LOS HECHOS 22:1 - Chatino Zona Alta Occidental

¹ ―ꞌWan, neꞌ kula, neꞌ taꞌaan ―ndukwin Palyu ꞌin neꞌ―, kunan suꞌwe wan chaꞌ nu chkwiǐnꞌ loꞌo wan ni ―ndukwin―, si ka lyaǎn loꞌo chaꞌ nu chkwiǐnꞌ loꞌo wan.

LOS HECHOS 22:1 ပူးပေါင်းရင်းမြစ်များ

SAN LUCAS 12:11

’ꞌWan nu lka wan nten ꞌñaǎn, ja kutsen wan bra nu chkwiꞌ biyaꞌ neꞌ loꞌo wan niꞌ lyaa, bra nu kuꞌni biyaꞌ neꞌ ꞌwan tloo nten nu lka tñan. Ja kuwe ꞌa tiꞌ wan sa ñaꞌan chaꞌ nu chkwiꞌ wan loꞌo neꞌ kanꞌ, chaꞌ ka kulaa neꞌ ꞌwan.

SAN LUCAS 21:14

Ja kaꞌan ꞌa chaꞌ tyaꞌan chaꞌ tiye wan xa nu ti ji ka chaꞌ kanꞌ, sa ñaꞌan nu chkwiꞌ wan loꞌo neꞌ nu lka tñan chaꞌ ka tyoꞌo laa wan yaꞌ neꞌ kanꞌ.

LOS HECHOS 13:26

’Taꞌaan nu lkaan ti kwiꞌ taꞌa nten ꞌin ayman Abraham, loꞌo taꞌa wan nu ndukwa wan chaꞌ ꞌin Ndiose, chaꞌ ꞌin taꞌaan lka chaꞌ suꞌwe nu ykwiꞌ Ndiose loꞌoan, chaꞌ suꞌwe nu nchkwiꞌ sa ñaꞌan nka tiye Ndiose kulaa Ni ꞌin nten chalyuu ꞌin chaꞌ kuxi.

LOS HECHOS 19:33

Bra kanꞌ mjwakii neꞌ judío ꞌin ska yu kiꞌyu chaꞌ tyituun yu tloo neꞌ kichen kanꞌ, Jantru naan yu. Loꞌo yꞌni yaꞌ yu ꞌin neꞌ chaꞌ seen tyiꞌin taꞌa neꞌ bra kanꞌ, chaꞌ ka chkwiꞌ yu loꞌo neꞌ.

LOS HECHOS 23:1

Wa ndyoꞌ tiꞌin nchga neꞌ kula. Loꞌo ñaꞌan ꞌa Palyu ꞌin neꞌ kula nu kuꞌni biyaꞌ ꞌin yu bra kanꞌ. ―ꞌWan, yu kula taꞌaan ―ndukwin Palyu ꞌin neꞌ bra kanꞌ―, nchga tsan suꞌwe ngiꞌniǐn seꞌen ndiꞌiǐn lo chalyuu. Luwi kasiya ꞌñaǎn tloo Ndiose.

LOS HECHOS 23:6

Ngwa biyaꞌ tiꞌ Palyu bra kanꞌ chaꞌ ndiꞌin neꞌ fariseo, loꞌo ndiꞌin chinꞌ neꞌ saduceo laja yu kula kanꞌ. Kanꞌ chaꞌ kwen ykwiꞌ Palyu xiyaꞌ bra kanꞌ: ―ꞌWan, yu kula taꞌaan ―ndukwin yu ꞌin neꞌ―, neꞌ fariseo lkaǎn ―ndukwin Palyu―, loꞌo ngwañaꞌan neꞌ fariseo ngwa stiǐn. Ngiꞌni biyaꞌ wan ꞌñaǎn chunꞌ nu ndyaa ñaꞌan tiǎnꞌ chaꞌ ndiꞌin chaꞌ tyuꞌu nchga ayman xiyaꞌ nde loo la.

LOS HECHOS 24:10

Loꞌo mda gobernador chabiyaꞌ chkwiꞌ Palyu bra kanꞌ: ―Suꞌwe nka tiyeěn si ka lyaǎn ꞌñaǎn ti ykwiǐnꞌ tiǎn bra nu chkwiǐnꞌ loꞌo wan ―ndukwin Palyu ꞌin Félix kanꞌ―. Wa jlyo tiǎnꞌ chaꞌ tyun yijan lka wan ndloo ꞌin nasiyun re ―ndukwin―.

