LOS HECHOS 2:9 - Chatino Zona Alta Occidental

⁹ Kaꞌan ꞌa kichen seꞌen mdoꞌoan. Wa lkaan neꞌ Partia, neꞌ Media, neꞌ Elam, neꞌ Mesopotamia, neꞌ Judea, neꞌ Capadocia, neꞌ Ponto, neꞌ nde lo yuu ꞌin Asia,

LOS HECHOS 2:9 ပူးပေါင်းရင်းမြစ်များ

LOS HECHOS 16:6

Loꞌo ja mda ꞌa Tyiꞌi Ndiose chabiyaꞌ ꞌin neꞌ chaꞌ kwaꞌu neꞌ chaꞌ ꞌin Jesucristo nde kichen lo yuu nu kwenta ꞌin Asia, kanꞌ chaꞌ mdijin neꞌ lo yuu ꞌin Frigia, loꞌo lo yuu ꞌin Galacia,

LOS HECHOS 18:2

Kichen kanꞌ ndyukwa taꞌa yu loꞌo ska yu judío nu naan Aquila, neꞌ kichen Ponto lka yu kula kanꞌ. Mdiꞌin neꞌ nde Italia nu ngwa sꞌni la, loꞌo Aquila loꞌo kwilyoꞌo yu nu naan Priscila. Wa mdoꞌo tsuꞌ neꞌ ngala neꞌ kichen Corinto, bra nu ngulo ree Claudio tñan chaꞌ kulo neꞌ ꞌin nchga neꞌ judío nu ndiꞌin kichen Roma, kichen tnun nu liꞌya loo ꞌin lo yuu ꞌin Italia kanꞌ. Tuꞌ naꞌan tyi Aquila kanꞌ ngala Palyu bra kanꞌ.

LOS HECHOS 19:10

Tukwa yijan yꞌni yu ngwañaꞌan, sa ñaꞌan bra nu ynan nchga nten chaꞌ ꞌin Jesús tyukwi lo yuu ꞌin Asia. Ykwiꞌ yu loꞌo nchga neꞌ kanꞌ, ni siya loꞌo neꞌ judío, ni siya loꞌo xka nten.

LOS HECHOS 19:27

Kuxi ꞌa ndyoꞌo chaꞌ kanꞌ ꞌñaan, si ja nchka ꞌa tiꞌ nten xiꞌi nkwin nu nñaan; ja kaja ꞌa tñan nu kuꞌnian bra kanꞌ. Loꞌo ja xlyaa nten kuꞌni tnun ꞌin jyaꞌaan joꞌo Diana nu nka ndloo siyaꞌ ti niꞌ lyaa kichen tyian re bra kanꞌ ―ndukwin Demetrio―. Nchga nten lo yuu ꞌin Asia re ngiꞌni tnuan ꞌin joꞌo kanꞌ, loꞌo nchga nten ñaꞌaan chalyuu ngiꞌni tnun ꞌin joꞌo kanꞌ. Ja suꞌwe si kuꞌni tyi neꞌ chaꞌ ꞌin joꞌo tnun nu ndiꞌin ꞌñaan ―ndukwin Demetrio.

LOS HECHOS 19:31

Loꞌo ndiya chinꞌ taꞌa suꞌwe nsuꞌwi Palyu la kanꞌ, kwiꞌ nu nka tñan nde lo yuu ꞌin Asia kanꞌ, loꞌo neꞌ kanꞌ ykwiꞌ neꞌ loꞌo Palyu chaꞌ ja tsaa ꞌa yu siyaꞌ ti nde seꞌen ndyoꞌ tiꞌin nten kichen.

LOS HECHOS 2:8

¿Ni chaꞌ lka nnaan nchkwiꞌ neꞌ re chaꞌ nu nchkwianꞌ a? ―ndukwin neꞌ―.

LOS HECHOS 20:16

Ja yaa ba nde kichen Efeso, chaꞌ ja mslyaa Palyu kanun yu chan lo yuu ꞌin Asia kanꞌ; ngwa tiꞌ yu chaꞌ tyaa lya yu nde Jerusalén chaꞌ tyiꞌin yu kichen kanꞌ xa nu nchka taꞌa Pentecostés, si ka ꞌin yu.

LOS HECHOS 20:18

Bra wa mdiyan neꞌ kula kanꞌ, bra kanꞌ ngwaꞌu Palyu chinꞌ ꞌin neꞌ: ―Wa jlyo tiꞌ wan nchga chaꞌ sa ñaꞌan nu yꞌniǐn nchga tsan xa nu mdiꞌiǐn loꞌo wan lo yuu ꞌin Asia re ―ndukwin Palyu ꞌin neꞌ―.

