LOS HECHOS 5:2 - Chatino Zona Alta Occidental

² Kanꞌ yaa yu kiꞌyu kanꞌ seꞌen ndiꞌin nu tii tyukwa neꞌ nu yꞌni xaꞌan chaꞌ ꞌin Jesucristo ti kulo; ska tkanꞌ ti tñi mda yu ꞌin neꞌ, chaꞌ mnan ti msuꞌwa kutsiꞌ yu xka tkanꞌ tñi kanꞌ niꞌ ñaꞌan tyi yu. Loꞌo ngwa biyaꞌ tiꞌ kwilyoꞌo yu nchga tñan nu yꞌni yu kanꞌ.

LOS HECHOS 5:2 ပူးပေါင်းရင်းမြစ်များ

SAN MATEO 23:5

Nchga chaꞌ nu ngiꞌni neꞌ kanꞌ, ngiꞌni neꞌ ꞌin ran chaꞌ ñaꞌan nten ꞌin neꞌ; kanꞌ chaꞌ nskanꞌ neꞌ kanꞌ kityi chaꞌ ꞌin Ndiose ke neꞌ, kwiꞌ skun neꞌ, chaꞌ nchka tiꞌ neꞌ chaꞌ chkwiꞌ nten chaꞌ ꞌin neꞌ chaꞌ kti ꞌa ngiꞌni neꞌ. Kwiꞌ nxiin neꞌ kanꞌ piyun nu tnun ꞌa su, chaꞌ ñaꞌan nten ꞌin neꞌ.

SAN JUAN 12:6

Chaꞌ ngwa Juda ska nu ngiꞌni kunan, kanꞌ chaꞌ ndukwin yu ngwañaꞌan; siꞌi chaꞌ nchka tꞌnan tiꞌ yu ꞌin neꞌ tiꞌi. Ti kwiꞌ Juda mdiꞌya loo yu kwijin seꞌen nsuꞌwi tñi ꞌin yu taꞌa ndaꞌan Jesús, loꞌo yꞌni Juda kunan tñi nu nsuꞌwi ꞌin nchga neꞌ kanꞌ.

LOS HECHOS 2:44

Suꞌwa ti ndiꞌin nchga neꞌ nu msñi chaꞌ ꞌin Jesucristo loꞌo taꞌa neꞌ. Mda neꞌ nchga chaꞌ suꞌwe nu nsuꞌwi ꞌin neꞌ chaꞌ kutsaa neꞌ ꞌin taꞌa neꞌ.

LOS HECHOS 4:37

Ndiꞌin chinꞌ yuu ꞌin Bernabé kanꞌ. Xa wa yjwiꞌ yu yuu kanꞌ ꞌin xka nten, bra ti mdiyan yu, mda yu nchga tñi nu ngwa kiyaꞌ yuu kanꞌ ꞌin neꞌ nu yꞌni xaꞌan chaꞌ ꞌin Jesucristo ti kulo.

LOS HECHOS 5:1

Loꞌo ndiya ska yu nu naan Ananías, loꞌo kwilyoꞌo yu naan Safira. Yjwiꞌ neꞌ chinꞌ yuu ꞌin neꞌ ꞌin xka nten.

LOS HECHOS 5:3

Ykwiꞌ Tyu loꞌo yu bra kanꞌ: ―Ananías ―ndukwin Tyu―, ¿ni nan lka ngwa ꞌiin a? ¿Ni chaꞌ mdaa chabiyaꞌ ꞌin kuneꞌ xaꞌan nu naan Satanás chaꞌ ka ndloo la niꞌ kasiya ꞌiin a? Kanꞌ lka nu mdatsaa ꞌiin chaꞌ mñi lyoꞌoo ꞌin Tyiꞌi Ndiose ―ndukwin Tyu ꞌin yu kanꞌ―. Ndukwiin chaꞌ nde lka nchga tñi nu mjwi ꞌiin loꞌo yuu kanꞌ, loꞌo siꞌi nchga tñi lka re.

LOS HECHOS 5:8

Ykwiꞌ Tyu loꞌo nu kunaꞌan bra kanꞌ: ―Katsaaꞌ ñi ꞌñaǎn ―ndukwin―, ¿ta nde lka nchga tñi nu mda neꞌ ꞌwan chaꞌ yjwiꞌ wan yuu kanꞌ ꞌin neꞌ a? ―Kwiꞌ ―ndukwin nu kunaꞌan kanꞌ―, kwiꞌ sa kwa ti tñi mda neꞌ ꞌwa.

FILIPENSES 2:3

Ja chkwiꞌ wan lye ꞌa bra nu kuꞌni wan ska tñan; siꞌi xkwiꞌ chaꞌ ꞌwan, ti ykwiꞌ ti wan, tyaꞌan chaꞌ tiye wan. Kwiꞌ ngwañaꞌan, ja kuꞌni siyeꞌ wan loꞌo taꞌa wan. Suꞌwe la si tyaꞌan chaꞌ re tiye wan, chaꞌ suꞌwe la xka yu taꞌa wan, ja suꞌwe ykwiꞌ wan.

1 TIMOTEO 6:10

Bra nu ndiya ꞌa tiꞌ nten tñi, kanꞌ ka seꞌen ndukwa kiyaꞌ kaꞌan ꞌa chaꞌ kuxi. Loꞌo ndiya nten nu nchka tiꞌ kaꞌan ꞌa tñi, kanꞌ chaꞌ wa ngulaa yaꞌ neꞌ chaꞌ ꞌin Xꞌnaan, ja ndukwa ꞌa neꞌ kanꞌ chaꞌ ꞌin Ni. Loꞌo xiꞌin ꞌa tiꞌ neꞌ kanꞌ ni, chunꞌ ti ykwiꞌ ti neꞌ nda neꞌ nu tiꞌí ꞌin neꞌ.