SAN MARCOS 1:21 - Chatino Zona Alta Occidental

²¹ Chunꞌ ndiꞌin la ngala taꞌa neꞌ kichen Capernaum. Xa nu ngwa tsan taꞌa nu nxitñaꞌ neꞌ judío, bra kanꞌ ndyaa Jesús niꞌ lyaa ꞌin neꞌ chaꞌ kwaꞌu yu ꞌin neꞌ.

SAN MARCOS 1:21 ပူးပေါင်းရင်းမြစ်များ

SAN MATEO 4:13

Loꞌo ja nganun yu kichen Nazaret kanꞌ; mxaꞌan yu seꞌen ndiꞌin yu, ndyaa yu kichen Capernaum tuꞌwa tiyuꞌ. Ndiꞌin kichen kanꞌ laja lo yuu ꞌin Zabulón loꞌo yuu ꞌin Neftalí.

SAN MATEO 4:23

Ndyaa neꞌ nchga kichen nde lo yuu ꞌin Galilea loꞌo Jesús bra kanꞌ. Nchga kichen seꞌen mdaꞌan yu ngwaꞌu yu ꞌin nten niꞌ lyaa ꞌin neꞌ judío; ykwiꞌ yu loꞌo neꞌ sa ñaꞌan lka chaꞌ suꞌwe ꞌin Ndiose, chaꞌ wa ndla ti ka Ndiose ndloo la niꞌ kasiya ꞌin neꞌ. Kwiꞌ ngwañaꞌan, yꞌni yu joꞌó ꞌin nchga nu tiꞌí, nchga kicha nu ndiꞌin ꞌin neꞌ yꞌni Jesús chaꞌ nchkaa neꞌ.

SAN MARCOS 1:20

Loꞌo msiꞌya Jesús ꞌin neꞌ chaꞌ tsaa neꞌ loꞌo yu bra kanꞌ. Bra ti mxnun neꞌ ꞌin Zebedeo sti neꞌ, nganun yu kula kanꞌ loꞌo msu ꞌin neꞌ loꞌo yka naꞌan xuwe ti. Mdoꞌo taꞌa tyukwaa sñiꞌ yu kula kanꞌ ndyaa neꞌ loꞌo Jesús.

SAN MARCOS 1:29

Chunꞌ ndiꞌin la mdoꞌo Jesús niꞌ lyaa kanꞌ loꞌo Santiago loꞌo Xuwa, ndyaa neꞌ la naꞌan tyi Simón loꞌo Ndre.

SAN MARCOS 1:33

Nchga nten kichen kanꞌ, wa ndyoꞌ tiꞌin neꞌ tuꞌ naꞌan tyi Simón bra kanꞌ.

SAN MARCOS 1:39

Kanꞌ chaꞌ mdoꞌo neꞌ ndyaa neꞌ loꞌo yu bra kanꞌ. Nchga kichen seꞌen mdaꞌan Jesús nde Galilea kanꞌ, ndyaa yu niꞌ lyaa ꞌin neꞌ, chaꞌ kwaꞌu yu ꞌin nten. Loꞌo ngulo yu kwiꞌin kuxi nu msñi ꞌin neꞌ, chaꞌ chkaa neꞌ tiꞌí nu nsuꞌwi kwiꞌin ꞌin.

SAN MARCOS 10:1

Loꞌo mdoꞌo Jesús kichen Capernaum bra kanꞌ, ndyaa yu tijyuꞌ nde lo yuu ꞌin Judea. Mdijin yu ndyaa yu xka laꞌa tsuꞌ chku Jordán bra kanꞌ. La kanꞌ mdyoꞌ tiꞌin kaꞌan ꞌa nten seꞌen ndiꞌin yu. Ngwaꞌu Jesús ꞌin neꞌ bra kanꞌ, sa ñaꞌan nu nduꞌu yu ꞌin nten nchga kichen seꞌen ndaꞌan yu.

SAN MARCOS 2:1

Wa mdijin chinꞌ tsan mxitukwi Jesús ndyaa nde kichen Capernaum kanꞌ xiyaꞌ. Bra ti nganen chaꞌ ñaꞌaan kichen chaꞌ wa ngala yu.

SAN MARCOS 3:1

Xiyaꞌ ndyaa Jesús niꞌ lyaa la kanꞌ tsan nu nxitñaꞌ neꞌ, loꞌo mdiꞌin ska yu tiꞌí nu nchkunꞌ ska laꞌa tsuꞌ yaꞌ yu.