LOS HECHOS 20:4

Loꞌo mdaꞌan Sópater nu lka ska neꞌ Berea loꞌo ba, loꞌo Aristarco loꞌo Segundo nu lka neꞌ Tesalónica, loꞌo Gayu nu lka neꞌ Derbe, loꞌo Timu kanꞌ, loꞌo Tíquico loꞌo Trófimo nu lka neꞌ Asia; taꞌa ba mdaꞌan ba loꞌo Palyu bra kanꞌ.

LOS HECHOS 21:27

Wa ka ti mdaꞌa kati tsan chaꞌ tyii tñan ꞌin neꞌ, bra kanꞌ ndiya chinꞌ neꞌ judío nu lka neꞌ Asia niꞌ lyaa tlyu kanꞌ, naꞌan neꞌ ꞌin Palyu seꞌen ndaꞌan yu niꞌ lyaa. Bra ti msuꞌwa neꞌ ska kwentu ꞌin nten kichen, chaꞌ kasinꞌ tiꞌ neꞌ ꞌin Palyu bra kanꞌ.

LOS HECHOS 24:18

Sa ñaꞌan nu ndiꞌin chaꞌ kuꞌni ba chaꞌ lka ba neꞌ judío, kwiꞌ ngwañaꞌan yꞌniǐn luwiǐn ꞌñaǎn ti ykwiǐnꞌ tiǎn chaꞌ tsaꞌaǎn niꞌ lyaa. Nsuꞌwiǐn niꞌ lyaa tnun bra kanꞌ, ndaǎn lomstan kanꞌ; tiin ti ndiꞌiǐn niꞌ lyaa, loꞌo ja ndiꞌin kaꞌan nten loꞌoǔn. Bra kanꞌ mdiyan chinꞌ neꞌ judío taꞌa ba nu lka naꞌan tyi neꞌ nde Asia, naꞌan neꞌ kanꞌ ꞌñaǎn bra kanꞌ.

LOS HECHOS 27:2

Loꞌo ndyaa Aristarco neꞌ Tesalónica loꞌo ba. Nde lo yuu Macedonia ndiꞌin kichen Tesalónica kanꞌ. Ndyaa ba yten ba ska niꞌ yka naꞌan nu wa tsaa ti tyun kichen nde lo yuu Asia. Ska nten kichen Adramitio lka xꞌnan yka naꞌan kanꞌ.

LOS HECHOS 6:9

Kanꞌ ndiya xka ta nten nu mdoꞌo xka laꞌa tsuꞌ, loꞌo neꞌ Cirene, loꞌo neꞌ kichen Alejandría, loꞌo neꞌ Cilicia, loꞌo neꞌ Asia; taꞌa neꞌ kanꞌ ndaꞌan neꞌ niꞌ lyaa ꞌin nten libertados, seꞌen ndyoꞌ tiꞌin neꞌ nu ngwa presu ꞌin nten nu ngwa sꞌni la. Mdyisnan neꞌ kanꞌ msuun ꞌa neꞌ loꞌo Steba bra kanꞌ.

LOS HECHOS 7:2

Mxkwen Steba ꞌin yu kula bra kanꞌ: ―ꞌWan, neꞌ kula; ꞌwan, neꞌ taꞌa kichen tyian ―ndukwin yu―, kuꞌni wan chaꞌ tlyu tiꞌ ꞌñaǎn, chkwiǐnꞌ chinꞌ loꞌo wan ―ndukwin yu―. Tlyu ꞌa chaꞌ ndiꞌin ꞌin Ndiose nu ngiꞌni tnuan ꞌin. Nu ngwa sꞌni ngwaꞌu tloo Ndiose ꞌin ayman Abraham ꞌñaan. Ti ndiꞌin yu kanꞌ kichen tyi yu, nde lo yuu ꞌin Mesopotamia bra kanꞌ, chaꞌ ja ya kala yu kichen Harán nu ngwa bra kanꞌ.

ROMANOS 16:5

Bra kanꞌ chkwiꞌ wan loꞌo nchga nten ꞌin Krixtu nu ndyoꞌ tiꞌin tuꞌ naꞌan tyi Aquila kanꞌ. Kwiꞌ ngwañaꞌan, chkwiꞌ wan loꞌo Epeneto taꞌa suꞌwe nsuꞌwiǐn, ti kwiꞌ neꞌ Asia nu kulo ndukwa la yten chaꞌ ꞌin Krixtu lka yu kanꞌ.

1 CORINTIOS 16:19

Nchga kichen lo yuu ꞌin Asia seꞌen ndiꞌin nten nu ngiꞌni tnun ꞌin Jesús, nchka tiꞌ neꞌ chkwiꞌ suꞌwe neꞌ loꞌo wan. Loꞌo Aquila loꞌo Priscila, loꞌo nchga nten nu ndyoꞌ tiꞌin naꞌan tyi neꞌ kanꞌ, nchka tiꞌ neꞌ chkwiꞌ suꞌwe neꞌ loꞌo wan chaꞌ ꞌin ykwiꞌ Xꞌnaan.