LOS HECHOS 25:16

Mxkweěn ꞌin neꞌ chaꞌ siꞌi ngwañaꞌan ngiꞌni neꞌ romano; ja ka kuꞌni biyaꞌ ba ꞌin nten si ja ya ta ba bra ꞌin neꞌ chaꞌ kulo luwi neꞌ chaꞌ ꞌin neꞌ bra nu ti nduun nten nu mstya kiꞌya ꞌin neꞌ.

LOS HECHOS 25:8

Kanꞌ ykwiꞌ Palyu loꞌo neꞌ, si ka kulo luwi yu ꞌin yu, ti ykwiꞌ ti yu loꞌo neꞌ: ―Ja ska chaꞌ kuxi yꞌniǐn ―ndukwin Palyu―. Ja yꞌniǐn chaꞌ kuxi ꞌin chaꞌ kula nu ndyaa ñaꞌan ꞌa tiꞌ neꞌ judío taꞌa ba, kwiꞌ ja yꞌniǐn chaꞌ kuxi niꞌ lyaa tnun; ti kwiꞌ ti chaꞌ, ja yꞌniǐn chaꞌ kuxi ꞌin tñan nu ngulo ree nu nka ndloo ꞌin neꞌ romano. Kanꞌ chaꞌ nxkeꞌ tiǎnꞌ chaꞌ ja ndiꞌin ꞌa kiꞌya ꞌñaǎn.

LOS HECHOS 26:24

Xa wa ykwiꞌ Palyu ngwañaꞌan loꞌo neꞌ, lye ykwiꞌ Festo loꞌo yu bra kanꞌ: ―¡Wa mnaꞌ chaꞌ tiya ꞌiin, Palyu! ―ndukwin Festo ꞌin yu―. Chaꞌ lye ꞌa nchkwiiꞌ lo kityi, kanꞌ chaꞌ wa mnaꞌ chaꞌ tiya ꞌiin, ja taꞌa ꞌa tyukwa kee ―ndukwin.

LOS HECHOS 28:17

Wa mdiya snan tsan ti nu ngala ba kichen Roma, bra kanꞌ msuꞌwa Palyu ska rsun ndyaa seꞌen ndiꞌin neꞌ kula ꞌin taꞌa neꞌ judío nu ndiꞌin kichen kanꞌ. Ndyoꞌ tiꞌin neꞌ seꞌen ndiꞌin Palyu bra kanꞌ: ―ꞌWan, neꞌ kula taꞌaan ―ndukwin Palyu ꞌin neꞌ―, ja ska chaꞌ kuxi yꞌniǐn loꞌo neꞌ judío taꞌaan; ja ska chaꞌ kuxi yꞌniǐn chaꞌ ꞌin chaꞌ kula nu ndyaa ñaꞌan tianꞌ taꞌaan, nu mda ayman kula ꞌñaan sꞌni. Msñi nten ꞌñaǎn nde Jerusalén, yꞌni neꞌ presu ꞌñaǎn, kanꞌ mda neꞌ ꞌñaǎn yaꞌ neꞌ romano.

LOS HECHOS 7:2

Mxkwen Steba ꞌin yu kula bra kanꞌ: ―ꞌWan, neꞌ kula; ꞌwan, neꞌ taꞌa kichen tyian ―ndukwin yu―, kuꞌni wan chaꞌ tlyu tiꞌ ꞌñaǎn, chkwiǐnꞌ chinꞌ loꞌo wan ―ndukwin yu―. Tlyu ꞌa chaꞌ ndiꞌin ꞌin Ndiose nu ngiꞌni tnuan ꞌin. Nu ngwa sꞌni ngwaꞌu tloo Ndiose ꞌin ayman Abraham ꞌñaan. Ti ndiꞌin yu kanꞌ kichen tyi yu, nde lo yuu ꞌin Mesopotamia bra kanꞌ, chaꞌ ja ya kala yu kichen Harán nu ngwa bra kanꞌ.

