HEBREOS 11:5 - Chatino Zona Alta Occidental

⁵ Yaa ñaꞌan tiꞌ ayman Enoc ꞌin Ndiose, kanꞌ chaꞌ ja ngujwi yu. Ngwa ti ñaꞌan ndyaa loꞌo Ndiose ꞌin yu nde seꞌen ndiꞌin Ni; ja la ꞌa ñaꞌan nten ꞌin yu bra kanꞌ, chaꞌ nu wa yan yꞌya Ndiose ꞌin yu. Nchkwiꞌ kityi chaꞌ ndiya ꞌa tiꞌ Ni sa ñaꞌan nu yꞌni Enoc kanꞌ xa nu mdiꞌin yu lo chalyuu.

HEBREOS 11:5 ပူးပေါင်းရင်းမြစ်များ

SAN LUCAS 2:26

wa yꞌni Ni chaꞌ ka biyaꞌ tiꞌ yu chaꞌ ja kaja yu sa bra nu tiya tsan nu ñaꞌan yu ꞌin nu ka Krixtu, nu suꞌwa Ndiose ꞌin chaꞌ kan lo chalyuu.

SAN LUCAS 3:37

Matusalén ngwa naan sti Lamec kanꞌ; Enoc ngwa naan sti Matusalén kanꞌ; Jared ngwa naan sti Enoc kanꞌ; Mahalaleel ngwa naan sti Jared kanꞌ; loꞌo xka nu naan Cainán ngwa sti Mahalaleel kanꞌ;

1 TESALONICENSES 2:4

Ndiose ytsaꞌ chaꞌ kanꞌ ꞌwa chaꞌ kwaꞌu ba ꞌin nten, kanꞌ chaꞌ nchkwiꞌ ba chaꞌ nu ñi loꞌo nten nchga kichen. Siꞌi nten chalyuu nka Xꞌnaan, Ndiose nka Xꞌnaan; kanꞌ chaꞌ chabiyaꞌ ꞌin Ndiose nduꞌu ba chaꞌ suꞌwe kanꞌ ꞌin nchga wan, chaꞌ jlyo tiꞌ Ni nchga chaꞌ nu nsuꞌwi niꞌ kasiya ꞌwa.

HEBREOS 11:6

Loꞌo ja skaan ka kuꞌniin tlaanꞌ tiye Ndiose, si ja ndyaa ñaꞌan tianꞌ ꞌin Ni. Si nchka tianꞌ chaꞌ chkwianꞌ loꞌo Ni, ndiꞌin chaꞌ tsaa ñaꞌan tianꞌ chaꞌ luꞌu Ni; ndiꞌin chaꞌ tsaa ñaꞌan tianꞌ chaꞌ ka tayaꞌ Ni ꞌñaan nchga bra nu jñaan ska chaꞌ ꞌin Ni.

HEBREOS 2:9

Wa jlyo tianꞌ sa ñaꞌan ngwa ꞌin Jesús nu ngwa bra kanꞌ, chaꞌ chinꞌ ti bra ngwa angajle tnun la ꞌin ykwiꞌ yu. Ngujwi yu lo wsi siꞌya nchga nten chalyuu, chaꞌ xkwiꞌ kaꞌan ꞌa chaꞌ suꞌwe ngiꞌni Ndiose loꞌoan. Loꞌo ngwañaꞌan, nduwe ꞌa tianꞌ sa ñaꞌan nchka ꞌin Ni ni, chaꞌ lye ꞌa ngiꞌni tnun nten ꞌin Ni chaꞌ ngujwi Ni siꞌyaan, chaꞌ wa mdijin ꞌa Ni nu tiꞌí siꞌyaan.

1 SAN JUAN 3:22

Nchga chaꞌ nu jñaan ꞌin Ndiose, kaja ran ꞌñaan si tukwaan tñan nu wa ngulo Ni ꞌñaan, si kuꞌnian tñan nu ndiya la tiꞌ Ni.

SAN JUDAS 1:14

Wa sꞌni ꞌa ykwiꞌ ayman Enoc sa ñaꞌan ka ꞌin neꞌ kwiñi nu kuꞌni ngwañaꞌan. Wa mdaꞌa kati ta nten yan lo chalyuu chunꞌ ndiꞌin la ꞌin ayman Adán, loꞌo kanꞌ ngula Enoc, chaꞌ chkwiꞌ yu chaꞌ ꞌin Ndiose loꞌo nten nu ngwa sꞌni. Nde ñaꞌan ykwiꞌ Enoc kanꞌ: “Wa naꞌaǎn ꞌin ykwiꞌ Xꞌnaan, chaꞌ ndijyan Ni loꞌo tyun ꞌa mi angajle,