HEBREOS 2:4 - Chatino Zona Alta Occidental

⁴ Kwiꞌ ngwañaꞌan, yꞌni Ndiose tñan chaꞌ ka biyaꞌ tianꞌ chaꞌ chañi ꞌa chaꞌ nu ykwiꞌ neꞌ kanꞌ, xa wa yꞌni Ni kaꞌan ꞌa chaꞌ tnun seꞌen ndiꞌian chaꞌ ñaꞌaan ꞌin ran. Tyun ꞌa chaꞌ tnun nu ja ka kuꞌni nten chalyuu yꞌni Ni bra kanꞌ, chaꞌ kuwe tianꞌ ꞌin Ndiose bra nu ñaꞌaan chaꞌ tnun kanꞌ bra kanꞌ. Loꞌo msuꞌwa Ndiose Tyiꞌi ykwiꞌ Ni chaꞌ kanun niꞌ kasiya ꞌñaan taꞌaan, sa ñaꞌan nka tiye Ni chaꞌ ta Ni ꞌñaan; kanꞌ chaꞌ nchka ꞌñaan kuꞌnian tyun loo tñan chaꞌ ꞌin Ndiose, nu ja nchka kuꞌni nten, ti ykwiꞌ ti neꞌ.

HEBREOS 2:4 ပူးပေါင်းရင်းမြစ်များ

SAN MARCOS 16:20

Loꞌo mdoꞌo neꞌ nu wa yꞌni xaꞌan chaꞌ ꞌin Jesús ndyaa neꞌ bra kanꞌ, nchga kichen ykwiꞌ neꞌ chaꞌ ꞌin Ni loꞌo nten. Lye ꞌa mdayaꞌ Xꞌnaan ꞌin neꞌ, chaꞌ ngwa biyaꞌ suꞌwe tiꞌ nten nchga kichen seꞌen ndyaa neꞌ kanꞌ, chaꞌ chañi ꞌa chaꞌ ꞌin Ndiose nu ngwaꞌu neꞌ; ngwa biyaꞌ tiꞌ nten kichen kanꞌ xa nu naꞌan neꞌ chaꞌ tnun nu yꞌni neꞌ kanꞌ chabiyaꞌ ꞌin Ndiose. Ngwañaꞌan ka chaꞌ.

SAN MARCOS 6:14

Loꞌo wa ynan ree Herodes ꞌin chaꞌ tnun nu wa yꞌni Jesús bra kanꞌ; nchga kichen ynen chaꞌ kanꞌ, chaꞌ skaa chaꞌ ykwiꞌ skaa nten ꞌin Jesús. Nde lka chaꞌ nu mskeꞌ tiꞌ ree kanꞌ: ―Ayman Xuwa nu mdukwatya ꞌin nten nu ngwa sꞌni, kanꞌ lka Jesús re ―ndukwin Herodes kanꞌ―. Wa yjwiǐn ꞌin Xuwa kanꞌ, loꞌo ni, wa ndyuꞌu yu xiyaꞌ, kanꞌ chaꞌ nchka ꞌin kuꞌni chaꞌ tnun nu ngwañaꞌan ―ndukwin ree.

SAN JUAN 15:26

’Chunꞌ ndiꞌin la suꞌwaǎn nu lka Tyiꞌi Ndiose chaꞌ kan Ni lo chalyuu, Tyiꞌi Ni ykwiꞌ, nu mdoꞌo seꞌen ndiꞌin Ndiose nde niꞌ kwan ―ndukwin Jesús―. Kanꞌ lka nu kwaꞌu ꞌwan nchga chaꞌ nu ñi, kanꞌ lka nu tayaꞌ ꞌwan nchga bra chabiyaꞌ ꞌñaǎn. Bra nu kan Ni kanꞌ lo chalyuu, bra kanꞌ kwaꞌu Ni nchga chaꞌ nu ñi ꞌwan, nchga chaꞌ nu nsuꞌwi ꞌñaǎn ―ndukwin Jesús―.

SAN JUAN 4:48

―¿Ni ñaꞌan bra tsaa ñaꞌan tiꞌ wan ꞌin Ndiose a? ―ndukwin Jesús ꞌin yu kula kanꞌ bra kanꞌ―. Jlyo tiǎnꞌ chaꞌ ja tsaa ñaꞌan tiꞌ wan ꞌin Ndiose chaꞌ ka kuꞌni Ni nchga tñan, ni siya kuꞌniǐn ska chaꞌ tnun chaꞌ ñaꞌan kwiꞌya wan ꞌin ran.