1 CORINTIOS 9:3

Nde ñaꞌan nxkweěn ꞌin neꞌ bra nu nxichaꞌ neꞌ ꞌñaǎn:

2 CORINTIOS 12:19

Siꞌi nan nchka tiꞌ ba chaꞌ tyoꞌo luwi chaꞌ ꞌwa loꞌo wan; wa lka nduwe tiꞌ ba chaꞌ ñaꞌan Ndiose ꞌwa, kanꞌ chaꞌ sa kwa ti chaꞌ nchkwiꞌ ba, sa ñaꞌan chaꞌ nu nchka tiꞌ Krixtu chaꞌ chkwiꞌ ba loꞌo wan. Kwiꞌ ngwañaꞌan, nchga tñan nu ngiꞌni ba, ngiꞌni ba tñan kanꞌ chaꞌ tayaꞌ ba ꞌwan, chaꞌ suꞌwe ꞌa nka tiye ba ñaꞌan ba ꞌwan taꞌa suꞌwe ndiꞌin ba.

2 CORINTIOS 7:11

Kuwe chinꞌ tiꞌ wan sa ñaꞌan chaꞌ nchka ꞌwan ni, ti nu yꞌniǐn chaꞌ ngwa xiꞌin tiꞌ wan nu ngwa bra kanꞌ: tyukwi ti tiye wan ndaꞌan chaꞌ tiye wan ni, chaꞌ nchka ꞌa tiꞌ wan tyoꞌo luwi wan ꞌin chaꞌ kuxi kanꞌ; sa jluꞌwe msinꞌ tiꞌ wan, sa jluꞌwe ytsen wan, kwiꞌ ndyaa yuꞌwi ꞌa tiꞌ wan ꞌñaǎn bra kanꞌ, sa bra nu lye ꞌa ngwa tiꞌ wan ñaꞌan wan ꞌñaǎn ykwiǐnꞌ xiyaꞌ; bra ti ngwa tiꞌ wan ta wan nu tiꞌí ꞌin yu nu yꞌni chaꞌ kuxi kanꞌ. Ngwañaꞌan nchka biyaꞌ tiꞌ ba chaꞌ ja nganun yuweꞌ ꞌwan siꞌya chaꞌ kuxi kanꞌ.

FILIPENSES 1:7

Suꞌwe chaꞌ ngwañaꞌan ndaꞌan chaꞌ tiyeěn chaꞌ ꞌwan, chaꞌ nchga tsan suꞌwe ꞌa nka tiyeěn naꞌaǎn ꞌwan; suꞌwa ti nka tiye wan loꞌoǔn, suꞌwe ꞌa ngiꞌni wan loꞌoǔn chaꞌ ngiꞌnian tñan ꞌin Jesucristo. Lye ꞌa ndayaꞌ wan ꞌñaǎn nu ngwa xkanꞌ bra nu mdiꞌiǐn tloo neꞌ nu nka ndloo, chaꞌ mdoꞌoǔn luwiǐn tloo neꞌ kanꞌ. Bra kanꞌ ykwiǐnꞌ loꞌo neꞌ chaꞌ suꞌwe ꞌa lka chaꞌ nu wa ytsaꞌ Ndiose ꞌñaǎn, loꞌo ngwañaꞌan ytsaǎnꞌ ñi ꞌin neꞌ sa ñaꞌan lka chaꞌ nu ñi kanꞌ. Loꞌo ni, ti ndayaꞌ ꞌa wan ꞌñaǎn, ni siya nsuꞌwiǐn niꞌ ñaꞌan chkwan chunꞌ chaꞌ nchkwiǐnꞌ chaꞌ ꞌin Jesús loꞌo nten.

2 TIMOTEO 4:16

Bra nu ngwa biyaꞌ ꞌñaǎn tloo yu wsiya ti kulo ni, ja tukwin ykwiꞌ chaꞌ suꞌwe ꞌñaǎn bra kanꞌ; msnan neꞌ. Kanꞌ chaꞌ njñaǎn ꞌaǎn xuꞌwe ꞌin Ndiose chaꞌ kuꞌni Ni chaꞌ tlyu tiꞌ ꞌin neꞌ kanꞌ.

1 SAN PEDRO 3:15

Tyukwi ti tiye wan kuꞌni tnun wan ꞌin Krixtu, chaꞌ chañi lka Ni Xꞌnaan. Kwiꞌ ngwañaꞌan, kuwe chinꞌ tiꞌ wan sa ñaꞌan xkwen wan ꞌin nten bra nu kunichaꞌ neꞌ ꞌwan ñaꞌan tiꞌ chaꞌ re: “¿Ni chaꞌ lka ndyaa ñaꞌan ꞌa tiꞌ wan chaꞌ ti kan Krixtu xiyaꞌ a?” Suꞌwe ti xkwen wan ꞌin neꞌ kanꞌ, ja chkwiꞌ wan chaꞌ kuxi loꞌo neꞌ kanꞌ.