SAN MARCOS 1:24 - Chatino Zona Alta Occidental

²⁴ ―¿Ni sa ñaꞌan chaꞌ nchka tiiꞌ chkwiiꞌ loꞌoǔn?, Jesús Nazaret ―ndukwin yu tiꞌí kanꞌ―. ¿Ta wa nchka tiiꞌ kuꞌnii tyii chaꞌ ꞌñaǎn a? ―ndukwin―. Nsuꞌwi lyoǔn ꞌiin. Xkwiꞌ luwi lka nuꞌwin, loꞌo Ndiose msuꞌwa ꞌiin chaꞌ ndijyaan lo chalyuu re.

SAN MARCOS 1:24 ပူးပေါင်းရင်းမြစ်များ

SAN MATEO 2:23

ngala neꞌ kichen Nazaret bra kanꞌ. Ti kwiꞌ ti chaꞌ ykwiꞌ ayman nu ykwiꞌ loꞌo nten chaꞌ ꞌin Ndiose nu ngwa sꞌni, bra nu ykwiꞌ neꞌ chaꞌ neꞌ Nazaret ka nu lka Krixtu. Ngwañaꞌan ykwiꞌ ayman kanꞌ nu ngwa sꞌni, kanꞌ chaꞌ ngwañaꞌan yꞌni neꞌ loꞌo Jesús bra kanꞌ.

SAN MATEO 8:29

Loꞌo yꞌni kwiꞌin xaꞌan kanꞌ, chaꞌ kwen ꞌa nxiꞌya yu tiꞌí kanꞌ: ―Jesús, ¿ni chaꞌ ndaꞌaan seꞌen ndiꞌin ba? ―ndukwin yu tiꞌí kanꞌ―. Nuꞌwin lkaa ska ti nu lka Sñiꞌ Ndiose. ¿Ta taa nu tiꞌí ꞌwa, nchka tiiꞌ a? Ja ya tiya bra tiyan nu tiꞌí ꞌwa.

SAN MARCOS 1:23

Ti kwiꞌ niꞌ lyaa kanꞌ mdiꞌin ska yu kiꞌyu nu nsuꞌwi kwiꞌin kuxi ꞌin. Msiꞌya ꞌa yu ꞌin Jesús bra kanꞌ:

SAN MARCOS 1:25

Loꞌo ja mda ꞌa Jesús chabiyaꞌ ꞌin kwiꞌin kuxi nu nsuꞌwi ꞌin yu tiꞌí kanꞌ, ngulo yu ꞌin kwiꞌin kuxi kanꞌ chaꞌ tyaa siyaꞌ ti bra kanꞌ. ―¡Ja chkwiiꞌ ꞌa! ―ndukwin Jesús ꞌin kwiꞌin kanꞌ―. ¡Ja kuꞌnii ꞌa chaꞌ kuxi loꞌo yu re!

SAN MARCOS 10:47

Bra nu mgii tiꞌ yu chaꞌ ndijyan Jesús Nazaret, kwen msiꞌya yu ꞌin Jesús bra kanꞌ: ―¡Yu kula Jesús! ¡Jlyo tiǎnꞌ chaꞌ nten ꞌin ayman David lka wan! ―ndukwin―. Kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn ―ndukwin yu tiꞌí kanꞌ ꞌin Jesús.

SAN MARCOS 14:67

Naꞌan nu kunaꞌan kanꞌ ꞌin Tyu seꞌen ndukwa yu tuꞌwa kiiꞌ, kanꞌ mxinaꞌan suꞌwe ꞌin yu xiyaꞌ. ―Loꞌo nuꞌwin ndaꞌan loꞌoo Jesús Nazaret kanꞌ ―ndukwin nu kunaꞌan kanꞌ ꞌin yu bra kanꞌ.

SAN MARCOS 16:6

―Ja kutsen wan ―ndukwin yu kiꞌyu kanꞌ ꞌin neꞌ kunaꞌan kanꞌ―. Wa jlyo tiǎnꞌ chaꞌ ndaꞌan naan wan ꞌin Jesús Nazaret nu yjwi neꞌ lo wsi. Ja nsu ayman kanꞌ nde re, chaꞌ wa ndyuꞌu yu kanꞌ xiyaꞌ. Kan wan nde re, ñaꞌan wan chinꞌ seꞌen mstya neꞌ ꞌin ayman kanꞌ.

