FILIPENSES 3:17 - Chatino Zona Alta Occidental

¹⁷ ꞌWan taꞌa msñian chaꞌ ꞌin Jesús, suꞌwe si kuꞌni wan sa ñaꞌan chaꞌ nu wa naꞌan wan ꞌñaǎn ngiꞌniǐn. Kwiꞌ ngwañaꞌan, kiꞌya suꞌwe wan kwenta sa ñaꞌan nu ngiꞌni xka la neꞌ taꞌaan, nu ngiꞌni sa ñaꞌan nu ngiꞌni ti bare, kwiꞌ ngwañaꞌan kuꞌni wan.

FILIPENSES 3:17 ပူးပေါင်းရင်းမြစ်များ

ROMANOS 16:17

ꞌWan taꞌa ndiꞌin chaꞌ ꞌñaan loꞌo Krixtu, lye ꞌa chkwiǐnꞌ loꞌo wan ni, chaꞌ tiya ti tiꞌ tyiꞌin wan lo chalyuu, chaꞌ ja kan ꞌa nten nu suꞌwa chaꞌ wsuun ꞌwan loꞌo taꞌa wan, chaꞌ ja tukunꞌ neꞌ kanꞌ chaꞌ nu ñi ꞌin Krixtu nu wa ynan wan. Ja xñi wan chaꞌ nchkwiꞌ neꞌ kanꞌ,

1 CORINTIOS 10:32

Ja ta wan chabiyaꞌ tyoꞌo tsuꞌ ska nten ꞌin tuwiin nu ñi ꞌin Krixtu; ni siya neꞌ judío, ni siya neꞌ xka laꞌa tsuꞌ nu siꞌi neꞌ judío lka, ja ska nten nu taꞌa msñi wan chaꞌ ꞌin Ndiose, ja suꞌwe siyaꞌ ti si tiyuu neꞌ yaꞌ kuneꞌ xaꞌan.

1 CORINTIOS 11:1

Kanꞌ chaꞌ ni, kiꞌya suꞌwe wan kwenta sa ñaꞌan tñan nu ngiꞌniǐn, loꞌo kwiꞌ ngwañaꞌan kuꞌni wan bra kanꞌ, chaꞌ ti kwiꞌ taꞌa tñan nu yꞌni Krixtu ngiꞌniǐn.

1 CORINTIOS 4:16

Kanꞌ chaꞌ ni, nchkwiǐnꞌ ꞌaǎn loꞌo wan chaꞌ kuꞌni wan sa ñaꞌan nu naꞌan wan ngiꞌniǐn.

FILIPENSES 4:9

Tyuꞌwi tiꞌ wan nchga chaꞌ nu wa yꞌni xaꞌan wan ꞌñaǎn, ni siya ska chaꞌ nu wa ynan wan ti bra nu wa ykwiǐnꞌ chaꞌ kanꞌ loꞌo wan, ni siya ska chaꞌ nu wa naꞌan wan ngiꞌniǐn; kanꞌ lka chaꞌ nu ndiꞌin chaꞌ kuꞌni wan, loꞌo kuꞌni Ndiose chaꞌ tiin ti tyiꞌin niꞌ kasiya ꞌwan bra kanꞌ.

1 TESALONICENSES 1:6

Kanꞌ chaꞌ ni, ngiꞌni wan ti kwiꞌ tñan nu ngiꞌni ba, taꞌa tñan nu ngiꞌni Xꞌnaan. Wa msñi wan chaꞌ ꞌin Ndiose, ni siya tiꞌí ꞌa tiꞌ nten ñaꞌan neꞌ ꞌwan; loꞌo ni, suꞌwe ꞌa nsuꞌwi tiye wan chabiyaꞌ ꞌin Tyiꞌi Ndiose.

2 TESALONICENSES 3:14

Nten nu ja xlyaa kunan nchga chaꞌ nu ndaꞌan ba lo kityi re ni, kiꞌya wan kwenta ti ka nu lka neꞌ kanꞌ; bra kanꞌ ja tyaꞌan wan suꞌwa ti loꞌo neꞌ kanꞌ, chaꞌ ngwañaꞌan ka jyuꞌu tiꞌ neꞌ.

2 TESALONICENSES 3:7

Ja yꞌni ndaja tiꞌ ba bra nu mdiꞌin ba loꞌo wan nu ngwa bra kanꞌ, kanꞌ chaꞌ suꞌwe si xlyaa wan kuꞌni wan tñan loꞌo yaꞌ wan sa ñaꞌan nu yꞌni ba.

2 TESALONICENSES 3:9

Suꞌwe si ta wan chinꞌ liyaꞌ ꞌin neꞌ nu kwaꞌu ꞌwan; ni siya bare, ka tayaꞌ wan chinꞌ ꞌwa si jñan ba ꞌwan. Loꞌo ja msñi ba liyaꞌ nu ngwa bra kanꞌ, chaꞌ ngwa tiꞌ ba kwaꞌu ba ꞌwan chaꞌ ja kuꞌni ndaja tiꞌ wan, chaꞌ kuꞌni wan tñan chaꞌ kaja nan nu lyiji chaꞌ tyijin yuꞌwi ꞌwan chalyuu.

1 TIMOTEO 4:12

Ja taa chabiyaꞌ xtyi lyoꞌo neꞌ ꞌiin chaꞌ ti kuneeꞌ, xkeꞌ tiꞌ neꞌ. