HEBREOS 2:15 - Chatino Zona Alta Occidental

¹⁵ Kanꞌ chaꞌ nchka ꞌin Ni kulaa Ni ꞌin nchga nten nu ntsen ꞌa chaꞌ kaja; nchga tsan nu ndijyan neꞌ lo chalyuu, kuxi ti ndiꞌin neꞌ, tiꞌí ꞌa tñan ꞌin neꞌ, nxkeꞌ tiꞌ neꞌ, chaꞌ xkwiꞌ ntsen ꞌa neꞌ kaja neꞌ. Ngwañaꞌan yꞌni tyii Jesús chaꞌ ntsen nten, yꞌni Ni chaꞌ suꞌwe ti tyiꞌin nten ni.

HEBREOS 2:15 ပူးပေါင်းရင်းမြစ်များ

ROMANOS 8:15

Mda Ndiose Tyiꞌi ykwiꞌ Ni ꞌwan, chaꞌ kuꞌni Tyiꞌi Ni chaꞌ ka wan sñiꞌ Ni; kuꞌni Ni chaꞌ ka chkwianꞌ loꞌo Ndiose: “¡Sti ba!” ngwañaꞌan chkwianꞌ loꞌo Ni. Loꞌo siꞌi chaꞌ xaꞌan kuꞌni Tyiꞌi Ni bra nu kulo Ni tñan ꞌwan, siꞌi nan xitsen Ni ꞌwan sa ñaꞌan nu ytsen wan nu ngwa sꞌni, siꞌi ngwañaꞌan ngiꞌni Tyiꞌi Ni.

ROMANOS 8:21

chaꞌ wa tiya ti ska tsan nu tyii nchga chaꞌ kuxi nu ngiꞌni ñuꞌun chalyuu, nchga chaꞌ xaꞌan nu nka ndloo la ꞌñaan. Loꞌo kanꞌ suꞌwe ꞌa ka nchga lo nan nu ngwiñan Ni lo chalyuu, chaꞌ suꞌwa ti kulaa Ni ꞌin nan kanꞌ loꞌo ꞌñaan nu lkaan sñiꞌ Ndiose.

2 CORINTIOS 1:10

Wa ngulaa Ndiose ꞌwa bra kanꞌ, ja ngujwi ba, ni siya kuxi ꞌa ngwa chaꞌ bra kanꞌ; loꞌo ngwañaꞌan, ti kulaa la Ni ꞌwa nde loo la. Wa msñi ba chaꞌ ꞌin Ndiose, kanꞌ chaꞌ ndyaa ñaꞌan tiꞌ ba ꞌin Ni, chaꞌ ñaꞌan ti kulaa Ni ꞌwa.

GÁLATAS 4:21

ꞌWan, nu nchka tiꞌ wan sten yuꞌwi wan loꞌo lee kula kanꞌ ti, suꞌwe sikwa. ¿Ja ya kunan wan chaꞌ re, nu nchkwiꞌ sa ñaꞌan ngwa ꞌin Abraham a?

2 TIMOTEO 1:7

Ja nchka tiꞌ Ndiose chaꞌ kutsean; kanꞌ chaꞌ nda Ni Tyiꞌi ykwiꞌ Ni chaꞌ kanun niꞌ kasiya ꞌñaan, chaꞌ ka ngula la tianꞌ niꞌ kasiya ꞌñaan, chaꞌ suꞌwe ti xuꞌwi tiyean ñaꞌaan ꞌin taꞌa ntean, chaꞌ ka kuꞌnian nchga tñan nu nchka tiꞌ Ni chaꞌ kuꞌnian nchga tsan.

HEBREOS 2:16

Ja yan Jesús lo chalyuu chaꞌ tayaꞌ yu ꞌin angajle ꞌin Ni nde niꞌ kwan; chaꞌ ꞌñaan re nu nkaan nten chalyuu, kanꞌ chaꞌ mdiyan Jesús, chaꞌ suꞌwa yaꞌ Ni ꞌñaan, nka tiye Ni, chaꞌ taꞌaan lkaan nten ꞌin ayman Abraham, ni siya chunꞌ ndiꞌin la chinꞌ ndijyaan lo chalyuu.