SAN MARCOS 5:7

Kwen msiꞌya yu tiꞌí kanꞌ ꞌin Jesús bra kanꞌ: ―¿Ni sa ñaꞌan tñan nchka tiꞌ wan ꞌñaǎn a? ―mnichaꞌ yu tiꞌí ꞌin Jesús bra kanꞌ―. ꞌWan lka wan Jesús, ska ti wan nu lka wan Sñiꞌ Ndiose, kwiꞌ Ndiose nu ndloo la ti ―ndukwin―. Chabiyaꞌ ꞌin Ndiose, ja ta wan nu tiꞌí ꞌñaǎn.

SAN LUCAS 1:35

Bra kanꞌ ytsaꞌ angajle ska chaꞌ ꞌin Liya: ―Ta Ndiose Tyiꞌi ykwiꞌ Ni chaꞌ tiyan seꞌen ndiꞌiin, chaꞌ xuꞌwi tyukwi ñaꞌaan; ska chaꞌ tnun nu kuꞌni Ndiose nu lka ndloo la ti ka chaꞌ kanꞌ. Bra nu kala sñiiꞌ, ska nten nu luwi ꞌa chaꞌ ꞌin Ndiose ka kuwiꞌ nu kala kanꞌ, ti kwiꞌ kanꞌ lka nu ka naan ykwiꞌ Sñiꞌ Ndiose.

SAN LUCAS 24:19

―¿Nan lka ngwa a? ―ndukwin Jesús ꞌin yu. Bra kanꞌ mxkwen yu ꞌin Jesús: ―Chaꞌ ꞌin Jesús Nazaret ―ndukwin yu―, ska nten nu ykwiꞌ chaꞌ ꞌin Ndiose loꞌo nten ngwa yu. Ngwa ꞌa ꞌin yu chkwiꞌ yu, loꞌo ngwa ꞌa ꞌin yu kuꞌni yu kaꞌan ꞌa chaꞌ tnun chabiyaꞌ ꞌin Ndiose; kaꞌan ꞌa nten naꞌan ꞌin chaꞌ tnun kanꞌ.

SAN LUCAS 4:34

―¿Ni sa ñaꞌan tñan kuꞌnii nde re, Jesús Nazaret? ―ndukwin yu tiꞌí kanꞌ―. ¿Ta wa nchka tiiꞌ chaꞌ kuꞌnii tyii ꞌñaǎn siyaꞌ ti a? Suꞌwe ꞌa nsuꞌwi lyoǔn ꞌiin, chaꞌ ykwiꞌ Ndiose nu luwi lkaa nu wa msuꞌwa Ni ꞌiin chaꞌ ndijyaan nde re.

SAN LUCAS 8:28

Bra wa naꞌan yu ꞌin Jesús, bra kanꞌ kwen ꞌa msiꞌya yu, mlyuu yu tloo Jesús. ―¿Nan lka kuꞌnii loꞌoǔn a?, yu kula Jesús ―ndukwin yu tiꞌí kanꞌ―. Jlyo tiǎnꞌ chaꞌ lkaa Sñiꞌ Ndiose nu lka ndloo la ti. Kuꞌnii chaꞌ tlyu tiꞌ ꞌñaǎn, ja taa nu tiꞌí ꞌñaǎn ―ndukwin yu tiꞌí kanꞌ ꞌin Jesús.

SAN LUCAS 8:37

Bra kanꞌ lye ykwiꞌ nchga neꞌ kichen kanꞌ loꞌo Jesús chaꞌ tyoꞌo tsuꞌ yu, chaꞌ ja kanun ꞌa Jesús lo yuu kanꞌ; ytsen ꞌa neꞌ kichen kanꞌ. Kanꞌ chaꞌ mdoꞌo Jesús ndyaa yu niꞌ yka naꞌan xuwe kanꞌ.

SAN JUAN 6:69

Wa ndyaa ñaꞌan tiꞌ ba ꞌiin. Wa jlyo tiꞌ ba chaꞌ Ndiose lka nu ngulo suwi ꞌiin, chaꞌ ska ti nuꞌwin nu chañi lkaa ska ti nu lka Sñiꞌ Ndiose nu ndiꞌin chaꞌ kaan lo chalyuu.

LOS HECHOS 2:27

Ja kanun ꞌa kasiya ꞌñaǎn seꞌen nsu ayman, ja taa chabiyaꞌ katsuꞌ kunaǎnꞌ ya ñaꞌan ti, chaꞌ nuꞌwin ndiya ꞌa tiiꞌ ꞌñaǎn;

LOS HECHOS 24:5

Wa mdiyan ba nde re chaꞌ katsaꞌ ñi ba ꞌwan nchga chaꞌ kuxi nu ngiꞌni yu re. Nsuꞌwi lyo ba ꞌin yu re chaꞌ xaꞌan ꞌa yu, liyeꞌ ꞌa tiꞌ yu. Nsuꞌwa yu chaꞌ wsuun ꞌin nten nchga kichen seꞌen ndaꞌan yu, seꞌen ndiꞌin neꞌ judío taꞌa ba, chaꞌ yu re lka ndloo ꞌin nchga ta neꞌ nazareno.

