SAN MARCOS 10:17 - Chatino Zona Alta Occidental

¹⁷ Ti ndyaa la Jesús tuwiin, kanꞌ naꞌan yu nxnan ska yu kiꞌyu kuneꞌ ndijyan ñaꞌan ꞌin Jesús. Mduun xtyinꞌ yu kuneꞌ tloo Jesús bra kanꞌ. ―Mstru, suꞌwe ꞌa ngiꞌni wan nchga tsan ―ndukwin ꞌin Jesús―. Kuꞌni wan chaꞌ suꞌwe katsaꞌ wan ꞌñaǎn, ¿ni sa ñaꞌan kuꞌniǐn chaꞌ kaja chalyuu ꞌñaǎn nu ja tsaa tii ꞌa? ―ndukwin.

SAN MARCOS 10:17 ပူးပေါင်းရင်းမြစ်များ

SAN MATEO 17:14

Bra wa ngwiꞌya neꞌ siꞌ kiꞌya kanꞌ, xiyaꞌ mdiyan neꞌ seꞌen ndiꞌin nten kaꞌan kanꞌ, loꞌo nchga taꞌa ngiꞌni xaꞌan neꞌ chaꞌ ꞌin Jesús. Bra ti mdiyan ska yu kiꞌyu, mduun xtyinꞌ yu tloo Jesús, ykwiꞌ yu kanꞌ loꞌo Jesús bra kanꞌ:

SAN MATEO 25:34

Bra nu kaǎn ndloǔn la ti, chkwiǐnꞌ loꞌo nchga nten nu ndiꞌin laꞌa seꞌen kwin ꞌñaǎn: “Kan wan nde seꞌen ndiꞌin Ndiose nu lka ndloo la ti, nchga wan nu suꞌwe ꞌa nka tiye Stiǐn Ndiose ñaꞌan Ni ꞌwan, chaꞌ wa yꞌni xuꞌwe Ni seꞌen tyiꞌin wan seꞌen ndiꞌin ykwiꞌ Ni, ti bra nu mñan Ni chalyuu.

SAN MATEO 28:8

Bra ti mdoꞌo nu kunaꞌan kanꞌ tuꞌwa kwaa, ndyaa neꞌ. Loꞌo suꞌwe ꞌa ngwa tiye neꞌ, ni siya ytsen neꞌ chinꞌ. Msnan neꞌ, ndyaa ytsaꞌ neꞌ ꞌin neꞌ nu ngiꞌni xaꞌan chaꞌ ꞌin Jesús.

SAN MARCOS 1:40

Loꞌo ngwa ska tsan mdiyan ska nu tiꞌí seꞌen ndiꞌin Jesús, ska yu nu ngutsuꞌ kunaꞌ siꞌya kicha nu msñi ꞌin yu. Bra kanꞌ mduun xtyinꞌ yu tiꞌí kanꞌ seꞌen ndiꞌin Jesús, ykwiꞌ yu loꞌo: ―Si nchka tiꞌ wan chaꞌ chkaǎn, jlyo tiǎnꞌ chaꞌ ka ꞌwan kuꞌni wan chaꞌ chkaǎn ―ndukwin yu tiꞌí kanꞌ ꞌin Jesús.

SAN MARCOS 10:18

―¿Ni chaꞌ lka nxkeꞌ tiiꞌ chaꞌ nten suꞌwe lkaǎn? ―ndukwin Jesús ꞌin yu kuneꞌ bra kanꞌ―. Ska ti Ndiose lka nu chañi chaꞌ suꞌwe lka Ni ―ndukwin―.

SAN MARCOS 12:14

Bra wa mdiyan neꞌ kanꞌ seꞌen ndiꞌin yu, ykwiꞌ neꞌ loꞌo yu bra kanꞌ: ―Mstru ―ndukwin neꞌ ꞌin Jesús―, jlyo tiꞌ ba chaꞌ ñi ꞌa ngiꞌnii; ti kwiꞌ chaꞌ nu ñi nu wa ykwiꞌ Ndiose, kanꞌ lka chaꞌ nu nduꞌuu ꞌin nten. Ja nduwe tiiꞌ sa ñaꞌan lka chaꞌ nu chkwiꞌ nten chaꞌ ꞌiin. Ska ti biyaꞌ ñaꞌaan ꞌin nchga nten, ni siya neꞌ tiꞌi, ni siya neꞌ nu tnun nchka. Kuꞌnii chaꞌ tlyu tiꞌ ꞌwa, ¿ta suꞌwe chaꞌ ndaan tñi nu ndlo neꞌ nu ngiꞌni tñan ꞌin ree tlyu nu ndiꞌin xka laꞌa tsuꞌ kanꞌ a? ―ndukwin neꞌ ꞌin Jesús―. ¿Ta nꞌni ꞌa chaꞌ taan tñi kanꞌ ꞌin neꞌ kwa a? ¿O ta suꞌwe la ni siya ja taan ꞌaan tñi kanꞌ siyaꞌ ti a?

