HEBREOS 5:13 - Chatino Zona Alta Occidental

¹³ Kuwiꞌ nu ti ngatiꞌ ni, kuneꞌ ꞌa neꞌ; kwiꞌ ngwañaꞌan lka wan, chaꞌ ja ya ka jlyo tiꞌ wan siyaꞌ ti sa ñaꞌan chaꞌ suꞌwe nu ndiꞌin chaꞌ kuꞌni wan, xa nu ngwa suꞌwe niꞌ kasiya ꞌwan chaꞌ ꞌin Ndiose.

HEBREOS 5:13 ပူးပေါင်းရင်းမြစ်များ

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

SAN MARCOS 10:15

Chañi chaꞌ nu nchkwiǐnꞌ ―ndukwin―, chaꞌ ja ka sten nten chaꞌ ꞌin Ndiose chaꞌ ka Ni ndloo niꞌ kasiya ꞌin neꞌ si nu ja ya tsaa ñaꞌan tiꞌ neꞌ tyukwi ti tiye neꞌ ꞌin Ni, sa ñaꞌan nu ndyaa ñaꞌan tiꞌ nu xuwe tyukwi ti tiye neꞌ ꞌin sti neꞌ.

ROMANOS 2:20

nxkeꞌ tiꞌ wan chaꞌ nchka ꞌwan kwaꞌu ñi wan ꞌin nten nu ja nnan suꞌwe, chaꞌ nu mnaꞌ chaꞌ tiya ꞌin neꞌ, ndukwin wan; nxkeꞌ tiꞌ wan chaꞌ ka ꞌwan ka wan mstru ꞌin nten nu ja ya kuꞌni xaꞌan siyaꞌ ti. Nxkeꞌ tiꞌ wan chaꞌ ka kuꞌni wan ngwañaꞌan, chunꞌ ndyaa ñaꞌan ꞌa tiꞌ wan chaꞌ nu ngwaꞌan ayman Moisés kanꞌ; laja chaꞌ kanꞌ ndukwa nchga chaꞌ nu ka jlyo tianꞌ, nchga chaꞌ nu ñi nu nsuꞌwi lo chalyuu, nxkeꞌ tiꞌ wan.

1 CORINTIOS 13:11

Bra nu ti kuneanꞌ, xkwiꞌ tñan nu ngiꞌni nu kuneꞌ yꞌnian; sa ñaꞌan nu ndaꞌan chaꞌ tiye ska nu kuneꞌ, ngwañaꞌan ykwianꞌ bra kanꞌ, ngwañaꞌan mdaꞌan chaꞌ tiyeen, ngwañaꞌan mskeꞌ tianꞌ. Xa wa kulaan, bra kanꞌ ja ndaꞌan ꞌa chaꞌ tiyean sa ñaꞌan nu ndaꞌan chaꞌ tiye ska nu kuneꞌ.

1 CORINTIOS 14:20

ꞌWan taꞌa msñian chaꞌ ꞌin Krixtu, suꞌwe la si ja jlyo tiꞌ wan siyaꞌ ti nan ka lka ska chaꞌ kuxi, ñaꞌan tiꞌ ska nu xuwe nu ja ya ka jlyo tiꞌ chaꞌ kuxi. Loꞌo ni, ndiꞌin chaꞌ tyaꞌan suꞌwe la chaꞌ tiye wan, sa ñaꞌan ndaꞌan chaꞌ tiye ska yu kula, siꞌi sa ñaꞌan nu ndaꞌan chaꞌ tiye ska nu xuwe.

