GÁLATAS 5:26 - Chatino Zona Alta Occidental

²⁶ Ti kwiꞌ ti chaꞌ, ja suꞌwe si chkwianꞌ chaꞌ siyeꞌ loꞌo taꞌa ntean, chaꞌ ngwañaꞌan kaꞌan ꞌa chaꞌ kusuun tyiꞌin ꞌñaan loꞌo taꞌa ntean chaꞌ nu siyeanꞌ bra kanꞌ. Kwiꞌ ngwañaꞌan, ja suꞌwe kuꞌniin liyeꞌ tianꞌ ꞌin taꞌaan.

GÁLATAS 5:26 ပူးပေါင်းရင်းမြစ်များ

SAN LUCAS 14:10

Siꞌi xkwiꞌ nan tsaa naan wan seꞌen suꞌwe la chaꞌ tyukwa wan sikwa. Bra nu tsaa wan ska taꞌa, tsaa tukwa wan ska laꞌa ti seꞌen ndyukwa nten ya ñaꞌan ti. Loꞌo kanꞌ kan nu lka ndloo la ꞌin taꞌa chaꞌ chkwiꞌ yu loꞌo wan: “Yu kula” nchkwin yu ꞌwan, “Kan wan tyukwa wan chinꞌ seꞌen suꞌwe la nde re.” Ngwañaꞌan kuꞌni tnun la neꞌ ꞌin ykwiꞌ wan laja nten kaꞌan nu ndukwa tuꞌwa msaa kanꞌ bra kanꞌ.

1 CORINTIOS 3:7

Ja nꞌni chaꞌ ti ka lka nu ykwiꞌ chaꞌ kanꞌ loꞌo wan ti kulo, ja nꞌni chaꞌ ti ka lka nu ngwaꞌu la chaꞌ kanꞌ ꞌwan chunꞌ ndiꞌin la. Ska ti Ndiose lka nu nduun loo la chaꞌ ꞌin Ni, chaꞌ Ndiose lka nu ngiꞌni chaꞌ kaluu suꞌwe chaꞌ kanꞌ niꞌ kasiya ꞌwan.

GÁLATAS 5:15

Si xkwiꞌ chaꞌ kusuun ndiꞌin wan nchku taꞌa wan, ja chan kuꞌni tyii wan ꞌin taꞌa wan bra kanꞌ. Ndiꞌin chaꞌ chka tꞌnan tiꞌ wan ꞌin taꞌa wan, chaꞌ ja kuꞌni wan ngwañaꞌan.

FILIPENSES 4:15

ꞌWan neꞌ Filipos, jlyo tiꞌ wan sa ñaꞌan ngwa ꞌñaǎn bra nu mdoꞌoǔn lo yuu ꞌin Macedonia, chaꞌ nu mdaꞌaǎn ykwiǐnꞌ chaꞌ ꞌin Jesús loꞌo neꞌ kanꞌ; bra kanꞌ ska ta ti wan nu ngiꞌni tnun wan ꞌin Ndiose nde kwa, nda wan lomstan chaꞌ ka xuꞌwe ꞌñaǎn, chaꞌ suꞌwe ꞌa yꞌni xaꞌan wan chaꞌ ꞌin Jesús bra nu mdiꞌiǐn seꞌen ndiꞌin wan.

SANTIAGO 4:16

Loꞌo siꞌi ngwañaꞌan nchkwiꞌ wan ni, chaꞌ siyeꞌ ꞌa wan nchkwiꞌ wan loꞌo taꞌa nten wan. Nchga yaꞌ nu chkwiꞌ wan chaꞌ siyeꞌ ngwañaꞌan, chaꞌ kuxi lka chaꞌ kanꞌ.

1 SAN PEDRO 5:5

Kwiꞌ ngwañaꞌan ꞌwan yu kuneꞌ, chkwiǐnꞌ ska chaꞌ loꞌo wan. Tukwa wan nchga chaꞌ nu chkwiꞌ yu kula nu nka ndloo ꞌwan. Loꞌo ngwañaꞌan, ndiꞌin chaꞌ tayaꞌ wan ꞌin taꞌa nten wan; ja suꞌwe si kuꞌni siyeꞌ wan loꞌo neꞌ kanꞌ. Nde ndiya ska chaꞌ nu ndukwa lo kityi ꞌin Ndiose: Ñaꞌan tiꞌí Ndiose ꞌin nten nu ngiꞌni siyeꞌ loꞌo taꞌa nten, loꞌo tayaꞌ ꞌa Ni ꞌin nten nu ja nchkwiꞌ chaꞌ tnun loꞌo taꞌa nten.