SAN LUCAS 9:56 - Chatino Zona Alta Occidental

⁵⁶ Ja msuꞌwa Ndiose Stiǐn ꞌñaǎn ndijyaǎn chaꞌ kaǎn nten, chaꞌ kuꞌniǐn tyiǐn ꞌin nten chalyuu; chaꞌ ka kulaa Ndiose ꞌin nten chalyuu ꞌin nchga chaꞌ kuxi, kanꞌ tñan ndijyaǎn chaꞌ kuꞌniǐn ―ndukwin Jesús. Bra kanꞌ mdoꞌo neꞌ yaa neꞌ xka kichen xuwe ti.

SAN LUCAS 9:56 ပူးပေါင်းရင်းမြစ်များ

SAN MATEO 18:10

’Ja suꞌwe xa nu ja kuwe tiꞌ wan ꞌin ska nten ꞌñaǎn, ñaꞌan tiꞌ ska nu xuwe ti re. Chañi chaꞌ nchkwiǐnꞌ loꞌo wan, chaꞌ ndiya angajle seꞌen ndiꞌin Ndiose nu ndiꞌin kwan ꞌin nchga nu xuwe ti kanꞌ; nchga bra nsuꞌwi chabiyaꞌ chkwiꞌ angajle kanꞌ loꞌo Stiǐn Ndiose chaꞌ ꞌin nu xuwe kanꞌ.

SAN MATEO 18:11

Wa ndijyaǎn lo chalyuu chabiyaꞌ ꞌin Ndiose chaꞌ kaǎn nten, chaꞌ kulaǎn ꞌin nten chalyuu nu wa mnaꞌ kasiya ꞌin siꞌya chaꞌ kuxi.

SAN MATEO 20:28

Naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, ja ndijyaǎn lo chalyuu chaꞌ kaja msu ꞌñaǎn; ykwiǐnꞌ kaǎn msu ꞌin nten, kanꞌ chaꞌ ndijyaǎn. Wa ndijyaǎn chaꞌ kajaǎn chaꞌ tyii kiꞌya nu ndiꞌin ꞌin nten, chaꞌ kulaǎn ꞌin kaꞌan ꞌa nten bra kanꞌ ―ndukwin Jesús ꞌin neꞌ.

SAN MATEO 5:39

Loꞌo ni, kaꞌan la chaꞌ chkwiǐnꞌ loꞌo wan, chaꞌ ja xuun taꞌa wan loꞌo nten nu yꞌni chaꞌ kuxi loꞌo wan. Bra nu jwiꞌin neꞌ ndukunꞌ neꞌ tloo wan laꞌa seꞌen kwin, ta wan chabiyaꞌ jwiꞌin neꞌ ndukunꞌ xka laꞌa tloo wan bra kanꞌ, si nchka tiꞌ neꞌ.

SAN LUCAS 19:10

Wa msuꞌwa Ndiose ꞌñaǎn ndijyaǎn chaꞌ kaǎn nten chaꞌ tyaꞌan naǎn ꞌin nten nu mnaꞌ kasiya ꞌin neꞌ siꞌya chaꞌ kuxi, chaꞌ ka kulaǎn ꞌin nten kanꞌ.

SAN LUCAS 22:51

Bra kanꞌ ndukwin Jesús ꞌin neꞌ: ―Yaꞌ la sa kwa ti. Kulaa sti wan xtyi ꞌwan. Bra kanꞌ ylaꞌ Jesús jin nxkan msu kanꞌ, xiyaꞌ ngwa suꞌwe jin nxkan yu bra kanꞌ.

SAN LUCAS 23:34

Xa nu ti ndiꞌin sndaru nu mjiꞌin kaꞌan ꞌin neꞌ lo wsi, bra kanꞌ ykwiꞌ Jesús loꞌo Ndiose Sti yu: ―Stiǐn ―ndukwin yu―, kuꞌnii chaꞌ tlyu tiꞌ ꞌin neꞌ re, ja jlyo ꞌa tiꞌ neꞌ ni chaꞌ lka ngiꞌni neꞌ ngwañaꞌan. Bra kanꞌ ngutsaa sndaru kanꞌ steꞌ Jesús xa nu ndiꞌin jya ti neꞌ loꞌo taꞌa neꞌ.

