HEBREOS 10:23 - Chatino Zona Alta Occidental

²³ Kuꞌnian chaꞌ tsaa ñaꞌan suꞌwe tianꞌ chaꞌ nu wa msñian ti kulo sikwa, ja xiꞌin chuanꞌ ꞌin chaꞌ kanꞌ siyaꞌ ti. Ka tsaa ñaꞌan tianꞌ ꞌin Ndiose, chaꞌ chañi kuꞌni Ni nchga chaꞌ nu wa ykwiꞌ Ni loꞌoan.

HEBREOS 10:23 ပူးပေါင်းရင်းမြစ်များ

1 CORINTIOS 1:9

Ndiose ngiꞌni tñan, nchga tñan nu ndukwin Ni chaꞌ kuꞌni Ni; ti kwiꞌ Ni ngulo suwi Ni ꞌwan chaꞌ ka suꞌwa chaꞌ ꞌwan loꞌo Jesucristo nu nka Xꞌnaan, nu lka ska ti Sñiꞌ Ni.

1 CORINTIOS 10:13

Nchga bra nu tyukwa wan ska chaꞌ kuxi, ja kuwe tiꞌ wan bra kanꞌ; ndiya bra nu ngwañaꞌan ndyukwa nchga nten chalyuu chaꞌ kuxi kanꞌ. Ja kuwe tiꞌ wan, ñaꞌan Ndiose ꞌñaan; nchga tñan nu ndukwin Ni chaꞌ kuꞌni Ni chaꞌ ꞌñaan, kuꞌni Ni tñan kanꞌ. Ja ta Ni chabiyaꞌ chaꞌ tyijin lyo ska chaꞌ kuxi ꞌwan sa ñaꞌan yaꞌ nu ja ka kulaa tiꞌin wan ꞌin ran. Ti kwiꞌ bra nu wa kwiñi lyoꞌo ti chaꞌ kuxi kanꞌ ꞌwan, bra kanꞌ suꞌwa yaꞌ Ni ꞌwan chaꞌ ja kuꞌni wan chaꞌ kuxi kanꞌ, loꞌo kanꞌ ka tyoꞌo laa wan ꞌin chaꞌ kuxi kanꞌ.

2 CORINTIOS 9:13

kuꞌni tnun neꞌ ꞌin Ni bra kanꞌ. Kwiꞌ ngwañaꞌan, bra nu ñaꞌan neꞌ ꞌwan, loꞌo ñaꞌan neꞌ tñan nu wa yꞌni wan chaꞌ ta wan chaꞌ suꞌwe ꞌin neꞌ, bra kanꞌ ka biyaꞌ tiꞌ neꞌ chaꞌ chañi chaꞌ ndukwa wan chaꞌ suꞌwe nu wa ykwiꞌ Krixtu loꞌo wan. Kuꞌni tnun neꞌ ꞌin Ndiose bra kanꞌ, chunꞌ suꞌwe ꞌa nka tiye wan nda wan lomstan ꞌin neꞌ kanꞌ, ti kwiꞌ sa ñaꞌan nu nda wan ꞌin nchga nten.

1 TESALONICENSES 5:24

Wa ngulo suwi Ni ꞌwan chaꞌ ka wan nten ꞌin Ni siyaꞌ ti. Loꞌo ja mñi lyoꞌo Ni ꞌwan bra nu ykwiꞌ Ni ngwañaꞌan loꞌo wan; chañi chaꞌ kuꞌni Ni chaꞌ ka luwi kasiya ꞌwan chaꞌ ꞌin Ndiose.

2 TESALONICENSES 3:3

Chañi chaꞌ kuꞌni Xꞌnaan nchga tñan nu ndukwin Ni ꞌñaan, loꞌo kuꞌni Ni chaꞌ ka ngula la tiꞌ niꞌ kasiya ꞌwan, kulaa Ni ꞌwan chaꞌ ja kalaꞌ kuneꞌ xaꞌan ꞌwan.

TITO 1:2

kwiꞌ ngwañaꞌan, ka tyiꞌin ta neꞌ ꞌin chalyuu nu ja tsaa tii ꞌa ꞌñaan bra kanꞌ. Ja kwiñi Ndiose. Sꞌni ꞌa ykwiꞌ Ni chaꞌ kaja chalyuu kanꞌ ꞌñaan, ti bra nu mñan Ni chalyuu re; ti bra kanꞌ ytsaꞌ Ni ꞌin nten chalyuu nu wa yten chaꞌ ꞌin Ni, chaꞌ chañi ka tyiꞌin neꞌ seꞌen ndiꞌin ykwiꞌ Ni.

HEBREOS 11:11

Loꞌo Sara kwilyoꞌo yu, yaa ñaꞌan tiꞌ ꞌin Ndiose, kanꞌ chaꞌ ngwa tnan, ni siya kula ꞌa, ni siya ja ya tyiꞌin sñiꞌ siyaꞌ ti. Kanꞌ chaꞌ mdiꞌin sñiꞌ, chaꞌ nu yaa ñaꞌan tiꞌ ꞌin Ndiose, chaꞌ chañi kuꞌni Ni nchga chaꞌ nu wa ykwiꞌ Ni loꞌo neꞌ kanꞌ bra kanꞌ.

