Loꞌoǔn ni, ndukwatyaǎn ꞌwan loꞌo tyiꞌa chku re, si chañi chaꞌ wa ngwa jyuꞌu tiꞌ wan ꞌin kiꞌya nu ndukwi wan; loꞌo wa kan ti xka nu tnun la chaꞌ nchka ꞌin ke naꞌ. Loꞌoǔn, kuꞌni tnuǔn ꞌin yu kanꞌ; suꞌwe ꞌa ka tiyeěn, ni siya xtiǐnꞌ tiǎn ti ndukwa snan yu kanꞌ. Loꞌo yu kanꞌ ni, ja tukwatya yu ꞌin nten loꞌo tyiꞌa ti; kuꞌni yu chaꞌ kanun Tyiꞌi Ndiose niꞌ kasiya ꞌin nten xa nu tukwatya yu ꞌin neꞌ. Kwiꞌ ngwañaꞌan, kuꞌni luwi yu kasiya ꞌin neꞌ loꞌo xaa ꞌin yu.
HEBREOS 10:22 - Chatino Zona Alta Occidental22 Tsaan seꞌen ndiꞌin Ndiose sikwa; tyukwi ti tiyean kuꞌnian chaꞌ ka ska ti chaꞌ ꞌñaan loꞌo Ndiose Stian, chaꞌ xñiin suꞌwean chaꞌ ꞌin Ni bra kanꞌ. Wa yꞌni tyii Ni nchga chaꞌ kuxi nu yꞌnian, kwiꞌ nu lye ꞌa mda chaꞌ jyuꞌu ꞌñaan; loꞌo luwi kasiya ꞌñaan ni, ñaꞌan tiꞌ si wa ytaan chku loꞌo tyiꞌa nu luwi ꞌa. အခန်းကိုကြည့်ပါ။ |
HEBREOS 10:22
66 ပူးပေါင်းရင်းမြစ်များ
―Chañi chaꞌ nu chkwiǐnꞌ loꞌoo ni ―ndukwin Jesús―. Nten lka nu ndlya xa nu yꞌni kala nten chalyuu ꞌin neꞌ, loꞌo Tyiꞌi Ndiose lka nu ngiꞌni chaꞌ xaꞌan kasiya ꞌin nten ―ndukwin Jesús―. Ndiꞌin chaꞌ ka kwi kasiya ꞌwan si nchka tiꞌ wan chaꞌ kulo Ndiose tñan niꞌ kasiya ꞌwan. Ndiꞌin chaꞌ xuꞌwi wan lo tyiꞌa, kwiꞌ ngwañaꞌan ndiꞌin chaꞌ kanun Tyiꞌi Ndiose niꞌ kasiya ꞌwan ―ndukwin Jesús ꞌin Nicodemo―.
Bra wa ynan neꞌ chaꞌ kanꞌ, mdyisnan neꞌ mdoꞌo neꞌ ndyaa neꞌ bra kanꞌ, chaꞌ nu jlyo tiꞌ neꞌ chaꞌ ndukwi neꞌ kiꞌya. Kulo la ndyaa neꞌ nu kula la, chunꞌ ndiꞌin la ndyaa nchga neꞌ kwenta ska ti neꞌ. Loꞌo nganun Jesús ska ti yu, kwiꞌ ngwañaꞌan, ti nduun nu kunaꞌan kanꞌ ngita ꞌin yu sa ñaꞌan bra nu chkwiꞌ yu loꞌo.
Kwiꞌ ngwañaꞌan, ndiya chinꞌ taꞌa wan nu yꞌni wan ti kwiꞌ taꞌa chaꞌ kuxi kanꞌ ti ngwa sꞌni; loꞌo xka ñaꞌan ngiꞌni wan ni, chaꞌ wa yꞌni tyii Jesús nchga kiꞌya nu ndukwi wan ti bra kanꞌ, loꞌo ni, wa yten wan chaꞌ ꞌin Ndiose bra kanꞌ. Wa ngwa suꞌwa chaꞌ ꞌwan loꞌo Ndiose chaꞌ wa msñi wan chaꞌ ꞌin Jesucristo nu nka Xꞌnaan, loꞌo wa nda Ndiose Tyiꞌi Ni chaꞌ xuꞌwi niꞌ kasiya ꞌwan.
