HEBREOS 8:2 - Chatino Zona Alta Occidental

² Kti ꞌa seꞌen lka, kwiꞌ Ndiose ngwiñan seꞌen nu ngiꞌni Jesús tñan ni; siꞌi nten chalyuu nu ngwiñan ꞌin ran, chaꞌ lka ran sa ñaꞌan nu ngwa tiꞌ Ndiose chaꞌ ka ran.

HEBREOS 8:2 ပူးပေါင်းရင်းမြစ်များ

SAN LUCAS 24:44

Bra ti ykwiꞌ yu loꞌo neꞌ bra kanꞌ: ―Chaꞌ nu tka ngwa ti ꞌñaǎn, kanꞌ lka chaꞌ nu wa ytsaǎnꞌ ꞌwan bra nu ti mdiꞌiǐn loꞌo wan ti ngwa xkanꞌ ―ndukwin yu―. Bra kanꞌ niǐn ꞌwan chaꞌ ndiꞌin chaꞌ ka ꞌñaǎn nchga chaꞌ nu ndukwa chaꞌ ꞌñaǎn lo kityi nu ngwaꞌan ayman Moisés, loꞌo lo kityi nu ngwaꞌan ayman nu ykwiꞌ chaꞌ ꞌin Ndiose loꞌo nten nu ngwa sꞌni, loꞌo lo kityi Salmos ndukwa chaꞌ kanꞌ.

ROMANOS 15:8

Wa yan Krixtu chaꞌ kulaa yu ꞌin neꞌ judío, ti kwiꞌ ti chaꞌ nu ykwiꞌ Ndiose sꞌni loꞌo ayman kula ꞌwa chaꞌ ka; ngwañaꞌan ka biyaꞌ tianꞌ chaꞌ ñi ꞌa chaꞌ nu ykwiꞌ Ni loꞌo ayman kula kanꞌ.

2 CORINTIOS 5:1

Jlyo tianꞌ chaꞌ ñaꞌan tiꞌ ska naꞌan kuxi ti, kwiꞌ ngwañaꞌan nchka kunaanꞌ; bra nu kajaan, tsaa tii kunaanꞌ siyaꞌ ti bra kanꞌ. Loꞌo wa yꞌni xuꞌwe Ndiose xka naꞌan nu kaja ꞌñaan, xka chaꞌ lka kanꞌ; Ndiose xaꞌan tyukwi ñaꞌaan, loꞌo ja tsaa tii ꞌa chaꞌ ꞌñaan siyaꞌ ti bra kanꞌ. Nde seꞌen ndiꞌin Ndiose lka chaꞌ kanꞌ, siꞌi nten chalyuu nu kwiñan naꞌan kanꞌ.

COLOSENSES 2:11

Kwiꞌ ngwañaꞌan, chabiyaꞌ ꞌin Krixtu wa nkwan wan; loꞌo siꞌi chaꞌ msiꞌyu lo kijin wan bra nu nkwan wan sa ñaꞌan nu ngiꞌni neꞌ judío loꞌo sñiꞌ, ti kwiꞌ Krixtu nkwan ꞌwan bra nu wa yꞌni tyii Ni kiꞌya nu ndiꞌin ꞌwan chaꞌ lka wan nten chalyuu.

HEBREOS 10:11

Sti joꞌo ꞌin neꞌ judío ni, nchga tsan ndiꞌin neꞌ kanꞌ ngiꞌni neꞌ tñan chaꞌ nxtya neꞌ ti kwiꞌ taꞌa lomstan lo msaa nu kti tloo Ndiose, ni siya tyun yaꞌ ska yijan; loꞌo ja ya tyii chaꞌ nxtya neꞌ lomstan kanꞌ, chaꞌ ja ka ꞌa katin kiꞌya nu ndiꞌin ꞌin nten loꞌo lomstan kanꞌ.

HEBREOS 10:21

Wa ndiꞌin chaꞌ ꞌñaan loꞌo Jesús ni, kanꞌ nu nka xꞌnan sti joꞌo chaꞌ ꞌñaan. Loꞌo Jesús, nka Ni ndloo ꞌin nchga nan ꞌin Ndiose Sti Ni.

HEBREOS 11:10

Yaa ñaꞌan tiꞌ Abraham chaꞌ nde loo la kuꞌni xuꞌwe Ndiose xka seꞌen suꞌwe la seꞌen tyiꞌin yu, nu ja tsaa tii ꞌa siyaꞌ ti ꞌin yu; kwiñan Ndiose ñaꞌaan kichen la kanꞌ.

HEBREOS 9:1

Nchga chaꞌ kula nu ykwiꞌ Ndiose loꞌo neꞌ Israel nu ngwa sꞌni, kanꞌ nu ytsaꞌ ꞌin neꞌ sa ñaꞌan kuꞌni tnun neꞌ ꞌin Ndiose. Loꞌo ngwañaꞌan, wa yuꞌwi ska naꞌan nu kti ꞌin neꞌ, seꞌen yuꞌni tnun neꞌ kanꞌ ꞌin Ni, ni siya nten chalyuu ti ngwiñan naꞌan kanꞌ;

EL APOCALIPSIS 21:3

Kanꞌ nu ynaǎn ykwiꞌ ska nu nduun kwiꞌ seꞌen ti seꞌen ndiꞌin Ndiose nde niꞌ kwan. Kwen ꞌa ykwiꞌ yu bra kanꞌ: ―Bra nu ni wa ndiꞌin Ndiose kwiꞌ seꞌen ndiꞌin nten nu wa msñi chaꞌ ꞌin Ni lo chalyuu. Tyiꞌin Ndiose seꞌen ndiꞌin nten ꞌin Ni bra kanꞌ; kwiꞌ ngwañaꞌan, ka neꞌ kanꞌ chaꞌ ꞌin Ni, ka Ni ndloo la ꞌin neꞌ kanꞌ bra kanꞌ.