SAN LUCAS 23:31 - Chatino Zona Alta Occidental

³¹ Ñaꞌan wan sa ñaꞌan nu ngiꞌni neꞌ loꞌoǔn ni. ¿Ni sa ñaꞌan kuꞌni neꞌ loꞌo wan neꞌ judío bra kanꞌ sikwa? Suꞌwe ꞌa chaꞌ nu ndiꞌin ꞌñaǎn; sa ñaꞌan lka ska yka nu ngaꞌá ꞌa, ngwañaꞌan suꞌwe ndiꞌin tiyeěn loꞌo Ndiose Stiǐn. Loꞌo ꞌwan, ja suꞌwe chaꞌ nu nchka ꞌwan; wa ndla ti tyii chaꞌ ꞌwan ngwa ti ñaꞌan, chaꞌ sa ñaꞌan lka ska yka nkwi, ngwañaꞌan lka wan loꞌo taꞌa kichen tyi wan ―ndukwin Jesús ꞌin neꞌ kanꞌ.

SAN LUCAS 23:31 ပူးပေါင်းရင်းမြစ်များ

SAN MATEO 3:12

Sa ñaꞌan ngiꞌni nten bra nu nxoꞌ tiꞌin neꞌ nskwaꞌ niꞌ juꞌwa, loꞌo nxoꞌ neꞌ lkaꞌ tlaꞌ xka seꞌen chaꞌ skin ran lo kiiꞌ, ngwañaꞌan suwi Ndiose ꞌin nten, xa nu suꞌwa Ni ꞌin nten xaꞌan chaꞌ skin lo kiiꞌ seꞌen ja tsaa tii ꞌa chaꞌ nchkin. Ngwañaꞌan ngwaꞌu Xuwa ꞌin nten nu ndyaꞌan seꞌen ndiꞌin yu.

SAN LUCAS 23:30

Bra kanꞌ tyisnan nten xiꞌya: “Suꞌwe la si tiyu kiꞌya kwan chuanꞌ, skunꞌ mondun yuu chuanꞌ, chaꞌ tsaa tii chaꞌ ꞌñaan siyaꞌ ti.” Ngwañaꞌan chkwiꞌ neꞌ bra kanꞌ.

SAN LUCAS 23:32

Loꞌo ndyaa loꞌo neꞌ ꞌin xa tyukwa nten nu tnun ꞌa kiꞌya ndiꞌin ꞌin neꞌ, chaꞌ suꞌwa ti kujwi neꞌ ꞌin nten kanꞌ loꞌo Jesús.

SAN JUAN 15:6

Kulaa yaꞌ Stiǐn ꞌin nten nu ja suꞌwa nka tiye loꞌoǔn, sa ñaꞌan nu nxkwan nten stanꞌ yka nu wa wtyi; nxoꞌ tiꞌin neꞌ stanꞌ yka wtyi kanꞌ, nxtya neꞌ ꞌin ran lo kiiꞌ chaꞌ tyii ran skin ran bra kanꞌ.

HEBREOS 6:8

Loꞌo ja suꞌwe yuu seꞌen xkwiꞌ kixinꞌ kuxi, xkwiꞌ yka kicheꞌ ndukwa lo ran; kulaa tiꞌin neꞌ ꞌin yuu nu ngwañaꞌan, chaꞌ ñaꞌan tiꞌ ska yuu nu wa ndukwa yuweꞌ chunꞌ, ngwañaꞌan lka ran. Ndiꞌin chaꞌ xuꞌu neꞌ kiiꞌ lo yuu kanꞌ, chaꞌ tyii chkin nchga chaꞌ kuxi nu nsuꞌwi lo yuu kanꞌ. Sa ñaꞌan nu ka ꞌin yuu nu ja suꞌwe siyaꞌ ti, kwiꞌ ngwañaꞌan ka kuxi ꞌñaan si kulaa yaanꞌ chaꞌ ꞌin Jesús bra kanꞌ.

SAN JUDAS 1:12

Ni siya kuxi ꞌa ngiꞌni neꞌ kwiñi kanꞌ, ja nchka jyuꞌu tiꞌ neꞌ siyaꞌ ti chaꞌ ndiꞌin neꞌ loꞌo wan bra nu ndyoꞌ tiꞌin wan chaꞌ ku siin wan loꞌo taꞌa wan chaꞌ ꞌin Jesucristo. Kaꞌan ꞌa nchku neꞌ kanꞌ bra kanꞌ, kaꞌan ꞌa ndiꞌyo neꞌ, chaꞌ sa kanꞌ ti chaꞌ nchka tiꞌ neꞌ ndaꞌan neꞌ seꞌen ndiꞌin wan; ja nduwe tiꞌ neꞌ kanꞌ siyaꞌ ti. Sa ñaꞌan ngiꞌni ska xꞌnan slyaꞌ nu ja ñaꞌansiin suꞌwe ꞌin slyaꞌ ꞌin, ngwañaꞌan ngiꞌni neꞌ kanꞌ; ñaꞌan tiꞌ koo nu ndyoꞌo tukwa ngwa ti ñaꞌan, ni siya ja kiꞌya tyoo, ngwañaꞌan lka neꞌ kwiñi kanꞌ; ñaꞌan tiꞌ ska yka kwiñii nu ja ndyoꞌo ꞌa nan lo ran siyaꞌ ti, ngwañaꞌan lka neꞌ kanꞌ. Ska yka nu wa wtyi, ndiꞌin chaꞌ skaan ꞌin ran, xkwaan ꞌin ran lo mti, chaꞌ ja yuꞌwi ꞌa jwersa ꞌin ran tyuꞌu ran; wa mdyii chaꞌ ꞌin ran siyaꞌ ti.