ꞌWan taꞌaan, nu suꞌwe ꞌa nka tiyeěn ñaꞌaǎn ꞌwan, kanꞌ lka ska chaꞌ nu wa mskanꞌ Ndiose loꞌoan, chaꞌ ka ꞌñaan chunꞌ ndiꞌin la. Kanꞌ chaꞌ sikwa, ndiꞌin chaꞌ kulaa yaanꞌ nchga chaꞌ kuxi chaꞌ ja ka ñuꞌun kasiya ꞌñaan, ja ka ñuꞌun tyukwi ñaꞌaan. Kwiꞌ ngwañaꞌan, lye ꞌa kuꞌnian tñan chaꞌ kaan nten ꞌin Ndiose; nchga tñan nu kuꞌnian lo chalyuu, kuꞌnian ꞌin ran ñaꞌan tiꞌ si wa nduun Ndiose ñaꞌan kwiꞌya Ni ꞌñaan.
Ngwa tiꞌ Jesús chaꞌ kunan nten nu xñi chaꞌ ꞌin Ni nchga chaꞌ nu nchkwiꞌ yu, kanꞌ chaꞌ ngujwi yu chaꞌ kaja ñaꞌan kuꞌni luwi Ni ꞌin neꞌ kanꞌ, chaꞌ ka kuꞌni tyii Ni kiꞌya nu ndiꞌin ꞌin neꞌ, chaꞌ ta Ni chalyuu kwi ꞌin neꞌ. Ngwañaꞌan yꞌni Jesús chaꞌ ska yaꞌ ti ka neꞌ kanꞌ nten ꞌin Ni. Loꞌo kanꞌ ka tukwatya nten ꞌin neꞌ kanꞌ chaꞌ ꞌin Jesús.
Loꞌo ngulaa Ni ꞌñaan chunꞌ nchka tꞌnan ꞌa tiꞌ Ni ꞌñaan bra kanꞌ; nchka tꞌnan tiꞌ Ni ꞌñaan ni, siꞌi chunꞌ ska chaꞌ suꞌwe nu wa yꞌnian, siꞌi chunꞌ ska tñan kti nu wa yꞌnian. Ndiose yꞌni tñan kanꞌ, Ndiose yꞌni luwi kasiya ꞌñaan, kanꞌ chaꞌ ka chkwianꞌ chaꞌ wa ngula kwian xiyaꞌ; wa ngwa kwi kasiya ꞌñaan ni, chunꞌ tñan nu wa yꞌni Tyiꞌi Ndiose loꞌoan.
Bra nu kuꞌnian xkwiꞌ chaꞌ kula nu ykwiꞌ ayman Moisés loꞌo ayman kula ꞌñaan, ja ka jlyo tianꞌ sa ñaꞌan kaja chaꞌ suꞌwe ꞌñaan chunꞌ ndiꞌin la chunꞌ tñan nu yꞌni Jesús, chaꞌ ja nchkwiꞌ chaꞌ kula kanꞌ loꞌoan sa ñaꞌan ka nchga chaꞌ kanꞌ. Chinꞌ ti chaꞌ ngitsaꞌ chaꞌ kula kanꞌ ꞌñaan, ñaꞌan tiꞌ ska nkwin nu ndijyan sa ndijin ti, nu kitsaꞌ ska tñan nu ka nde loo, ngwañaꞌan nchka tiꞌ chaꞌ kula kanꞌ. Neꞌ judío taꞌa kichen tyian ni, nchga yijan ngiꞌni neꞌ ti kwiꞌ ñaꞌan tñan; nchga yijan ndaꞌan neꞌ loꞌo ti kwiꞌ lomstan chaꞌ xiyaꞌ katin kiꞌya nu ndukwi neꞌ tloo Ndiose, loꞌo ja nchka ꞌa tsaa tii chaꞌ kti kanꞌ ꞌin neꞌ, chaꞌ nu lomstan nu ndaꞌan loꞌo neꞌ niꞌ lyaa, ja ka suwi ran niꞌ kasiya ꞌin nten tloo Ndiose.
