GÁLATAS 3:15 - Chatino Zona Alta Occidental

¹⁵ ꞌWan taꞌa ndiꞌin chaꞌ ꞌñaan loꞌo Krixtu, chkwiǐnꞌ ska chaꞌ loꞌo wan ni, chaꞌ ꞌin ska nten nu nchka tiꞌ skanꞌ ska chaꞌ ꞌin yu loꞌo taꞌa yu. Ti kulo, kwiñan yu ska kityi. Xa wa mdyii ngwa biyaꞌ chaꞌ kanꞌ ꞌin yu, ja ka ꞌin xka nten kuꞌni tyii chaꞌ kanꞌ; kwiꞌ ja ka xaꞌan neꞌ chaꞌ kanꞌ.

GÁLATAS 3:15 ပူးပေါင်းရင်းမြစ်များ

LOS HECHOS 1:15

Ngwa ska tsan wa mdyoꞌ tiꞌin nchga nten nu msñi chaꞌ ꞌin Jesucristo kichen kanꞌ, ska siyentu nsuꞌwi kala nten mdyoꞌ tiꞌin tsan kanꞌ. Loꞌo mdyituun Tyu chaꞌ chkwiꞌ yu loꞌo neꞌ bra kanꞌ:

ROMANOS 1:13

ꞌWan taꞌa msñian chaꞌ ꞌin Jesús, nchka tiǎnꞌ chaꞌ ka biyaꞌ tiꞌ wan chaꞌ suꞌwe ꞌa nsuꞌwi tiyeěn ꞌwan. Tyun yaꞌ ngwa tiǎnꞌ kaǎn seꞌen ndiꞌin wan, loꞌo ni ñaꞌan ti, ti ji kaja ñaꞌan kaǎn. Sa ñaꞌan nu yꞌniǐn la xka kichen, kwiꞌ ngwañaꞌan nchka tiǎnꞌ kuꞌniǐn nde kichen seꞌen ndiꞌin wan; nchka tiǎnꞌ chaꞌ kaꞌan la nten sten chaꞌ ꞌin Jesús, loꞌo ngwañaꞌan nchka tiǎnꞌ chaꞌ ti kwaꞌuǔn la chaꞌ kanꞌ ꞌwan.

ROMANOS 3:5

Chaꞌ nu nan ni, nsuꞌwi ꞌa chaꞌ kuxi nu ngiꞌnian; loꞌo chaꞌ kuxi kanꞌ, ngiꞌni chaꞌ ka biyaꞌ la tianꞌ chaꞌ ñi ꞌa ngiꞌni Ndiose. ¿Ni sa ñaꞌan chkwianꞌ ni sikwa a? ¿Ta ja ñi ngiꞌni Ndiose loꞌoan a? ¿O ta ja suꞌwe si ta Ndiose nu tiꞌí ꞌñaan chaꞌ wa yꞌnian chaꞌ kuxi a? (Ndiya nten nu ngwañaꞌan nchkwiꞌ.)

ROMANOS 6:19

(Ngwañaꞌan nchkwiǐnꞌ loꞌo wan, chaꞌ ka biyaꞌ la tiꞌ wan ni ñaꞌan nu nka ndloo la ꞌwan.) Ti ngwa sꞌni la mda wan tyukwi ñaꞌaan wan chaꞌ kuꞌni wan chaꞌ chen ñaꞌan, chaꞌ kuꞌni wan chaꞌ kuxi, loꞌo ngwañaꞌan lye ꞌa yꞌni chaꞌ xaꞌan kanꞌ loꞌo wan bra kanꞌ; loꞌo ni, ndiꞌin chaꞌ ta wan tyukwi ñaꞌaan wan chaꞌ xkwiꞌ tñan suꞌwe kuꞌni wan, chaꞌ xkwiꞌ chaꞌ ꞌin Ndiose tyiꞌin wan lo chalyuu.

1 CORINTIOS 15:32

Bra nu mdaꞌaǎn nde kichen Efeso, lye ꞌa ngwa tiꞌí tiꞌ neꞌ kichen kanꞌ ꞌñaǎn; yꞌni tlá ꞌa neꞌ ꞌñaǎn, lye ꞌa msuun neꞌ loꞌoǔn ñaꞌan tiꞌ ngiꞌni ꞌni tlá. ¿Ni chaꞌ lka mdaꞌaǎn nde kwa si ja chañi chaꞌ wa ndyuꞌu Jesús xiyaꞌ a? Siꞌi nan ngiꞌniǐn kanan mdaꞌaǎn nde kwa. Loꞌo ndiya nten nu nchkwiꞌ: “Kuan tyaja, koꞌoan xalyu, chaꞌ tyaa ti kajaan” ndukwin neꞌ ꞌñaan. Kwiꞌ ngwañaꞌan kuꞌnian si ja chañi chaꞌ luꞌu Jesús.

GÁLATAS 6:18

ꞌWan taꞌa msñian chaꞌ ꞌin Ndiose, nchga bra tyuꞌwi tiꞌ wan ꞌin Jesucristo nu nka Xꞌnaan, chaꞌ xkwiꞌ suꞌwe ti ngiꞌni Ni loꞌo wan. Kwiꞌ ngwañaꞌan ka chaꞌ re sikwa.

HEBREOS 6:13

Nu ngwa ti sꞌni, bra nu yꞌni biyaꞌ Ndiose ska chaꞌ loꞌo ayman Abraham, kwiꞌ mda Ndiose nin Ni ꞌin yu kula kanꞌ bra nu mskanꞌ Ni chaꞌ re loꞌo yu: “Chabiyaꞌ ꞌñaǎn, ti ykwiǐnꞌ tiǎn kuꞌniǐn tñan kanꞌ chaꞌ ꞌiin” ndukwin Ni. Ja ndiya ꞌa xka nten nu tnun la chaꞌ ꞌin ke Ndiose, kanꞌ chaꞌ mda Ndiose nin ykwiꞌ Ni ꞌin yu, chaꞌ skanꞌ Ni chaꞌ loꞌo ayman Abraham kanꞌ.

HEBREOS 6:16

Nde ñaꞌan ngiꞌni nten chalyuu ni. Si nchka tiꞌ neꞌ chaꞌ kanun tsaa ska chaꞌ nu kuꞌni biyaꞌ neꞌ loꞌo taꞌa neꞌ, kanꞌ kulo naan neꞌ ska joꞌo, chaꞌ tnun la chaꞌ ꞌin, xkeꞌ tiꞌ neꞌ bra kanꞌ; chunꞌ ndiꞌin la ja xuun ꞌa neꞌ siꞌya chaꞌ kanꞌ bra kanꞌ.

HEBREOS 9:17

ja ndiꞌin chabiyaꞌ xñi neꞌ nan ꞌin taꞌa neꞌ, xa nu ti ji kaja nten nu ndiꞌya loo chaꞌ suꞌwe kanꞌ. Siyaꞌ ti bra wa naꞌan neꞌ chaꞌ ngujwi nten kanꞌ, bra kanꞌ kunanjoꞌo kityi kanꞌ ꞌin taꞌa nten kanꞌ bra kanꞌ.