HEBREOS 13:10 - Chatino Zona Alta Occidental

¹⁰ Xka ñaꞌan yꞌni Krixtu bra nu ngujwi yu lo wsi, chaꞌ ngwa yu lomstan chaꞌ katin kiꞌya nu ndukwian tloo Ndiose, chaꞌ tnun la siyaꞌ ti tñan nu yꞌni Krixtu ke lomstan nu nxtya sti joꞌo kula ꞌin neꞌ judío. Kanꞌ chaꞌ nchga nten nu ti ndyaa ñaꞌan ꞌa tiꞌ ꞌin sti joꞌo kula kanꞌ, ja ka tyiꞌin suꞌwe neꞌ kanꞌ loꞌo Krixtu.

HEBREOS 13:10 ပူးပေါင်းရင်းမြစ်များ

1 CORINTIOS 10:20

Nde ñaꞌan lka chaꞌ bra nu ngiꞌni tnun neꞌ ꞌin joꞌo kanꞌ, siꞌi ꞌin Ndiose ngiꞌni tnun neꞌ kanꞌ; ngiꞌni tnun neꞌ ꞌin tyun lo kwiꞌin xaꞌan bra nu ngiꞌni neꞌ ngwañaꞌan. Loꞌo ꞌwan ni, ja suꞌwe ka suꞌwa chaꞌ ꞌwan loꞌo kwiꞌin xaꞌan kanꞌ.

1 CORINTIOS 9:13

Ja chan wa jlyo tiꞌ wan sa ñaꞌan nu nchka ꞌin nchga nten nu nka tñan niꞌ lyaa tlyu ꞌin neꞌ judío. ¿Ta siꞌi ti kwiꞌ niꞌ lyaa kanꞌ ndyiji nan nchku neꞌ kanꞌ a? Ndyiji nan ku sti joꞌo niꞌ lyaa kanꞌ nu sa kuꞌ ti nxñi lomstan nu ndaꞌan loꞌo neꞌ niꞌ lyaa, chaꞌ tikin ji neꞌ ꞌin ran lo msaa ꞌin Ndiose; sa yuꞌwe ti lomstan kanꞌ kaja ꞌin sti joꞌo kanꞌ, chaꞌ ku yu.

HEBREOS 8:5

Xka ta sti joꞌo kanꞌ, chaꞌ lka neꞌ kanꞌ nten, kanꞌ chaꞌ ndiꞌin chaꞌ tsaa tii chaꞌ ꞌin neꞌ; wa lka ti tñan ngiꞌni neꞌ, ja nchka neꞌ lye. Chunꞌ tñan nu ngiꞌni neꞌ kanꞌ ka jlyo tianꞌ chaꞌ suꞌwe la ti sti joꞌo lka Jesús, kwiꞌ nu ndukwa seꞌen ndiꞌin Ndiose nde niꞌ kwan. Loꞌo laa teꞌ naꞌan nu ngwiñan ayman Moisés seꞌen yꞌni tnun ayman ꞌñaan ꞌin Ndiose nu ngwa ti sꞌni, ndiya ska chaꞌ nu ykwiꞌ Ni loꞌo yu kula kanꞌ, chaꞌ ꞌin laa teꞌ naꞌan kanꞌ: “Xñi wan kwenta chaꞌ kwiñan wan ska laa teꞌ naꞌan re sa ñaꞌan nu ngwaꞌuǔn ꞌwan bra nu mduǔn ykwiǐnꞌ loꞌo wan lo kiꞌya kwan kanꞌ” ndukwin Ni ꞌin Moisés. Ska nkwin ti ngwa chaꞌ kanꞌ, ska nan nu mtin bra ti, loꞌo suꞌwe la ti seꞌen ndukwa Jesús nde niꞌ kwan ni.