LOS HECHOS 14:3

Xꞌni nganun Palyu loꞌo Bernabé kichen kanꞌ, chaꞌ ja ytsen neꞌ kwaꞌu neꞌ chaꞌ ꞌin Xꞌnaan ꞌin neꞌ kichen kanꞌ. Kwiꞌ ngwañaꞌan yꞌni Palyu loꞌo Bernabé chaꞌ tnun chabiyaꞌ ꞌin Ndiose, kanꞌ chaꞌ ngwa biyaꞌ tiꞌ neꞌ kichen chaꞌ xkwiꞌ chaꞌ nu ñi ngwaꞌu neꞌ kanꞌ ꞌin neꞌ.

LOS HECHOS 4:10

Kunan suꞌwe wan chinꞌ sikwa. Chkwiǐnꞌ ska chaꞌ loꞌo wan loꞌo nchga nten lo yuu re, chaꞌ Jesucristo lka nu yꞌni chaꞌ nchkaa yu tiꞌí re. Ti kwiꞌ Jesús Nazaret nu yjwi wan lo wsi, kanꞌ lka nu yꞌni Ndiose chaꞌ ndyuꞌu xiyaꞌ xa wa ngujwi. Loꞌo Jesús kanꞌ mda chabiyaꞌ chaꞌ nchkaa yu re, kanꞌ chaꞌ nduun suꞌwe ti yu re ni.

LOS HECHOS 5:32

Chañi chaꞌ nu ykwiꞌ ba loꞌo wan chaꞌ wa mdaꞌan ba loꞌo Jesús kanꞌ. Wa mda Ndiose Tyiꞌi Ni chaꞌ kanun niꞌ kasiya ꞌin nchga nten nu kuꞌni tñan nu ndlo Ni ꞌin neꞌ. Kwiꞌ ngwañaꞌan ngiꞌni Tyiꞌi Ndiose chaꞌ ka jlyo tiꞌ ba chaꞌ chañi lka chaꞌ ꞌin Jesucristo nu nduꞌu ba ꞌin nchga nten.

EFESIOS 1:5

Suꞌwe ꞌa nka tiye Ndiose ñaꞌan Ni ꞌñaan, kanꞌ chaꞌ ti bra kanꞌ, ngwa tiꞌ Ni chaꞌ xñian chaꞌ ꞌin Ni, sa ñaꞌan si lkaan sñiꞌ Ni chabiyaꞌ ꞌin Jesucristo.

EFESIOS 1:9

Sa ñaꞌan nu ngwiꞌya chaꞌ ke Ni ti sꞌni, ngwañaꞌan yꞌni Ni bra kanꞌ; ni siya ja ytsaꞌ Ni ꞌin nten chalyuu nu ngwa sꞌni sa ñaꞌan ndiꞌin chaꞌ kanꞌ, ti bra kanꞌ ngwa tiꞌ Ni chaꞌ kala Krixtu lo chalyuu re. Loꞌo ni, wa ngwa biyaꞌ suꞌwe tianꞌ sa ñaꞌan nu ngwa tiꞌ Ndiose chaꞌ kuꞌni Ni xa nu yan Krixtu;

EFESIOS 4:7

Wa nda Ni ska tñan ꞌin Ni chaꞌ kuꞌnian kwenta skaan; sa ñaꞌan nu yꞌni Krixtu chaꞌ kaan kwenta skaan, ngwañaꞌan ka kuꞌnian tñan kanꞌ.

HEBREOS 6:4

Ja kaja ñaꞌan kuꞌnian loꞌo nten nu mdoꞌo ntan ꞌin chaꞌ kanꞌ siyaꞌ ti. Wa jlyo tiꞌ neꞌ kanꞌ sa ñaꞌan ngwa bra wa yten xaa ꞌin Ndiose niꞌ kasiya ꞌin neꞌ. Kwiꞌ ngwañaꞌan, wa jlyo tiꞌ neꞌ kanꞌ chaꞌ suꞌwe ꞌa nchga chaꞌ nu nda Ndiose ꞌin neꞌ. Loꞌo neꞌ kanꞌ, wa yꞌni Tyiꞌi Ndiose tñan niꞌ kasiya ꞌin neꞌ.