SAN MARCOS 10:52 - Chatino Zona Alta Occidental

⁵² ―Suꞌwe ―ndukwin Jesús ꞌin yu―. Tyaa lyaa naꞌan tyii ni. Ndyaa ñaꞌan tiiꞌ ꞌñaǎn, kanꞌ chaꞌ wa nchkaa kiloo. Bra ti ngwa suꞌwe kiloo yu kwityiinꞌ kanꞌ, naꞌan yu xiyaꞌ. Bra kanꞌ mdoꞌo ñaꞌan yu ꞌin.

SAN MARCOS 10:52 ပူးပေါင်းရင်းမြစ်များ

SAN MATEO 11:5

Katsaꞌ wan ꞌin yu sa ñaꞌan ngiꞌniǐn chaꞌ nchkaa kiloo nten nu ngwa kwityiinꞌ, chaꞌ ndaꞌan nten nu ngwa tiꞌí kiyaꞌ, chaꞌ ngwa luwi kunaꞌ nten nu mtsuꞌ kunaꞌ, chaꞌ nu nnan nten nu ngwa kuꞌun tu nskan, chaꞌ ndyuꞌu nten xiyaꞌ bra nu wa ngujwi neꞌ, chaꞌ nchka biyaꞌ tiꞌ nu tiꞌi sa ñaꞌan nu kulaa Ndiose ꞌin nten chalyuu ꞌin chaꞌ kuxi nu ndiꞌin ꞌin neꞌ.

SAN MATEO 12:22

Chunꞌ ndiꞌin la mdiyan neꞌ loꞌo ska yu tiꞌí seꞌen ndiꞌin Jesús; wa nsuꞌwi kwiꞌin xaꞌan ꞌin yu, kanꞌ chaꞌ ja nchka ꞌa chkwiꞌ yu, loꞌo kwityiinꞌ yu. Bra ti yꞌni Jesús joꞌó ꞌin yu tiꞌí kanꞌ, chaꞌ xiyaꞌ nchkwiꞌ yu, xiyaꞌ mda Jesús xaa kiloo yu.

SAN MATEO 15:28

―Chañi chaꞌ ndyaa ñaꞌan tiiꞌ ꞌñaǎn ―ndukwin Jesús ꞌin―. Ka chaꞌ nu nchka tiiꞌ sikwa ―ndukwin. Bra ti nchkaa sñiꞌ nu kunaꞌan kanꞌ bra kanꞌ.

SAN MATEO 21:14

Loꞌo mdiyan chinꞌ nu kwityiinꞌ seꞌen ndiꞌin Jesús niꞌ lyaa tnun kanꞌ, kwiꞌ mdiyan nten nu tiꞌí kiyaꞌ; yꞌni Jesús chaꞌ nchkaa nu tiꞌí kanꞌ bra kanꞌ.

SAN MATEO 8:3

Kanꞌ mstya yaꞌ Jesús chunꞌ yu tiꞌí kanꞌ, mstya yaꞌ seꞌen mtsuꞌ kunaꞌ yu. ―Kuꞌniǐn joꞌó ꞌiin ―ndukwin Jesús ꞌin yu tiꞌí kanꞌ―. Kanun luwi kunaaꞌ ni ―ndukwin bra kanꞌ. Bra ti nchkaa yu tiꞌí kanꞌ, ngwa luwi kunaꞌ yu.

SAN MATEO 9:22

Kanꞌ mxituun Jesús, naꞌan ꞌin nu kunaꞌan kanꞌ: ―Kuꞌnii xuꞌwee tiyee, sñiěnꞌ ―ndukwin Jesús―. Ndyaa ñaꞌan tiiꞌ ꞌñaǎn, kanꞌ chaꞌ nchkaa ni. Loꞌo bra ti nchkaa neꞌ kula kanꞌ bra kanꞌ.

SAN MARCOS 1:31

Kanꞌ ndyaa Jesús seꞌen ndiꞌin nu tiꞌí kanꞌ, msñi yu yaꞌ chaꞌ tayaꞌ yu ꞌin tyituun. Bra ti mdoꞌo tikeeꞌ ꞌin neꞌ kula kanꞌ, mdyisnan yꞌni kuwe tiꞌ chaꞌ kaja chinꞌ nan ku neꞌ bra kanꞌ.

SAN MARCOS 5:34

―Suꞌwe ꞌa ndyaa ñaꞌan tiiꞌ ꞌñaǎn, sñiěnꞌ ―ndukwin Jesús ꞌin―, kanꞌ chaꞌ nchkaa. Tiin ti tyiꞌin tiyee ni. Suꞌwe ti tyaa ni, ñi katsaǎnꞌ ꞌiin chaꞌ ja xñi ꞌa kicha kanꞌ ꞌiin la xiyaꞌ la.

