LOS HECHOS 3:6 - Chatino Zona Alta Occidental

⁶ ―Ja nsuꞌwi tñi ꞌñaǎn ―ndukwin Tyu ꞌin yu―, xka lo tñan ndiya ꞌñaǎn chaꞌ kuꞌniǐn loꞌoo ―ndukwin―. ¡Chabiyaꞌ ꞌin Jesucristo Nazaret! Tyituun lyaa chaꞌ tyaꞌaan ska ti.

LOS HECHOS 3:6 ပူးပေါင်းရင်းမြစ်များ

SAN MATEO 10:9

’Ja loꞌo tñi kwiꞌya wan tsaa wan, ni siya tñi oro, ni siya tñi plata, ni siya tñi xuwe;

SAN MATEO 7:22

Bra nu tiya bra chaꞌ kuꞌni biyaꞌ Ni ꞌin nchga nten chalyuu, bra kanꞌ tyoꞌo tukwa kaꞌan nten nu chkwiꞌ loꞌoǔn: “Xꞌnaǎn, Xꞌnaǎn” nchkwin neꞌ ꞌñaǎn, “loꞌo ba re, wa ykwiꞌ ba loꞌo nten chabiyaꞌ ꞌiin. Chabiyaꞌ ꞌiin wa ngulo ba ꞌin kwiꞌin kuxi nu msñi ꞌin nten, loꞌo wa yꞌni ba xka la chaꞌ tnun chabiyaꞌ ꞌiin” nchkwin neꞌ kanꞌ ꞌñaǎn.

SAN MARCOS 14:8

Wa yꞌni nu kunaꞌan re nchga chaꞌ sa ñaꞌan nu ngwa ꞌin. Nan wa yꞌni chaꞌ ka xi tyiꞌi tyukwi ñaꞌaǎn ni; ni siya ti ji kajaǎn, nde loo la yꞌni xuꞌwe nu kunaꞌan re ꞌñaǎn tyukwi ñaꞌaǎn chaꞌ kutsiꞌ neꞌ ꞌñaǎn.

SAN MARCOS 16:17

Nten nu sten chaꞌ ꞌñaǎn, kuꞌni neꞌ kanꞌ chaꞌ tnun chabiyaꞌ ꞌñaǎn, chaꞌ kuwe ꞌa tiꞌ xka la nten: kulo neꞌ kanꞌ ꞌin kwiꞌin kuxi nu msñi ꞌin nten; ka chkwiꞌ neꞌ kanꞌ chaꞌ nu nchkwiꞌ neꞌ xka kichen tijyuꞌ chabiyaꞌ ꞌñaǎn;

SAN JUAN 19:19

Bra kanꞌ ngulo Pilato tñan chaꞌ kwaꞌan neꞌ chaꞌ re ke wsi kanꞌ: “Yu re lka Jesús Nazaret, ree ꞌin neꞌ judío.” Ngwañaꞌan ngwaꞌan neꞌ chaꞌ bra kanꞌ.

LOS HECHOS 10:38

Jlyo tiꞌ wan sa ñaꞌan mdiꞌin Jesús lo chalyuu, ti kwiꞌ Jesús Nazaret. Wa ngulo suwi Ndiose Sti yu ꞌin yu, loꞌo ti mda la Ni jwersa ꞌin Jesús bra nu mdiyan Tyiꞌi Ndiose ñaꞌaan chunꞌ yu. Nchga seꞌen mdaꞌan yu yꞌni yu chaꞌ suꞌwe loꞌo nten; kwiꞌ ngwañaꞌan, yꞌni yu chaꞌ nchkaa neꞌ nu tiꞌí ꞌa, ni siya nten nu msñi kwiꞌin kuxi ꞌin. Ngwañaꞌan yꞌni Jesús tñan, chaꞌ mdayaꞌ ꞌa Ndiose ꞌin yu.

