LOS HECHOS 2:7 - Chatino Zona Alta Occidental

⁷ Nduwe ꞌa tiꞌ neꞌ tijyuꞌ kanꞌ bra kanꞌ, kaꞌan ꞌa chaꞌ mdaꞌan tiye neꞌ xa wa naꞌan neꞌ chaꞌ kanꞌ: ―¿Ta siꞌi xkwiꞌ neꞌ kichen nde lo yuu ꞌin Galilea lka neꞌ re a? ―ndukwin neꞌ kanꞌ loꞌo taꞌa neꞌ―.

LOS HECHOS 2:7 ပူးပေါင်းရင်းမြစ်များ

SAN MATEO 21:11

Mxkwen nten kaꞌan kanꞌ ꞌin neꞌ kichen bra kanꞌ: ―Jesús Nazaret lka yu re. Nde lo yuu ꞌin Galilea ndukwa kichen tyi yu. Kwiꞌ nchkwiꞌ yu chaꞌ ꞌin Ndiose loꞌo nten ―ndukwin neꞌ.

SAN MATEO 26:73

Chunꞌ ndiꞌin la chinꞌ mdiyan xka ta nten nu nduun nde kwa ti chaꞌ chkwiꞌ neꞌ loꞌo Tyu bra kanꞌ: ―Chañi chaꞌ taꞌa ndaꞌan nu kiꞌyu kwa lkaa ―ndukwin neꞌ ꞌin yu―, chaꞌ suꞌwa ti nnen chaꞌ nu nchkwiiꞌ loꞌo taꞌa kichen tyi yu kwa.

SAN MATEO 8:10

Nduwe ꞌa tiꞌ Jesús bra nu ynan chaꞌ nu ykwiꞌ capitán kanꞌ. Bra kanꞌ ykwiꞌ Jesús loꞌo nchga nten nu ndaꞌan ñaꞌan ꞌin: ―Chañi ꞌa chaꞌ nchkwiǐnꞌ loꞌo wan ni ―ndukwin Jesús ꞌin neꞌ―. Ja ya ñaꞌaǎn ska nten nu suꞌwe la ndyaa ñaꞌan tiꞌ ꞌin Ndiose, sa ñaꞌan nu ndyaa ñaꞌan tiꞌ capitán re; ñaꞌaan nasiyun Israel re, ja nsuꞌwi nten nu ndyaa ñaꞌan tiꞌ ꞌin Ndiose ngwañaꞌan.

SAN MARCOS 1:27

Ytsen ꞌa nchga nten bra kanꞌ. Ykwiꞌ neꞌ loꞌo taꞌa neꞌ: ―¿Ni sa ñaꞌan lka chaꞌ re a? ―ndukwin neꞌ―. ¿Ta xka chaꞌ kwi nduꞌu yu kwa ꞌin nten a? ―ndukwin neꞌ―. Nchka ꞌin yu kwa kulo yu tñan ꞌin kwiꞌin kuxi, loꞌo ndukwa kwiꞌin kanꞌ chaꞌ nchkwiꞌ yu bra kanꞌ.

SAN MARCOS 2:12

Bra ti mdyituun nu tiꞌí kanꞌ, msñi katan ꞌin, mdoꞌo ndyaa bra kanꞌ. Naꞌan nchga nten chaꞌ mdoꞌo nu ngwa tiꞌí kanꞌ ndyaa loꞌo katan ꞌin. Loꞌo yuwe ꞌa tiꞌ neꞌ bra kanꞌ, yꞌni tnun neꞌ ꞌin Ndiose chaꞌ ngwa chaꞌ tnun kanꞌ: ―Ja ska yaꞌ ñaꞌan ba ska chaꞌ tnun sa ñaꞌan nu yꞌni yu ni ―ndukwin neꞌ ꞌin Ndiose bra kanꞌ.

SAN JUAN 7:52

―¿Ti kwiꞌ neꞌ Galilea lkaa sikwa a? ―ndukwin taꞌa fariseo ꞌin Nicodemo bra kanꞌ―. Ñaꞌan nuꞌwin chinꞌ lo kityi ꞌin Ndiose nu ngwaꞌan neꞌ nu ngwa sꞌni, chaꞌ ka biyaꞌ la tiiꞌ chaꞌ siꞌi neꞌ Galilea ka nten nu ka chkwiꞌ chaꞌ ꞌin Ndiose loꞌoan.

LOS HECHOS 1:11

Ykwiꞌ nten nu ngaten steꞌ kanꞌ loꞌo neꞌ kanꞌ: ―ꞌWan, neꞌ Galilea ―ndukwin―. ¿Ni chaꞌ lka nduun wan naꞌan kwiꞌya wan nde niꞌ kwan a? ―ndukwin neꞌ―. Jesús nu tka mxnun ti ꞌwan chunꞌ ndyaa Ni niꞌ kwan, ti kan Ni lo chalyuu xiyaꞌ nde loo la. Sa ñaꞌan naꞌan wan ꞌin Ni bra nu ndyaa Ni, kwiꞌ ngwañaꞌan ñaꞌan nten ꞌin Ni bra nu kan Ni xiyaꞌ ―ndukwin yu nu ngaten steꞌ bra kanꞌ.

LOS HECHOS 2:12

Nduwe ꞌa tiꞌ nchga neꞌ kanꞌ. Ja jlyo tiꞌ neꞌ siyaꞌ ti nan ka ngwa. Ti nchkwiꞌ neꞌ loꞌo taꞌa neꞌ bra kanꞌ: ―¿Ni nan lka re a? ―ndukwin neꞌ kanꞌ.

LOS HECHOS 2:8

¿Ni chaꞌ lka nnaan nchkwiꞌ neꞌ re chaꞌ nu nchkwianꞌ a? ―ndukwin neꞌ―.

LOS HECHOS 3:10

Nsuꞌwi lyo neꞌ ꞌin yu, chaꞌ ti kwiꞌ yu tiꞌí kiyaꞌ nu ngwaꞌan tuꞌ laa mjñan yu lomstan ꞌin neꞌ nchga tsan lka yu kanꞌ. Nduwe ꞌa tiꞌ neꞌ bra kanꞌ, kaꞌan ꞌa chaꞌ ndaꞌan tiye neꞌ chaꞌ wa nchkaa kiyaꞌ yu.