SAN MARCOS 6:2

Loꞌo ndyaa Jesús niꞌ lyaa kichen kanꞌ tsan nu nxitñaꞌ neꞌ, tsan taꞌa kanꞌ. Nde kwa ngwaꞌu yu ꞌin nten bra kanꞌ. Yuwe ꞌa tiꞌ neꞌ nu ndiꞌin niꞌ lyaa kanꞌ bra nu ynan neꞌ chaꞌ nu ykwiꞌ Jesús loꞌo neꞌ. ―¿La nde yaꞌ yꞌni xaꞌan yu re nchga chaꞌ nu nchkwiꞌ yu? ―ndukwin neꞌ―. ¿Ni sa ñaꞌan ngwa chaꞌ ndiꞌya suꞌwe yu kwenta ꞌin chaꞌ kanꞌ? ¿Ta ndii ꞌa tiꞌ yu a? ―ndukwin neꞌ―. ¿Ni chaꞌ nchka ꞌin yu kuꞌni yu chaꞌ tnun? ―ndukwin neꞌ ꞌin taꞌa neꞌ―.

SAN LUCAS 10:15

Loꞌo ni, ꞌwan neꞌ kichen Capernaum, nxkeꞌ tiꞌ wan chaꞌ ka suꞌwe la kichen tyi wan. ¿Ja ta Ndiose nu tiꞌí ꞌwan, nxkeꞌ tiꞌ wan a? Kulaa yaꞌ Ndiose ꞌwan chaꞌ tyaa wan nde lo jwlyaa siyaꞌ ti. Ti nchkwiꞌ la Jesús loꞌo snan yla nsuꞌwi tii tyukwa neꞌ kanꞌ bra kanꞌ:

SAN LUCAS 13:10

Mdiya ska tsan taꞌa mdiꞌin Jesús niꞌ lyaa nduꞌu yu ꞌin nten.

SAN LUCAS 4:16

Bra kanꞌ ngala Jesús nde kichen Nazaret, seꞌen nguluu yu. Bra nu mdiya tsan nu nxitñaꞌ neꞌ judío, bra kanꞌ ndyaa yu niꞌ lyaa ꞌin neꞌ, chaꞌ xkwiꞌ ngwañaꞌan ngiꞌni yu tsan kanꞌ. Bra kanꞌ mdyituun Jesús chaꞌ chkwiꞌ yu lo kityi seꞌen ndukwa chaꞌ ꞌin Ndiose;

SAN LUCAS 4:23

Bra kanꞌ mxkwen Jesús ꞌin neꞌ kanꞌ: ―Ja chan, chunꞌ ndiꞌin la chinꞌ chkwiꞌ wan chaꞌ re loꞌoǔn: “Si nchka ꞌiin kuꞌnii joꞌó ꞌin nten, kuꞌnii joꞌó ꞌiin, ti ykwiiꞌ ti sikwa.” Kwiꞌ ngwañaꞌan, ja chan chkwiꞌ wan loꞌoǔn: “Wa ynan ba chaꞌ ꞌin nchga chaꞌ tnun nu wa yꞌnii nde kichen Capernaum kanꞌ” nchkwin wan. “Kwiꞌ ngwañaꞌan kuꞌnii chaꞌ tnun kanꞌ nde kichen tyian sikwa, chaꞌ ñaꞌan kwiꞌya ba chinꞌ” nchkwin wan ꞌñaǎn bra kanꞌ.

LOS HECHOS 17:2

kanꞌ chaꞌ yaa Palyu niꞌ lyaa kanꞌ, kwiꞌ sa ñaꞌan nu ndyaꞌan yu niꞌ lyaa ꞌin neꞌ judío nchga kichen. Tsan nu nxitñaꞌ neꞌ judío ndyoꞌ tiꞌin neꞌ kichen niꞌ lyaa, loꞌo Palyu yaa yu niꞌ lyaa tsan kanꞌ. Wa mdiya snan smnan ykwiꞌ yu loꞌo neꞌ kanꞌ la kwa.

LOS HECHOS 18:4

Ndyaa Palyu niꞌ lyaa ꞌin neꞌ judío nchga tsan nu nxitñaꞌ neꞌ, chaꞌ kwaꞌu yu chaꞌ ꞌin Jesús ꞌin neꞌ nu ndyoꞌ tiꞌin bra kanꞌ, ni siya neꞌ judío, ni siya neꞌ xka laꞌa tsuꞌ.