2 CORINTIOS 1:8

ꞌWan taꞌa msñian chaꞌ ꞌin Krixtu, nchka tiꞌ ba chaꞌ ka biyaꞌ tiꞌ wan sa ñaꞌan ngwa bra nu mdijin ba nu tiꞌí kichen seꞌen ndyaa ba lo yuu ꞌin Asia, chaꞌ tlyu ꞌa chaꞌ kuxi ndyukwa ba bra kanꞌ. Ja jlyo tiꞌ ba siyaꞌ ti sa ñaꞌan tyijin lyo ba chaꞌ kuxi kanꞌ; mskeꞌ tiꞌ ba chaꞌ ja tyuꞌu ꞌa ba,

2 TIMOTEO 1:15

Ja chan jlyo tiiꞌ chaꞌ kaꞌan nten ꞌin Jesucristo wa ngulaa yaꞌ neꞌ ꞌñaǎn; ni siya nchga neꞌ nu ndiꞌin lo yuu ꞌin Asia, loꞌo Figelo, loꞌo Hermógenes, wa ngulaa yaꞌ neꞌ kanꞌ ꞌñaǎn.

1 SAN PEDRO 1:1

Kwiꞌ Tyu lkaǎn nu ndaꞌaǎn kityi re chaꞌ tsaa seꞌen ndiꞌin taꞌa wan nu msñi wan chaꞌ ꞌin Jesús, ꞌwan nu ndiꞌin tijyuꞌ. Ndiya wan nu ngala wan lo yuu ꞌin Ponto; loꞌo ti ndiya la taꞌa wan nu ngala nde lo yuu ꞌin Galacia, loꞌo ndiya wan lo yuu ꞌin Capadocia, ndiya wan lo yuu ꞌin Asia, ndiya wan lo yuu ꞌin Bitinia; lye ꞌa nganen yuꞌwi wan lo chalyuu. Tñan nu nda Jesucristo ꞌñaǎn ni, kanꞌ lka chaꞌ tsaꞌaǎn chkwiǐnꞌ chaꞌ ꞌin Ni loꞌo nchga nten nu ndiꞌin kichen tijyuꞌ.

EL APOCALIPSIS 1:11

Nde ndiya chaꞌ nu ykwiꞌ Ni loꞌoǔn: ―Kwaꞌaan lyaa nchga chaꞌ nu katsaǎnꞌ ꞌiin ni; nchga chaꞌ nu ñaꞌaan ni, kwaꞌaan lyaa ꞌin ran lo kityi bra ti ―ndukwin Ni bra kanꞌ―. Loꞌo suꞌwaa lyaa kityi re chaꞌ tsaa ran seꞌen ndiꞌin kati ta nten nu ndiꞌin chaꞌ ꞌin loꞌo Jesucristo bra kanꞌ. Suꞌwaa lyaa kityi re chaꞌ tsaa kichen tyi neꞌ la lo yuu ꞌin Asia, ti kwiꞌ kichen nu chkwiǐnꞌ loꞌoo ni: kichen Efeso, loꞌo kichen Esmirna, loꞌo kichen Pérgamo, loꞌo kichen Tiatira, loꞌo kichen Sardis, loꞌo kichen Filadelfia, loꞌo kichen Laodicea bra kanꞌ.

EL APOCALIPSIS 1:4

Naꞌ lkaǎn Xuwa nu nsuꞌwaǎn kityi re chaꞌ tsaa ran taꞌa kati kichen nde Asia, seꞌen ndiꞌin kati ta nten nu ndyaa ñaꞌan tiꞌ chaꞌ ꞌin Jesucristo. Ndaǎn kasiya chaꞌ tsaa la seꞌen ndiꞌin wan chabiyaꞌ ꞌin Ndiose Stian, kwiꞌ ngwañaꞌan chabiyaꞌ ꞌin Tyiꞌi Ni, kwiꞌ ngwañaꞌan chabiyaꞌ ꞌin Jesucristo. Nde ndiya chaꞌ nu nka tiyeěn, chaꞌ ti kaꞌan la ti chaꞌ suꞌwe kuꞌni Ndiose loꞌo wan, chaꞌ kuꞌni Ni chaꞌ tiin ti tyiꞌin niꞌ kasiya ꞌwan. Nu ngwa ti kulo la ti luꞌu Ndiose, luꞌu Ni sa bra ni, loꞌo ngwañaꞌan ti luꞌu Ni nchga tyempu nu ndyaa nde loo la. Ndiꞌin Tyiꞌi Ndiose tloo Ni ti kwiꞌ seꞌen tnun la ti seꞌen ndukwa Ni, kanꞌ lka kati kwiꞌin luwi nu nda Tyiꞌi Ni ndijyan lo chalyuu.