LOS HECHOS 3:14

Xkwiꞌ chaꞌ suꞌwe yꞌni Jesús kanꞌ, xkwiꞌ luwi kasiya ꞌin yu, loꞌo ja mda wan chabiyaꞌ tyoꞌo yu laja ti bra kanꞌ. Mjñan wan chabiyaꞌ ꞌin gobernador kanꞌ, chaꞌ tyoꞌo laja ti xka nu lka presu, nu wa yjwi ꞌin tyun nten.

LOS HECHOS 4:27

’Sa ñaꞌan nu ykwiꞌ kityi nu ngwaꞌan ayman David nu ngwa sꞌni chaꞌ ꞌiin ―ndukwin neꞌ ꞌin Stian Ndiose―, kwiꞌ ngwañaꞌan wa ndyoꞌ tiꞌin neꞌ nu nka ndloo kichen re chaꞌ kuꞌni neꞌ chaꞌ kuxi loꞌo Jesús nu lka Sñiꞌ nuꞌwin, ni siya xkwiꞌ luwi kasiya ꞌin Jesús kanꞌ; ti kwiꞌ nu ngulo suwi nuꞌwin ꞌin yu ―ndukwin neꞌ―. Wa ndyoꞌ tiꞌin Herodes loꞌo Poncio Pilato, loꞌo neꞌ xka laꞌa tsuꞌ, loꞌo neꞌ taꞌa kichen tyi bare, loꞌo yꞌni neꞌ nchga tñan nu mda nuꞌwin chabiyaꞌ ꞌin neꞌ chaꞌ kuꞌni neꞌ; sa ñaꞌan nu ykwiiꞌ loꞌo neꞌ nu ngwa sꞌni chaꞌ ka, kwiꞌ ngwañaꞌan ngwa yijan re ―ndukwin neꞌ ꞌin Ndiose―.

SANTIAGO 2:19

Wa ndyaa ñaꞌan tiꞌ wan chaꞌ ska ti Ndiose nsuꞌwi chalyuu. Suꞌwe ꞌa, loꞌo nchga kwiꞌin xaꞌan ndyaa ñaꞌan tiꞌ ran chaꞌ kanꞌ; kwiꞌ ngwañaꞌan, lye ꞌa nchkwan kwiꞌin xaꞌan kanꞌ, chaꞌ ngitsen ꞌa ran ꞌin Ndiose.

1 SAN JUAN 2:20

Wa nda Krixtu Tyiꞌi Ndiose chaꞌ kanun niꞌ kasiya ꞌin nchga neꞌ taꞌa msñi wan chaꞌ ꞌin Ni, kanꞌ chaꞌ wa nchka biyaꞌ suꞌwe tiꞌ taꞌa wan nchga chaꞌ nu nduꞌu Ndiose ꞌñaan.

EL APOCALIPSIS 3:7

’Loꞌo ngwañaꞌan, kwaꞌaan lyaa chaꞌ re chaꞌ tsaa seꞌen ndiꞌin nten nu nduꞌu chaꞌ ꞌin Ndiose chabiyaꞌ ꞌñaǎn nde kichen Filadelfia: “Nde ndiya chaꞌ nu nchkwiǐnꞌ loꞌo wan, skaǎn tiǎn nu lkaǎn Sñiꞌ Ndiose: Xkwiꞌ luwi ꞌa kasiya ꞌñaǎn, xkwiꞌ chaꞌ nu ñi ngiꞌniǐn. Naꞌ lkaǎn ndloo ꞌin nten ꞌñaǎn, ti kwiꞌ sa ñaꞌan nu ngwa ayman David ndloo nu ngwa sꞌni. Bra nu taǎn chabiyaꞌ chaꞌ kuꞌni nten ska tñan, ja tukwin ka ꞌin tukunꞌ chaꞌ ꞌin neꞌ kanꞌ bra kanꞌ; bra nu tukuǔnꞌ chaꞌ ꞌin nten chaꞌ ja kuꞌni neꞌ ska tñan, ja tukwin ka ꞌin kuꞌni tñan kanꞌ bra kanꞌ.