LOS HECHOS 16:18

Tyun tsan mdaꞌan ñaꞌan nu kunaꞌan kanꞌ ꞌwa, msiꞌya loꞌo ꞌa ꞌwa. Loꞌo ja ndiya ꞌa tiꞌ Palyu chaꞌ msiꞌya ꞌa neꞌ bra kanꞌ. Kanꞌ chaꞌ mxitukwi yu tuwiin seꞌen ndyaa yu, ykwiꞌ yu loꞌo nu kunaꞌan tiꞌí chaꞌ ꞌin kwiꞌin nu msñi ꞌin, chaꞌ tyoꞌo kwiꞌin kanꞌ tyaa bra kanꞌ: ―Chabiyaꞌ ꞌin Jesucristo chkwiǐnꞌ ―ndukwin Palyu ꞌin nu kunaꞌan kanꞌ―. Tyoꞌo kwiꞌin nu nsuꞌwi ꞌiin ni, tyaa ran siyaꞌ ti. Bra ti mdoꞌo kwiꞌin kanꞌ ndyaa bra kanꞌ. Nchkaa nu kunaꞌan kanꞌ bra kanꞌ.

LOS HECHOS 2:22

’ꞌWan, neꞌ Israel ―ndukwin yu―, kunan suꞌwe wan chaꞌ nu chkwiǐnꞌ loꞌo wan ni. Neꞌ Nazaret ngwa Jesús. Mdayaꞌ Ndiose ꞌin yu chaꞌ nu yꞌni yu xkwiꞌ chaꞌ tnun seꞌen ndiꞌin wan. Kaꞌan ꞌa chaꞌ mdaꞌan tiye wan chaꞌ naꞌan wan chaꞌ tnun kanꞌ, loꞌo ngwa biyaꞌ tiꞌ wan chaꞌ xkwiꞌ tñan ꞌin Ndiose ngwa bra kanꞌ.

LOS HECHOS 2:36

’Ndiꞌin chaꞌ ka biyaꞌ tianꞌ, taꞌaan nu lkaan neꞌ Israel, chaꞌ ti kwiꞌ Jesús nu mjiꞌin kaꞌan wan lo wsi chaꞌ kujwi wan ꞌin yu, ti kwiꞌ yu kanꞌ wa nda Ndiose chabiyaꞌ ꞌin yu chaꞌ ka yu Xꞌnaan, chaꞌ lka yu Krixtu.

LOS HECHOS 3:16

’Loꞌo nsuꞌwi lyo wan ꞌin yu re chaꞌ tiꞌí yu nu ngwa xkanꞌ ―ndukwin Tyu ꞌin neꞌ―. Loꞌo ni, wa yꞌni Jesús chaꞌ nchkaa yu re, chunꞌ nu ndyaa ñaꞌan tiꞌ yu ꞌin Jesús. Nchka ꞌa ꞌin Jesús kanꞌ kuꞌni yu chaꞌ chkaa nten; ka ñaꞌan wan ꞌin yu chaꞌ chañi chaꞌ wa nchkaa yu re ni.

LOS HECHOS 3:5

Ynan suꞌwe yu, mskeꞌ tiꞌ yu chaꞌ wa ta ti neꞌ lomstan ꞌin yu.

LOS HECHOS 3:7

Kanꞌ msñi Tyu yaꞌ yu laꞌa seꞌen kwin chaꞌ xituun ꞌin yu bra kanꞌ. Bra ti nchkaa kiyaꞌ yu, loꞌo ynin kiyaꞌ yu nchkaa.

LOS HECHOS 4:10

Kunan suꞌwe wan chinꞌ sikwa. Chkwiǐnꞌ ska chaꞌ loꞌo wan loꞌo nchga nten lo yuu re, chaꞌ Jesucristo lka nu yꞌni chaꞌ nchkaa yu tiꞌí re. Ti kwiꞌ Jesús Nazaret nu yjwi wan lo wsi, kanꞌ lka nu yꞌni Ndiose chaꞌ ndyuꞌu xiyaꞌ xa wa ngujwi. Loꞌo Jesús kanꞌ mda chabiyaꞌ chaꞌ nchkaa yu re, kanꞌ chaꞌ nduun suꞌwe ti yu re ni.