Yaa ñaꞌan tiꞌ Moisés chaꞌ nu ykwiꞌ Ndiose loꞌo yu, kanꞌ chaꞌ ykwiꞌ yu chaꞌ kuꞌni neꞌ taꞌa pascua, ti kwiꞌ tla xa wa tyijin ti ska angajle seꞌen ndiꞌin neꞌ Egipto; chaꞌ ꞌin Ndiose yan angajle kanꞌ, chaꞌ ta Ni nu tiꞌí ꞌin neꞌ Egipto kanꞌ. Kanꞌ chaꞌ ngulo Moisés tñan chaꞌ taꞌan neꞌ tnen seꞌen lka tuꞌwa tunaꞌan ꞌin nchga neꞌ Israel. Bra nu ñaꞌan angajle kanꞌ tnen, ja kujwi Ni ꞌin sñiꞌ neꞌ Israel bra kanꞌ, ni siya wa yjwi angajle kanꞌ ꞌin sñiꞌ nu ngula kulo ꞌin nchga neꞌ Egipto kanꞌ.
La kanꞌ ndiꞌin Jesús, nu wa mskanꞌ xka chaꞌ nu suꞌwe la loꞌoan tloo Ndiose. Suꞌwe ꞌa ngwa chaꞌ ngalu tnen ykwiꞌ Jesús, chaꞌ loꞌo tñan nu yꞌni Jesús, kanꞌ chaꞌ wa yꞌni tyii Ndiose nchga chaꞌ kuxi nu mdiꞌin ꞌñaan bra kanꞌ. Loꞌo ayman Abel ni, kuxi ꞌa yaa toꞌo chaꞌ ꞌin yu, bra nu ngalu tnen yu nu ngwa sꞌni; mdiꞌin chaꞌ kaja ti kwiꞌ yu nu wa yjwi ꞌin yu bra kanꞌ.
Ti ji ꞌa ka suꞌwe kasiya ꞌñaan chaꞌ ꞌin Ndiose, ni siya wa yꞌnian nchga tñan nu ngulo ayman Moisés ꞌin neꞌ taꞌaan nu ngwa bra kanꞌ, chunꞌ ja ngwa kulaa chaꞌ kula kanꞌ ꞌñaan ꞌin chaꞌ kuxi. Loꞌo ni, ka tsaa ñaꞌan suꞌwe tianꞌ ꞌin Ndiose chaꞌ kwiꞌ seꞌen ti ndiya Ndiose ꞌñaan ni chunꞌ Jesús; suꞌwe la siyaꞌ ti chaꞌ nu yan loꞌo Jesús chaꞌ chkwiꞌ loꞌoan.
Xkwiꞌ chaꞌ ꞌin nten chalyuu ti lka chaꞌ kula kanꞌ, ni siya nchkwiꞌ neꞌ chaꞌ ja suꞌwe kuan ska nan, ta ja suꞌwe koꞌoan ska nan, ni siya nchkwiꞌ neꞌ sa ñaꞌan kuꞌnian chaꞌ ka luwi kasiya ꞌñaan. Kanꞌ lka chaꞌ nu ndatsaa nten chalyuu ti ꞌñaan chaꞌ kuꞌnian; ti xiꞌi ti talo chaꞌ kanꞌ, ti chinꞌ ti wa xaꞌan Ndiose nchga chaꞌ kanꞌ.
Nu ngwa ti kulo, kanꞌ ytsaꞌ ayman Moisés nchga chaꞌ kula kanꞌ ꞌin nchga neꞌ Israel kanꞌ, ytsaꞌ yu nchga tñan nu wa ngulo Ndiose ꞌin yu chaꞌ kuꞌni neꞌ. Chunꞌ ndiꞌin la msñi yu tnen kuta kuneꞌ loꞌo tnen chivu nu tka yjwi ti neꞌ, mxtiyaaꞌ yu tnen kanꞌ loꞌo tyiꞌa luwi bra kanꞌ. Kwiꞌ msñi yu ska stanꞌ yka nu nguxiin kichanꞌ slyaꞌ nu wa nguoꞌo tyaꞌan ngaꞌa chunꞌ ran; loꞌo kichanꞌ slyaꞌ kanꞌ mskwin yu tnen kanꞌ chunꞌ nten kanꞌ, kwiꞌ lo kityi seꞌen ndukwa chaꞌ kula kanꞌ bra kanꞌ.
