HEBREOS 7:10 - Chatino Zona Alta Occidental

¹⁰ Bra nu ndyukwa taꞌa Melquisedec loꞌo Abraham, mda Abraham lomstan ꞌin yu kula kanꞌ, kanꞌ chaꞌ ngwañaꞌan ngwa, ñaꞌan tiꞌ si loꞌo Leví mda lomstan bra kanꞌ, chunꞌ Abraham ngwa ayman ꞌin yu, chaꞌ sñiꞌ steꞌ Abraham ngwa sti Leví kanꞌ.

HEBREOS 7:10 ပူးပေါင်းရင်းမြစ်များ

HEBREOS 5:6

Loꞌo ndukwa xka chaꞌ lo kityi kula nu ykwiꞌ Ndiose: Nchga tyempu nuꞌwin kaa sti joꞌo siyaꞌ ti; sa ñaꞌan nu yꞌni ayman Melquisedec nu ngwa ti sꞌni, kwiꞌ ngwañaꞌan kuꞌni nuꞌwin chaꞌ ꞌin nten chalyuu ni.

HEBREOS 7:11

Sti joꞌo nu yan lo chalyuu chunꞌ ndiꞌin la, ti kwiꞌ taꞌa ayman Leví ngwa yu kanꞌ bra kanꞌ. Ñi ꞌa ngwaꞌu yu ꞌin neꞌ Israel chaꞌ kuꞌni neꞌ nchga tñan nu ngulo Ndiose ꞌin neꞌ. Loꞌo ja mdalo sti joꞌo kanꞌ kuꞌni yu tyukwi tñan kanꞌ, kanꞌ chaꞌ ni, wa yan xka nu lka sti joꞌo chaꞌ ꞌñaan. Ja lka Ni sti joꞌo sa ñaꞌan ngwa ayman Aarón loꞌo nchga taꞌa sti joꞌo yu, wa lka Ni ska sti joꞌo nu xka ñaꞌan tñan ngiꞌni; ngiꞌni Ni sa ñaꞌan tñan nu yꞌni ayman Melquisedec nu ngwa sꞌni.

HEBREOS 7:5

Nde loo la chinꞌ, ska loo ti nten taꞌa ayman Leví ngwa sti joꞌo; kanꞌ ti nten ngwa nu mda Ndiose chabiyaꞌ ꞌin chaꞌ xñi lomstan nu mda neꞌ Israel ꞌin Ndiose. Ti kwiꞌ nten taꞌa Abraham nu yan chalyuu nde loo la ngwa sti joꞌo kanꞌ. (Lomstan kanꞌ lka ska yuꞌwe la mdaꞌa tii yuꞌwe nchga chaꞌ suꞌwe nu ndiꞌin ꞌin nten.)

HEBREOS 7:9

Ka chkwianꞌ chaꞌ loꞌo ayman Leví mda lomstan ꞌin Melquisedec tsan kanꞌ, ni siya chunꞌ ndiꞌin la yan Leví lo chalyuu. Ti kwiꞌ ayman Leví loꞌo nchga sñiꞌ yu nu yan nde loo la ngwa sti joꞌo, kwiꞌ nu nxñi lomstan nu nda nten chalyuu ꞌin Ndiose.