SAN MARCOS 8:25

Xiyaꞌ mstya yaꞌ Jesús kiloo yu tiꞌí kanꞌ. Bra ti nchkaa kiloo yu bra kanꞌ, ngwa ñaꞌan suꞌwe yu ꞌin nchga nten.

SAN LUCAS 7:50

Loꞌo ykwiꞌ Jesús loꞌo nu kunaꞌan kanꞌ bra kanꞌ: ―Wa mdyii chaꞌ kuxi nu ndiꞌin ꞌiin chunꞌ ndyaa ñaꞌan tiiꞌ ꞌñaǎn. Tiin ti tyiꞌin niꞌ kasiya ꞌiin, tyaa lyaa ni.

SAN LUCAS 9:48

Bra kanꞌ ykwiꞌ yu chaꞌ re loꞌo neꞌ: ―Bra nu tayaꞌ wan ꞌin ska nten chaꞌ ꞌñaǎn, ni siya ska nten ñaꞌan tiꞌ nu lyuꞌ re, kwiꞌ ngwañaꞌan ndayaꞌ wan ꞌñaǎn bra kanꞌ ―ndukwin Jesús―. Loꞌo nten nu tukwa tñan ꞌñaǎn, loꞌo tñan ꞌin Ndiose ndukwa neꞌ kanꞌ bra kanꞌ, chaꞌ Ndiose lka nu msuꞌwa ꞌñaǎn ndijyaǎn seꞌen ndiꞌin wan. Loꞌo yu taꞌa wan nu xlyaa ka nu kuneꞌ la ꞌin taꞌa wan, kanꞌ nu ka ndloo la ꞌwan chaꞌ ꞌñaǎn, nka tiyeěn.

SAN JUAN 9:32

Ti bra nu mdyisnan chalyuu, ja ya ka kuꞌni nten chaꞌ kalaa kiloo ska nten nu kwityiinꞌ ti xa nu ngula yu.

SAN JUAN 9:39

Ykwiꞌ Jesús loꞌo bra kanꞌ: ―Wa ndijyaǎn lo chalyuu chaꞌ kuꞌni biyaǎnꞌ ꞌin nten, ti ka nu xñi chaꞌ ꞌñaǎn, ti ka nu ja xlyaa xñi chaꞌ ꞌñaǎn ―ndukwin Jesús―. Taǎn xaa nu xuꞌwi niꞌ kasiya ꞌin nten nu xñi chaꞌ ꞌñaǎn, ni siya sa ñaꞌan kwityiinꞌ ti neꞌ ndiꞌin neꞌ lo chalyuu; loꞌo tukuǔnꞌ kiloo nten nu ja xlyaa xñi chaꞌ ꞌñaǎn, ni siya suꞌwe ꞌa ngiꞌni neꞌ, nxkeꞌ tiꞌ neꞌ.

LOS HECHOS 26:18

chunꞌ ñaꞌan tiꞌ nten nu kwityiinꞌ, ngwañaꞌan ndiꞌin neꞌ kanꞌ lo chalyuu; ñaꞌan tiꞌ si xkwiꞌ tla ꞌa seꞌen ndiꞌin neꞌ, ngwañaꞌan ngiꞌni neꞌ kanꞌ chaꞌ xaꞌan. Kanꞌ chaꞌ ndiꞌin chaꞌ kwaꞌuu chaꞌ ꞌñaǎn ꞌin neꞌ kanꞌ, chaꞌ sten neꞌ chaꞌ ꞌñaǎn. Ja tyiꞌin ꞌa neꞌ seꞌen tla bra kanꞌ, sa ñaꞌan lka si kwityiinꞌ neꞌ; ka tyaꞌan neꞌ tuwiin ꞌin Ndiose seꞌen nu xaa ꞌa, ka biyaꞌ tiꞌ neꞌ nchga chaꞌ ꞌin Ni bra kanꞌ. Satanás lka nu ndlo tñan ꞌin neꞌ kanꞌ ni, loꞌo chunꞌ ndiꞌin la ka neꞌ kanꞌ nten ꞌin Ndiose. Ndiꞌin chaꞌ sten neꞌ kanꞌ chaꞌ ꞌñaǎn, chaꞌ ka kuꞌni Ndiose chaꞌ tlyu tiꞌ ꞌin neꞌ ꞌin chaꞌ kuxi nu ndiꞌin ꞌin neꞌ kanꞌ. Bra kanꞌ ka suꞌwa chaꞌ ꞌin neꞌ kanꞌ loꞌo nchga nten nu ka luwi kasiya ꞌin neꞌ chunꞌ ngujwiǐn lo wsi” ndukwin Jesús kanꞌ ꞌñaǎn.