Sa kanꞌ ti chaꞌ, bra nu jñan wan ska chaꞌ ꞌin Ndiose, kanꞌ ndiꞌin chaꞌ tsaa ñaꞌan tiꞌ wan ꞌin Ni chaꞌ nchka ꞌin Ni kuꞌni Ni ngwañaꞌan; ja suꞌwe si xiꞌin chunꞌ wan ꞌin chaꞌ kanꞌ, ñaꞌan tiꞌ si nchkwin wan chaꞌ ja nchka ꞌin Ni kuꞌni Ni ngwañaꞌan. Nten nu ngwañaꞌan nchkwin chaꞌ ja nchka ꞌin Ndiose, lka neꞌ kanꞌ sa ñaꞌan lka kulooꞌ nu ndiya lo tujoꞌo; ndyituun kulooꞌ ndyaa ran la seꞌen ndukwa naꞌan kwiꞌin ꞌin ran chaꞌ tsaa ran.
Ti kulo, ngwa jlyo tiꞌ Ndiose Stian nchga chaꞌ nu ka nu ndyaa nde loo la, kanꞌ chaꞌ ngulo suwi Ni ꞌwan. Loꞌo ni, ngiꞌni Tyiꞌi Ni tñan chaꞌ kanun luwi kasiya ꞌwan, chaꞌ tukwa wan chaꞌ nu nchkwiꞌ Jesucristo; kwiꞌ nu wa ngujwi lo wsi siꞌya wan, ngalu tnen yu chaꞌ kaja ñaꞌan ka luwi niꞌ kasiya ꞌwan. Loꞌo ni, nchka tiǎnꞌ chaꞌ ti kuꞌni Ndiose chaꞌ suꞌwe loꞌo wan, kwiꞌ ngwañaꞌan ti kuꞌni Ni chaꞌ tiin ti tyiꞌin niꞌ kasiya ꞌwan nchga bra.
Sa ñaꞌan nu ngulaa Ni ꞌin neꞌ nu mdiꞌin niꞌ yka naꞌan kanꞌ lo tyiꞌa nu ngwa sꞌni, chaꞌ mdukwa neꞌ kanꞌ chaꞌ nu ykwiꞌ Ni; ngwañaꞌan tyoꞌo laa wan ni, chaꞌ ndukwa wan chaꞌ nu nchkwiꞌ Ni. Wa ndyaa wan lo tyiꞌa chaꞌ tyukwatya wan. Siꞌi nan kata tian chku ndyoꞌo chaꞌ kanꞌ, siꞌi chaꞌ kuuꞌ kunaanꞌ, kanꞌ chaꞌ ndyukwatyaan. Nde ndiya sa ñaꞌan ndyoꞌo chaꞌ kanꞌ: Nan njñaan ꞌin Ndiose chaꞌ xnun luwi Ni kasiya ꞌñaan chunꞌ ndyuꞌu Jesucristo xiyaꞌ, kanꞌ chaꞌ ndyukwatyaan.
Suꞌwe ꞌa ykwiꞌ Jesucristo chaꞌ ꞌin Ndiose Sti yu sa yaꞌ nu mdiya bra nu yjwi nten ꞌin yu bra kanꞌ. Bra wa ndyuꞌu Jesús xiyaꞌ xa wa ngujwi yu, kanꞌ naꞌan nten chaꞌ tnun ꞌa tñan nu ngiꞌni yu bra kanꞌ. Loꞌo ni, lka Jesucristo ndloo la ti tyukwi ñaꞌaan chalyuu, chaꞌ lka yu ke nchga nu nka xꞌnan chalyuu. Suꞌwe ꞌa nka tiye Jesús loꞌoan, kanꞌ chaꞌ ngujwi yu lo wsi; wa ngalu tnen yu chaꞌ kulaa yu ꞌñaan, chaꞌ katin nchga kiꞌya nu ndiꞌin ꞌñaan.
ကြော်ငြာတွေ