HEBREOS 7:2 - Chatino Zona Alta Occidental

² Kanꞌ chaꞌ msuꞌwe Abraham nchga nan nu ndiꞌin ꞌin yu, nu mjwi ꞌin yu xiyaꞌ, ti kwiꞌ nan nu wa yꞌni neꞌ xaꞌan kanꞌ kunan; la mdaꞌa tii yuꞌwe nchga nan kanꞌ, kanꞌ mda yu ska yuꞌwe ꞌin yu kula Melquisedec kanꞌ. Nde ñaꞌan ndyoꞌo chaꞌ Melquisedec kanꞌ: Xꞌnan kichen nu ñi ꞌa ngiꞌni biyaꞌ ska chaꞌ, ngwañaꞌan ndyoꞌo chaꞌ kanꞌ chaꞌtñan. Chaꞌ xꞌnan kichen Salem ngwa yu kula kanꞌ, kanꞌ chaꞌ ka chkwianꞌ: Tiin ti ndiꞌin neꞌ kichen chabiyaꞌ ꞌin xꞌnan neꞌ, chaꞌ ngwañaꞌan ndyoꞌo chaꞌ Salem chaꞌtñan.

HEBREOS 7:2 ပူးပေါင်းရင်းမြစ်များ

SAN MATEO 1:23

Ka tnan ska nu kunaꞌan kuneꞌ nu ti ji xuꞌwi kiꞌyu ꞌin, loꞌo bra kanꞌ tyiꞌin ska kuwiꞌ kiꞌyu ꞌin; Emanuel chkwiꞌ neꞌ ꞌin kuwiꞌ kanꞌ. Ngwañaꞌan ndukwa chaꞌ lo kityi, kanꞌ chaꞌ ngwañaꞌan ngwa ꞌin Liya bra kanꞌ. Nu nchkwiꞌ neꞌ Emanuel ni, nde lka chaꞌ kanꞌ chaꞌtñan: Suꞌwa ndiꞌin Ndiose loꞌoan.

SAN LUCAS 2:14

¡Lye ꞌa kuꞌni tnuan ꞌin Ndiose, loꞌo nde niꞌ kwan seꞌen ndiꞌin Ni, loꞌo lo chalyuu! ¡Tlyu ꞌa chaꞌ ndiꞌin ꞌin Ni!, ndukwin angajle kanꞌ bra kanꞌ. Kuꞌni chaꞌ tiin ti tyiꞌin nten chalyuu chaꞌ nu ka biyaꞌ tiꞌ neꞌ chaꞌ suꞌwe ꞌa nka tiye Ndiose ñaꞌan Ni ꞌin nten, ndukwin angajle bra kanꞌ.

ROMANOS 3:26

Ngwañaꞌan ngwaꞌu Jesús ꞌñaan chaꞌ ñi ꞌa ngiꞌni Ndiose; kwiꞌ ngwañaꞌan ka kuꞌni luwi Ni kasiya ꞌin nchga nten, si xlyaa neꞌ xñi neꞌ chaꞌ ꞌin Jesús.

HEBREOS 7:1

Ayman Melquisedec kanꞌ ni, xꞌnan kichen Salem ngwa yu kula kanꞌ; chaꞌ ꞌin Ndiose nu nka ndloo la ti ngwa yu kula sti joꞌo, kanꞌ tñan ngwa yu kula kanꞌ. Nu ngwa bra kanꞌ, wa mdoꞌo ñaꞌan ayman Abraham ꞌin tyun ree xaꞌan, chaꞌ msuun yu loꞌo neꞌ kanꞌ, yjwi yu ꞌin neꞌ xaꞌan kanꞌ bra kanꞌ. Tuwiin nu ndyaan yu, mdoꞌo Melquisedec ndyaa tuꞌwa tuwiin chaꞌ tyukwa taꞌa yu kula kanꞌ loꞌo Abraham bra kanꞌ; nkwan Melquisedec ꞌin yu chabiyaꞌ ꞌin Ndiose bra kanꞌ.

HEBREOS 7:3

Ja nchkwiꞌ kityi sa ñaꞌan ngwa naan sti jyaꞌan Melquisedec kanꞌ, kwiꞌ ngwañaꞌan, ja ska chaꞌ ndukwa lo kityi chaꞌ ꞌin ayman ꞌin yu kula kanꞌ; ja nchkwiꞌ ni tyempu ngula, ni tyempu ngujwi yu kula kanꞌ. Ñaꞌan tiꞌ Melquisedec, kwiꞌ ngwañaꞌan lka Jesús, chaꞌ nchga tyempu lka Ni sti joꞌo chaꞌ ꞌñaan; loꞌo Jesús ni, lka Ni ska ti nu lka Sñiꞌ ykwiꞌ Ndiose.