HEBREOS 3:1

ꞌWan taꞌa msñian chaꞌ ꞌin Krixtu, ꞌwan nu wa ngulo suwi Ndiose ꞌwan, tyaꞌan chaꞌ tiye wan sa ñaꞌan ndiꞌin chaꞌ ꞌin Jesucristo. Nan wa ngulo Ndiose Sti yu tñan ꞌin yu chaꞌ kan yu lo chalyuu re, loꞌo ni, lka Ni ñaꞌan tiꞌ xꞌnan sti joꞌo nu nduun loo la ꞌñaan, chaꞌ wa msñian chaꞌ ꞌin Ni.

HEBREOS 3:14

Taꞌaan, ti ndiꞌin chaꞌ ꞌñaan loꞌo Krixtu xa nu ti nxñiin suꞌwean chaꞌ ꞌin Ni sa ñaꞌan bra nsuꞌwian chalyuu, ti kwiꞌ sa ñaꞌan nu ndyaa ñaꞌan tianꞌ ꞌin Ni nu ngwa ti kulo.

HEBREOS 3:6

Loꞌo Krixtu ni, suꞌwe la ti tñan nu yꞌni yu, chunꞌ lka yu Sñiꞌ ykwiꞌ Ndiose, lka yu ndloo ꞌin nchga nten nu ndiꞌin chaꞌ ꞌin Ni. Loꞌo nan, ti kwiꞌ nten ꞌin Ndiose lkaan, xa nu ja ntsean ꞌaan tyukwi tyempu nu nsuꞌwian chalyuu, bra nu ti ndyaa ñaꞌan suꞌween tianꞌ ꞌin Ni chaꞌ ndiꞌin taan ꞌin Krixtu chaꞌ kulaa ji Ni ꞌñaan.

HEBREOS 4:14

Xa wa msñian chaꞌ ꞌin Jesús, ndiꞌin chaꞌ kuꞌnian tñan chaꞌ kanun suꞌwe chaꞌ ꞌin Ni niꞌ kasiya ꞌñaan bra kanꞌ. Wa lka ndiya ska xꞌnan sti joꞌo nu njñan chaꞌ ꞌñaan ꞌin Ndiose; Jesús, ska ti nu lka Sñiꞌ ykwiꞌ Ndiose, kanꞌ lka Ni. Wa ndyaa Jesús nde seꞌen ndiꞌin Ndiose Sti yu; loꞌo ni, ndiꞌin Jesús tloo Ni, chaꞌ nchkwiꞌ Ni chaꞌ ꞌñaan loꞌo Ni.

HEBREOS 6:18

Loꞌo nchga chaꞌ kanꞌ wa jlyo tianꞌ chaꞌ ja xaꞌan ꞌa ska chaꞌ nu wa ykwiꞌ Ndiose chaꞌ ka; ja kwiñi lyoꞌo Ni ꞌñaan siyaꞌ ti. Loꞌo suꞌwe ti ndiꞌin tiyean ni, chaꞌ ja ndiya ska chaꞌ kuxi nu ka xitsen ꞌñaan, chaꞌ nu wa ndyaa ñaꞌan tianꞌ chaꞌ nu ykwiꞌ Ndiose loꞌoan; wa yꞌni Ni chaꞌ ka tnun la tiyean, chaꞌ xñiin suꞌwean kwenta nchga chaꞌ nu wa ykwiꞌ Ni loꞌoan sa ñaꞌan bra nu tsaa toꞌo chaꞌ kanꞌ.

SANTIAGO 1:6

Sa kanꞌ ti chaꞌ, bra nu jñan wan ska chaꞌ ꞌin Ndiose, kanꞌ ndiꞌin chaꞌ tsaa ñaꞌan tiꞌ wan ꞌin Ni chaꞌ nchka ꞌin Ni kuꞌni Ni ngwañaꞌan; ja suꞌwe si xiꞌin chunꞌ wan ꞌin chaꞌ kanꞌ, ñaꞌan tiꞌ si nchkwin wan chaꞌ ja nchka ꞌin Ni kuꞌni Ni ngwañaꞌan. Nten nu ngwañaꞌan nchkwin chaꞌ ja nchka ꞌin Ndiose, lka neꞌ kanꞌ sa ñaꞌan lka kulooꞌ nu ndiya lo tujoꞌo; ndyituun kulooꞌ ndyaa ran la seꞌen ndukwa naꞌan kwiꞌin ꞌin ran chaꞌ tsaa ran.

EL APOCALIPSIS 3:11

Ndla ti ndijyaǎn, kanꞌ chaꞌ ja ta wan chabiyaꞌ chaꞌ ñuꞌun chaꞌ suꞌwe nu ndiꞌin niꞌ kasiya ꞌwan ngwa ti ñaꞌan; ti kuꞌni wan ti kwiꞌ ñaꞌan nu yꞌni wan nu ngwa sꞌni. Ndii ti tiꞌ wan tyiꞌin wan chaꞌ kaja chalyuu nu suꞌwe la nu ta Ndiose ꞌwan bra nu tsaa tii chalyuu re.