SAN MARCOS 9:25

Loꞌo naꞌan Jesús chaꞌ kaꞌan la nten wa tyoꞌ tiꞌin ti seꞌen ndiꞌin yu bra kanꞌ, kanꞌ chaꞌ ngulo yu tñan ꞌin kwiꞌin kuxi kanꞌ: ―Kwiꞌin kuxi ni, ti kwiiꞌ lkaa nu yꞌni kuꞌun ꞌin yu tiꞌí re ―ndukwin Jesús―. Kuloǔn tñan ꞌiin chaꞌ tyoꞌoo ꞌin yu kuneꞌ re, chaꞌ ja xlyuu ꞌa ꞌin yu siyaꞌ ti ―ndukwin Jesús ꞌin kwiꞌin kuxi.

SAN LUCAS 10:25

Bra kanꞌ mdiyan ska mstru nu nduꞌu chaꞌ joꞌo chaꞌ chkwiꞌ biyaꞌ yu loꞌo Jesús. Bra kanꞌ mnichaꞌ yu ꞌin Jesús: ―Mstru ―ndukwin―, ¿ni sa ñaꞌan kuꞌniǐn chaꞌ kaja chalyuu nu ja tsaa tii ꞌa ꞌñaǎn?

SAN JUAN 3:2

Bra nu ngwiꞌya tla yaa yu kula kanꞌ seꞌen ndiꞌin Jesús: ―Mstru Jesús ―ndukwin yu―, jlyo tiꞌ nten chaꞌ nuꞌwin lkaa ska mstru nu msuꞌwa Ndiose ꞌiin ndijyaan lo chalyuu, chaꞌ ja ka ꞌiin kuꞌnii skaa chaꞌ tnun si ja loꞌo Ndiose ndayaꞌ ꞌiin. Jlyo tiꞌ ba chaꞌ ja ka ꞌin nten chalyuu kuꞌni neꞌ ngwañaꞌan ―ndukwin Nicodemo ꞌin Jesús.

SAN JUAN 5:39

Nchga tsan nchkwiꞌ ꞌa wan lo kityi kula ꞌin Ndiose; xkeꞌ tiꞌ wan chaꞌ xa nu chkwiꞌ wan lo kityi kanꞌ, kaja chalyuu nu ja tsaa tii ꞌa ꞌwan bra kanꞌ. Loꞌo chañi chaꞌ nu ndukwa lo kityi kanꞌ, ngwañaꞌan ka xuꞌwi lyo nten ꞌñaǎn xa nu chkwiꞌ neꞌ lo kityi kanꞌ.

SAN JUAN 6:40

Loꞌo Stiǐn Ndiose nu ngwaꞌan tñan ꞌñaǎn ndijyaǎn, nde lka tñan nu nchka tiꞌ Ni chaꞌ ka: Nchka tiꞌ Ni chaꞌ ja tsaa tii ꞌa chalyuu kwi nu wa nda Ni ꞌin nten, nchga neꞌ nu tsaa ñaꞌan tiꞌ ꞌñaǎn chaꞌ lkaǎn Sñiꞌ Ni, nchga neꞌ nu xñi chaꞌ ꞌñaǎn. Kwiꞌ ngwañaꞌan, chañi chaꞌ kuꞌniǐn chaꞌ tyuꞌu neꞌ xiyaꞌ xa wa tyii ti chalyuu.

LOS HECHOS 16:30

Loꞌo ngulo yu ꞌin neꞌ niꞌ ñaꞌan chkwan bra kanꞌ. ―ꞌWan, neꞌ kula ―ndukwin yu ꞌin Palyu loꞌo Sila―, neꞌ xaꞌan ꞌa lkaǎn. ¿Ni sa ñaꞌan kuꞌniǐn chaꞌ lyaǎn ꞌin chaꞌ kuxi a? ―ndukwin nu nka ndloo kanꞌ.

LOS HECHOS 2:37

Xa wa ynan neꞌ chaꞌ nu ykwiꞌ Tyu, mjyuꞌu ꞌa tiꞌ neꞌ bra kanꞌ. Mnichaꞌ neꞌ ꞌin Tyu loꞌo ꞌin nchga neꞌ nu yꞌni xaꞌan chaꞌ ꞌin Jesús ti kulo: ―¿Ni sa ñaꞌan kuꞌni ba ni a? ―ndukwin neꞌ ꞌin neꞌ kanꞌ.

