LOS HECHOS 24:2 - Chatino Zona Alta Occidental

² kanꞌ chaꞌ ngulo gobernador tñan ꞌin sndaru chaꞌ kan loꞌo neꞌ ꞌin Palyu tloo yu. Loꞌo ykwiꞌ Tértulo kanꞌ loꞌo Félix nu nka gobernador bra kanꞌ: ―Kuꞌni wan chaꞌ tlyu tiꞌ ꞌwa, yu kula, ta wan chabiyaꞌ chkwiꞌ ba chinꞌ loꞌo wan ―ndukwin Tértulo―. Suꞌwe ꞌa nka tiye ba chaꞌ xkwiꞌ tñan suꞌwe ngiꞌni wan chaꞌ nka wan ndloo lo chalyuu re. Suꞌwe ti ndiꞌin ba, chaꞌ suꞌwe ꞌa jlyo tiꞌ wan ni sa ñaꞌan kulo wan tñan ꞌwa ―ndukwin yu―.

LOS HECHOS 24:2 ပူးပေါင်းရင်းမြစ်များ

LOS HECHOS 24:1

Xa wa mdaꞌa kiꞌyu tsan, bra kanꞌ mdiyan Ananías xꞌnan sti joꞌo kanꞌ; mdiyan yu loꞌo neꞌ kula loꞌo xka nten nu nka tñan lo lee nu naan Tértulo. Kanꞌ ndyaa neꞌ tloo gobernador chaꞌ xtya neꞌ kiꞌya ꞌin Palyu,

LOS HECHOS 24:3

Kanꞌ chaꞌ suꞌwe ꞌa nka tiye ba nxñi ba nchga chaꞌ suꞌwe nu ngiꞌni wan loꞌo ba, chaꞌ nu nka wan ndloo. Loꞌo ni, ngiꞌni tnun ba ꞌwan, yu kula ―ndukwin yu―.

SAN JUDAS 1:16

Loꞌo neꞌ kwiñi kanꞌ, xkwiꞌ chen ñaꞌan nka tiye neꞌ kanꞌ ndiꞌin neꞌ lo chalyuu; ja ska nan ndiya tiꞌ neꞌ kanꞌ siyaꞌ ti, chaꞌ kuxi nchkwiꞌ neꞌ ꞌin nchga chaꞌ. Xkwiꞌ ndiya la tiꞌ neꞌ kanꞌ nchga loo chaꞌ kuxi nu ndaꞌan chaꞌ tiye neꞌ. Siyeꞌ ꞌa neꞌ kanꞌ loꞌo taꞌa neꞌ, xkwiꞌ suꞌwe ꞌa nchkwiꞌ neꞌ kanꞌ chaꞌ ꞌin nten si xlyaa nten tayaꞌ ꞌin neꞌ kanꞌ loꞌo ska chaꞌ kuxi nu ngiꞌni neꞌ.