1 CORINTIOS 3:1

ꞌWan taꞌa msñian chaꞌ ꞌin Ndiose, tyukwi tyempu nu mdiꞌiǐn kichen tyi wan nu ngwa sꞌni, ja ngwa chkwiǐnꞌ nchga chaꞌ nu ngwa tiǎnꞌ chkwiǐnꞌ loꞌo wan, chaꞌ ti ji xñi suꞌwe wan chaꞌ ꞌin Tyiꞌi Ndiose nu ytsaꞌ Ni ꞌñaan. Chinꞌ ti chaꞌ ykwiǐnꞌ loꞌo wan bra kanꞌ, chaꞌ ñaꞌan ti ndaꞌan chaꞌ kuxi tiye wan. Sa ñaꞌan lka nu xuwe kuneꞌ, ngwañaꞌan ngwa wan, chaꞌ ti ji xñi suꞌwe wan chaꞌ ꞌin Krixtu;

2 CORINTIOS 3:9

Tñan nu ndlo chaꞌ kula kanꞌ ni, kanꞌ ngiꞌni chaꞌ ka biyaꞌ tianꞌ kiꞌya nu ndiꞌin ꞌñaan; loꞌo ndiꞌin chaꞌ tyijian nu tiꞌí bra kanꞌ, ni siya luwi ꞌa xaa nu ngwa seꞌen ndukwa kiyaꞌ chaꞌ kula kanꞌ. Kanꞌ chaꞌ ni, ¡tnun la ti chaꞌ nu ꞌin ykwiꞌ Jesús, kwiꞌ nu ngiꞌni chaꞌ nchka luwi kasiya ꞌñaan chaꞌ ꞌin Ndiose!

EFESIOS 4:14

Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.

2 TIMOTEO 3:16

Ndiose yꞌni chaꞌ mbiꞌya chaꞌ kanꞌ ke nten chalyuu, chaꞌ ngwaꞌan neꞌ xkwiꞌ chaꞌ ꞌin Ni lo kityi kanꞌ, kanꞌ chaꞌ suꞌwe ꞌa si ti kwaꞌuun laan chaꞌ nu ndukwa lo kityi kanꞌ ꞌin nten, chaꞌ ka biyaꞌ tiꞌ neꞌ nchga chaꞌ ꞌin Ndiose. Kanꞌ nu ka tukunꞌ chaꞌ ꞌin neꞌ chaꞌ ja kuꞌni ꞌa neꞌ chaꞌ kuxi. Loꞌo nduꞌu kityi kanꞌ ꞌñaan sa ñaꞌan ka xñiin suꞌween laan chaꞌ ꞌin Ndiose, nduꞌu ran ꞌñaan ni ñaꞌan kuꞌni xaꞌaan chaꞌ xkwiꞌ chaꞌ suꞌwe kuꞌnian.

1 SAN PEDRO 2:2

Ñaꞌan tiꞌ ska kuwiꞌ kuneꞌ nu tka ngula ti, ngwañaꞌan lka wan chaꞌ ꞌin Ndiose, chaꞌ nu ngwa xkanꞌ ti msñi wan chaꞌ ꞌin Ni. Taꞌa ti ngatiꞌ kuwiꞌ kuneꞌ chaꞌ ngiteꞌ ꞌa tiꞌ; si ja katiꞌ taꞌa ti, ja kaluu ꞌa yu. Kwiꞌ ngwañaꞌan ꞌwan, suꞌwe la si lye kuꞌni wan tñan chaꞌ kuꞌni xaꞌan la wan chaꞌ ꞌin Ndiose, chaꞌ ñaꞌan tiꞌ styiꞌ, ngwañaꞌan lka chaꞌ ꞌin Ndiose chaꞌ ꞌwan. Ngiꞌni ran chaꞌ ka ngula la tiꞌ niꞌ kasiya ꞌwan, chaꞌ ka tyoꞌo laa wan ꞌin chaꞌ kuxi.

2 SAN JUAN 1:11

Si nu chkwianꞌ loꞌo nten kanꞌ, sa ñaꞌan lka si ngwa suꞌwa chaꞌ ꞌñaan loꞌo neꞌ kanꞌ, loꞌo chaꞌ kuxi nu ngiꞌni neꞌ, ngwañaꞌan ndyoꞌo chaꞌ kanꞌ.