LOS HECHOS 20:32

’Xnuǔn ꞌwan yaꞌ Ndiose ni, chaꞌ suꞌwa yaꞌ Ni ꞌwan. Kunan wan nchga chaꞌ nu wa ykwiꞌ Ndiose loꞌo wan, ti kwiꞌ ti chaꞌ nu ngiꞌni chaꞌ ka tnun la tiye wan, chaꞌ tnun ꞌa lka chaꞌ ꞌin Ndiose. Ngwañaꞌan ka biyaꞌ tiꞌ wan chaꞌ kaꞌan ꞌa chaꞌ suꞌwe xuꞌwa Ni ꞌwan suꞌwa ti loꞌo nchga nten nu ngulo suwi Ndiose ꞌin.

LOS HECHOS 9:6

Lye ꞌa mchkwan Saulo chaꞌ ytsen yu bra kanꞌ. ―¿Ni sa ñaꞌan nchka tiiꞌ chaꞌ kuꞌniǐn a?, Xꞌnaǎn ―ndukwin Saulo bra kanꞌ. ―Tyituun ni ―ndukwin Jesús ꞌin yu― chaꞌ ti tsaa la nde kichen Damasco kwa. Nde kwa ndiꞌin ska nten nu kwaꞌu ꞌiin sa ñaꞌan tñan nu kuꞌnii chabiyaꞌ ꞌñaǎn.

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

ROMANOS 6:23

Kanaꞌ ji kasiya ꞌñaan chaꞌ ngiꞌnian chaꞌ xaꞌan, sa kanꞌ ti chaꞌ ngiꞌni chaꞌ xaꞌan kanꞌ loꞌoan. Bra nu suꞌwa ndiꞌin chaꞌ ꞌñaan loꞌo Jesús nu nka Xꞌnaan, bra kanꞌ ta Ndiose ska chalyuu ꞌñaan nu ja tsaa tii ꞌa ꞌñaan. Ska chaꞌ tnun nu nda xuꞌwe Ndiose ꞌñaan lka chaꞌ kanꞌ.

EFESIOS 1:18

Kwiꞌ ngwañaꞌan, nchkwiǐnꞌ loꞌo Ni chaꞌ slaa Ni ke wan, chaꞌ ka biyaꞌ suꞌwe tiꞌ wan nchga chaꞌ suꞌwe nu ka ꞌwan ni, chunꞌ wa ngulo suwi Ni ꞌwan; tlyu ꞌa chaꞌ suꞌwe nu ndukwin Ni chaꞌ kaja ꞌwan, loꞌo ꞌin nchga nten nu msñi chaꞌ ꞌin Ni.

TITO 3:7

loꞌo tnun ꞌa chaꞌ suꞌwe yꞌni Ndiose loꞌoan ngwañaꞌan, chaꞌ kaan sa ñaꞌan si lkaan sñiꞌ Ni, xa wa mjwi chalyuu kwi ꞌñaan, kwiꞌ nu ja tsaa tii ꞌa ꞌñaan.

HEBREOS 1:14

Nchga angajle nu ndiya nde niꞌ kwan ni, nchga tsan ngiꞌni angajle kanꞌ tñan nu ndlo Ndiose; kwiꞌin nu suꞌwe ꞌa lka angajle kanꞌ. Ndlo Ndiose tñan ꞌin angajle kanꞌ ndijyan lo chalyuu, chaꞌ tayaꞌ ꞌin nchga nten chalyuu nu wa tyoꞌo laa ꞌin chaꞌ kuxi chunꞌ Jesús, chaꞌ nu wa tsaa tii chalyuu re.

1 SAN PEDRO 1:4

chaꞌ wa ngulaa Jesús ꞌñaan ꞌin nchga chaꞌ kuxi. Ja ska ꞌa nan nu nsuꞌwi lo chalyuu ka kuꞌni ñuꞌun chaꞌ kwi nu wa mjwi ꞌñaan ni; ja ska ꞌa nten ka kuꞌni ñuꞌun siyaꞌ ti chaꞌ suꞌwe nu kaja ꞌñaan nde seꞌen ndiꞌin Ndiose xa wa mdyii chalyuu re, ja ndiya ꞌa nan nu ka kuꞌni kuxi ꞌin chaꞌ kanꞌ.

1 SAN JUAN 2:25

Kanꞌ lka chaꞌ nu yꞌni suꞌwa Jesucristo ꞌñaan, chaꞌ ka kaja xka chalyuu kwi nu ja tsaa tii ꞌa ꞌñaan.