SAN LUCAS 9:55

Bra kanꞌ naꞌan ꞌa Jesús ꞌin neꞌ kanꞌ, ykwiꞌ yu loꞌo neꞌ bra kanꞌ: ―Ja ndiꞌya wan kwenta siyaꞌ ti sa ñaꞌan ndyoꞌo chaꞌ nu nchkwiꞌ wan ―ndukwin Jesús―. Siꞌi Tyiꞌi Ndiose lka nu ngwaꞌu ꞌwan chaꞌ chkwiꞌ wan chaꞌ kuxi ngwañaꞌan; kuneꞌ xaꞌan lka nu ngwaꞌu ꞌwan chaꞌ chkwiꞌ wan ngwañaꞌan.

SAN LUCAS 9:57

Tuꞌwa tuwiin seꞌen ndyaa neꞌ naꞌan neꞌ ꞌin ska yu kiꞌyu. ―Yu kula ―ndukwin yu―, loꞌoǔn nchka tiǎnꞌ tsaꞌaǎn loꞌoo; la seꞌen tsaa, tsaꞌaǎn loꞌoo.

SAN JUAN 10:10

’Xkwiꞌ tñan kunan ngiꞌni neꞌ kwiñi kanꞌ ―ndukwin Jesús―. Ndaꞌan neꞌ kanꞌ chaꞌ kuꞌni ñuꞌun neꞌ ꞌin nten, chaꞌ kanaꞌ kasiya ꞌin nten kanꞌ; loꞌo naꞌ ni, wa ndijyaǎn chaꞌ taǎn chalyuu suꞌwe ꞌin nten, seꞌen ka tyiꞌin neꞌ tyukwi ti tiye neꞌ bra kanꞌ ―ndukwin―.

SAN JUAN 12:47

Nduꞌuǔn chaꞌ ꞌin nten; xa nu kunan neꞌ chaꞌ kanꞌ, loꞌo ja tukwa neꞌ chaꞌ kanꞌ, ndiya kiꞌya ꞌin neꞌ, ni siya siꞌi naꞌ nu xtyaǎn kiꞌya ꞌin neꞌ kanꞌ bra kanꞌ ―ndukwin Jesús―. Ja mdiyaǎn chaꞌ kuꞌniǐn biyaǎnꞌ ꞌin nten chalyuu ni; chaꞌ kulaǎn ꞌin neꞌ ꞌin chaꞌ kuxi, kanꞌ chaꞌ mdiyaǎn.

SAN JUAN 3:17

Wa msuꞌwa Ni ꞌñaǎn ndijyaǎn lo chalyuu chaꞌ suwiǐn kiꞌya nu ndukwi nten chalyuu. Ja nchka tiꞌ Stiǐn Ndiose chaꞌ xkwiꞌ nan xtya Ni kiꞌya ꞌin nten; ja ndijyaǎn lo chalyuu chaꞌ kuꞌniǐn ngwañaꞌan ―ndukwin Jesús―.

ROMANOS 12:21

Kanꞌ chaꞌ ja ta wan tyempu ꞌin chaꞌ xaꞌan chaꞌ tyijin lyo ꞌwan. ꞌWan, tyijin lyo wan ꞌin chaꞌ xaꞌan, chaꞌ xkwiꞌ chaꞌ suꞌwe ngiꞌni wan.

1 TIMOTEO 1:15

Chañi chaꞌ ka xñiin suꞌwean chaꞌ re: Wa yan Jesucristo lo chalyuu chaꞌ kulaa Ni ꞌin nten chalyuu nu ndiꞌin kiꞌya ꞌin. Loꞌoǔn, tnun la kiꞌya ndukwiǐn ke xka ta nten, chaꞌ kuxi ꞌa tñan nu yꞌniǐn loꞌo nten ꞌin Jesucristo nu ngwa sꞌni.