LOS HECHOS 10:4 - Chatino Zona Alta Occidental

⁴ Ytsen ꞌa Cornelio chaꞌ naꞌan yu ꞌin angajle kanꞌ. ―Xꞌnaǎn ―ndukwin yu―, ¿ni sa ñaꞌan tñan nchka tiiꞌ chaꞌ kuꞌniǐn a? ―Wa ynan Ndiose chaꞌ nu wa ykwiiꞌ loꞌo Ni ―ndukwin angajle kanꞌ―. Kwiꞌ ngwañaꞌan, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi, kanꞌ chaꞌ ndyuꞌwi tiꞌ Ndiose ꞌiin.

LOS HECHOS 10:4 ပူးပေါင်းရင်းမြစ်များ

SAN MATEO 26:13

Chañi chaꞌ nu chkwiǐnꞌ loꞌo wan ni, chaꞌ nchga seꞌen nu kanen chaꞌ ꞌñaǎn ñaꞌaan chalyuu, bra kanꞌ kunan neꞌ nchga chaꞌ nu yꞌni nu kunaꞌan re ni, chaꞌ tyuꞌwi tiꞌ neꞌ chaꞌ suꞌwe ꞌa tñan nu yꞌni nu kunaꞌan re tsan ni.

SAN LUCAS 1:29

Wa naꞌan Liya ꞌin angajle kanꞌ. Bra kanꞌ ynan Liya chaꞌ nu ykwiꞌ, loꞌo nduwe ꞌa tiꞌ ni chaꞌ lka nchkwiꞌ angajle kanꞌ ngwañaꞌan. Ytsen ꞌa bra kanꞌ.

SAN LUCAS 24:5

Msnan yuꞌwi tiye neꞌ kunaꞌan kanꞌ bra kanꞌ, mdyisti neꞌ lyuu chaꞌ ytsen ꞌa neꞌ ꞌin yu kiꞌyu kanꞌ. Bra kanꞌ ykwiꞌ yu kanꞌ loꞌo neꞌ: ―¿Ni chaꞌ ndaꞌan naan wan ꞌin ska nten nu luꞌu seꞌen nsu ayman re a? ―ndukwin neꞌ―.

LOS HECHOS 10:31

Ykwiꞌ yu kanꞌ loꞌoǔn: “Cornelio” ndukwin yu, “wa ynan Ndiose chaꞌ nu ykwiiꞌ loꞌo Ni, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi; kanꞌ chaꞌ ndyuꞌwi tiꞌ Ndiose ꞌiin.

LOS HECHOS 14:9

Suꞌwe ꞌa ynan yu tiꞌí kanꞌ bra nu ngwaꞌu Palyu ꞌin nten; bra nu naꞌan Palyu ꞌin yu, ngwa biyaꞌ tiꞌ yu chaꞌ ndyaa ñaꞌan tiꞌ yu tiꞌí kanꞌ chaꞌ ka ꞌin Ndiose kuꞌni Ni chaꞌ chkaa yu.

LOS HECHOS 22:10

“¿Xꞌnaǎn, ni ñaꞌan nan nchka tiiꞌ chaꞌ kuꞌniǐn a?” niǐn ꞌin Jesús bra kanꞌ. “Tyituun lyaa” ndukwin Xꞌnaan ꞌñaǎn, “tsaa nde kichen Damasco. Nde kwa ndiꞌin ska nten nu kwaꞌu ꞌiin nchga tñan nu ndiꞌin chaꞌ kuꞌnii.”

LOS HECHOS 3:4

Ndyaa tuun Tyu loꞌo Xuwa chaꞌ ñaꞌan kwiꞌya neꞌ ꞌin yu tiꞌí kanꞌ. Bra kanꞌ ykwiꞌ Tyu loꞌo yu: ―Ñaꞌan chinꞌ ꞌwa ―ndukwin Tyu ꞌin yu.

FILIPENSES 4:18

Nde lka chaꞌ nu chkwiǐnꞌ loꞌo wan ni: Wa kaꞌan ꞌa nan nda wan ꞌñaǎn, kanꞌ chaꞌ nchka ꞌa tiǎnꞌ tyaǎn xuꞌwe ꞌwan; ja ndiya xka nan nu lyiji ꞌñaǎn bra ni, ti bra nu yan Epafrodito, yan loꞌo yu nchga chaꞌ suꞌwe nu wa nda wan ꞌñaǎn. Ñaꞌan tiꞌ ska lomstan nu ndiya ꞌa tiꞌ Ndiose ꞌin, ska nan nu nxkwa xi ꞌa tyiꞌi nchga seꞌen, ngwañaꞌan lka chaꞌ suꞌwe nu nda wan ꞌñaǎn chaꞌ ꞌin Ndiose.

FILIPENSES 4:6

Ja ska chaꞌ kuwe tiꞌ wan seꞌen, jñan wan chaꞌ ꞌin Ndiose chaꞌ ꞌin ya ñaꞌan ti chaꞌ nu ka ꞌwan. Loꞌo ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan, bra nu chkwiꞌ wan loꞌo Ni.

HEBREOS 13:16

Loꞌo ja ka ndaja tiꞌ wan kuꞌni wan nchga chaꞌ suꞌwe, chaꞌ ngwañaꞌan tayaꞌ wan ꞌin taꞌa nten wan; kanꞌ lka tñan nu ndiya tiꞌ Ni chaꞌ kuꞌnian chaꞌ ꞌin Ni.

HEBREOS 6:10

Loꞌo ngwañaꞌan, ñi ꞌa chaꞌ ngiꞌni Ndiose loꞌo nten chalyuu. Ja kjlyaa ꞌa tiꞌ Ni nchga chaꞌ suꞌwe nu wa yꞌni wan, chaꞌ ndayaꞌ ꞌa wan ꞌin neꞌ taꞌa msñian chaꞌ ꞌin Jesús; wa kaꞌan ꞌa tñan yꞌni wan chaꞌ ꞌin neꞌ kanꞌ. Chaꞌ nu wa yꞌni wan ngwañaꞌan, kanꞌ chaꞌ jlyo tiꞌ xka ta nten chaꞌ suꞌwe ꞌa nka tiye wan loꞌo Jesús, loꞌo ti ngiꞌni wan chaꞌ suꞌwe loꞌo neꞌ.

EL APOCALIPSIS 8:4

Lo yaꞌ angajle kanꞌ nu nduun tloo Ndiose mdoꞌo sñii ynan nu nchkin niꞌ xkuu kanꞌ bra kanꞌ; suꞌwa mdoꞌo sñii ynan kanꞌ ndyaa seꞌen ndiꞌin Ndiose loꞌo chaꞌ nu nchkwiꞌ nten kanꞌ loꞌo Ni, chaꞌ ngwañaꞌan ngiꞌni tnun nten kanꞌ ꞌin Ndiose bra kanꞌ.