LOS HECHOS 4:7

Ngulo neꞌ ꞌin Tyu loꞌo Xuwa niꞌ ñaꞌan chkwan, mdiyan loꞌo neꞌ ꞌin yu tloo neꞌ nu nka ndloo. Kanꞌ mnichaꞌ neꞌ ꞌin yu: ―¿Ni sa ñaꞌan yꞌni wan chaꞌ nchkaa yu tiꞌí kiyaꞌ re a? ―ndukwin neꞌ ꞌin yu―. ¿Ti ka nu nda chabiyaꞌ ꞌwan chaꞌ kuꞌni chkaa wan ꞌin yu a?

LOS HECHOS 9:34

Ykwiꞌ Tyu loꞌo yu tiꞌí bra kanꞌ: ―Eneas ―ndukwin―, wa yꞌni Jesucristo chaꞌ nchkaa ―ndukwin―. Kanꞌ chaꞌ tyituun ni, tyukwaan kiꞌyan kwa ꞌiin. Bra ti mdyituun Eneas bra kanꞌ.

1 CORINTIOS 4:11

Ni siya kwiꞌ ñaꞌan bra ni, ti ndiya bra nu ja ndyiji nan ku ba, ja ndyiji nan koꞌo ba; ni siya teꞌ kusun nchkuꞌ ba, ndiꞌin bra. Njyiꞌin neꞌ ꞌwa, loꞌo ja ndukwa naꞌan tyi ba, xkwiꞌ ndaꞌan yuꞌwi ti ba.

2 CORINTIOS 6:10

Ni siya chañi chaꞌ xiꞌin ꞌa tiꞌ ba chunꞌ nu tiꞌí nu ndijin ba, loꞌo suꞌwe lka tiye ba seꞌen ndiꞌin ba; chañi chaꞌ tiꞌi ꞌa ba, loꞌo ndyiji jwersa ꞌwa chaꞌ tayaꞌ ba ꞌin kaꞌan nten. Ni siya ja ska nan nsuꞌwi ꞌwa siyaꞌ ti chaꞌ ndiꞌin ba lo chalyuu; kwiꞌ Ndiose nsuꞌwa yaꞌ ꞌwa, nchga nan nsuꞌwi ꞌwa bra kanꞌ.

2 CORINTIOS 8:12

Si chañi chaꞌ suꞌwe nka tiye ska nten ta yu ni siya chinꞌ ti nan nu nsuꞌwi ꞌin yu, suꞌwe ti xñi Ndiose lomstan kanꞌ ꞌin yu, sa kwa ti nu nchka ꞌin yu bra kanꞌ; ja nchka tiꞌ Ni chaꞌ ta yu ska lomstan si ja ska nan nsuꞌwi ꞌin yu.

2 CORINTIOS 8:9

Wa jlyo tiꞌ wan sa ñaꞌan yꞌni Jesucristo nu nka Xꞌnaan, chaꞌ xkwiꞌ suꞌwe ꞌa yꞌni Ni loꞌo nten. Nchga nan siyaꞌ ti wa nsuꞌwi ꞌin Ni, loꞌo mslyaa Ni ngwa Ni ska nten ti, ni siya ska nten tiꞌi, nu ja ska nan nsuꞌwi ꞌin siyaꞌ ti. Chaꞌ ꞌwan, kanꞌ chaꞌ yꞌni Jesús ngwañaꞌan, chaꞌ chunꞌ ndiꞌin la kaja nchga nan nu nsuꞌwi ꞌin Ndiose ꞌwan bra kanꞌ.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

1 SAN PEDRO 4:10

Xuꞌwe ti mda Ndiose sa ñaꞌan kuꞌni skaa wan ska tñan suꞌwe, taꞌa wan nu msñi wan chaꞌ ꞌin Jesús. Sa ñaꞌan nu mdayaꞌ Ni ꞌñaan chaꞌ chka tꞌnan tianꞌ ꞌin taꞌa ntean, kwiꞌ ngwañaꞌan ndiꞌin chaꞌ tayaanꞌ ꞌin neꞌ xa nu kuꞌnian tñan nu nda Ni chaꞌ kuꞌnian kwenta skaan.