌ kanꞌ nchga chaꞌ suꞌwe nu wa mda sti yu ꞌin yu. Bra wa mjwi tñi kanꞌ ꞌin yu, mdoꞌo yu ndyaa yu tijyuꞌ loꞌo tñi kanꞌ bra kanꞌ. Nde xka laꞌa tsuꞌ seꞌen ndyaa yu, xkwiꞌ ya ñaꞌan ti ñaꞌan ngwiji yu tñi kanꞌ.

SAN LUCAS 19:12

Kanꞌ chaꞌ ykwiꞌ Jesús chaꞌ re loꞌo neꞌ: ―Ndiya ska yu kiꞌyu, ska nten suꞌwe. Wa tsaa ti yu tijyuꞌ nde xka kichen tnun la, chaꞌ ta neꞌ tñan ꞌin yu chaꞌ ka yu ndloo la ꞌin neꞌ taꞌa kichen tyi yu; bra nu wa mjwi tñan kanꞌ ꞌin yu, bra ti xitukwi yu tyaan yu xiyaꞌ, nka tiye yu.

SAN LUCAS 22:9

Bra kanꞌ mnichaꞌ neꞌ kanꞌ ꞌin yu: ―¿La nde yaꞌ nchka tiiꞌ chaꞌ kuꞌni xuꞌwe ba siin kanꞌ a? ―ndukwin neꞌ.

SAN LUCAS 8:10

Mxkwen Jesús ꞌin neꞌ bra kanꞌ: ―ꞌWan nu ndaꞌan wan loꞌoǔn, ndayaꞌ ꞌa Ndiose ꞌwan chaꞌ nchka biyaꞌ tiꞌ wan nchga chaꞌ nu yuꞌwi nchkunꞌ ti nu ngwa sꞌni; kanꞌ chaꞌ ka ꞌwan ka biyaꞌ tiꞌ wan sa ñaꞌan kulo Ndiose tñan ꞌin nten. Xka ta nten ni, xkwiꞌ chaꞌ kutsiꞌ ti nchkwiǐnꞌ loꞌo neꞌ bra nu chkwiǐnꞌ ska chaꞌ tiya loꞌo neꞌ, chaꞌ ngwañaꞌan ja ka biyaꞌ tiꞌ neꞌ, ni siya naꞌan neꞌ nu ngwa xkanꞌ; ja ska chaꞌ kanun ke neꞌ, ni siya wa ynan neꞌ nu ngwa xkanꞌ.

LOS HECHOS 7:38

Ti kwiꞌ Moisés mdaꞌan loꞌo neꞌ seꞌen ndyoꞌ tiꞌin neꞌ jluꞌwe yuu wtyi kanꞌ, bra nu ykwiꞌ angajle loꞌo yu kula kanꞌ lo kiꞌya Sinaí. Ytsaꞌ Moisés chaꞌ kanꞌ ꞌin nchga neꞌ kanꞌ, ti kwiꞌ ayman ꞌñaan lka neꞌ kanꞌ. Chaꞌ nu ykwiꞌ Moisés loꞌo neꞌ kanꞌ bra kanꞌ, ja tsaa tii ꞌa chaꞌ kanꞌ siyaꞌ ti; kanꞌ chaꞌ sa bra ni ti ndiya chaꞌ nu ngwaꞌan ayman Moisés kanꞌ lo kityi, chaꞌ ka biyaꞌ tianꞌ chaꞌ kanꞌ ni.