HEBREOS 11:14 - Chatino Zona Alta Occidental

¹⁴ Yaa ñaꞌan tiꞌ neꞌ chaꞌ nsuꞌwi ska seꞌen suꞌwe la seꞌen kala neꞌ chunꞌ ndiꞌin la, kanꞌ chaꞌ ngwa tiye neꞌ ngwañaꞌan.

HEBREOS 11:14 ပူးပေါင်းရင်းမြစ်များ

2 CORINTIOS 4:18

Ja nka tiyean ꞌin ska nan nu suꞌwe ñaꞌan ti, chaꞌ ja talo siyaꞌ ti ya ñaꞌan ti nan nu suꞌwe ñaꞌan kanꞌ; nan ndaꞌan naan ska chaꞌ nu ja chkanꞌ ñaꞌaan bra ni, chunꞌ ndiꞌin la ka chkanꞌ chaꞌ kanꞌ, ñaꞌaan ꞌin ran bra kanꞌ. Kanꞌ lka chaꞌ nu ja tsaa tii ꞌa ꞌñaan siyaꞌ ti.

FILIPENSES 1:23

Tyukwaa lo chaꞌ nchka tiǎnꞌ chaꞌ ka ꞌñaǎn sikwa: Nchka ꞌa tiǎnꞌ kulaa tiꞌiǐn chalyuu re, chaꞌ bra kanꞌ ka tyiꞌiǐn loꞌo Krixtu, chaꞌ kanꞌ nu suꞌwe la, nxkeꞌ tiǎnꞌ;

HEBREOS 11:13

Nchga ayman kanꞌ, ti ndyaa ñaꞌan tiꞌ neꞌ ꞌin Ndiose bra nu ngujwi neꞌ, ni siya ja naꞌan neꞌ chaꞌ ngwa nchga chaꞌ nu wa ykwiꞌ Ni chaꞌ ka. Suꞌwe ꞌa nka tiye neꞌ kanꞌ, chaꞌ nu jlyo tiꞌ neꞌ chaꞌ wa laa ndijyan chaꞌ kanꞌ, sa ñaꞌan si sa kunun ti naꞌan neꞌ ꞌin ran. Jlyo tiꞌ neꞌ chaꞌ tijyuꞌ mdoꞌo ykwiꞌ neꞌ ndijyan neꞌ, loꞌo ja nsuꞌwi naꞌan tyi neꞌ lo chalyuu re.

HEBREOS 11:15

Ja ndyaa yuꞌwi ꞌa tiꞌ Abraham loꞌo nten ꞌin yu kichen tyi neꞌ lo yuu tijyuꞌ seꞌen mdoꞌo neꞌ bra kanꞌ, chaꞌ bra ti xiꞌin chunꞌ neꞌ tyaa neꞌ la kanꞌ, si ngwañaꞌan mdaꞌan chaꞌ tiye neꞌ.

HEBREOS 11:16

Loꞌo siꞌi ngwañaꞌan mdaꞌan chaꞌ tiye neꞌ, chaꞌ nu yaa ñaꞌan tiꞌ neꞌ chaꞌ ta Ndiose ska seꞌen suꞌwe la siyaꞌ ti seꞌen tyiꞌin neꞌ; ngwa tiꞌ neꞌ kanꞌ kala neꞌ ti kwiꞌ seꞌen ndiꞌin Ndiose. Kanꞌ chaꞌ ja njyuꞌu tiꞌ Ni chaꞌ nchkwiꞌ neꞌ chaꞌ Ndiose nka Xꞌnan neꞌ; nan wa yꞌni xuꞌwe Ni ska seꞌen tyiꞌin neꞌ nde seꞌen ndiꞌin Ni.

HEBREOS 13:14

Lo chalyuu re ja ndiya seꞌen suꞌwe seꞌen kanuan; xkwiꞌ nan ndiꞌiin taan ñaꞌan bra nu tyaan la xka seꞌen nu suꞌwe la ti, seꞌen tsaan xa wa mdyii chalyuu re.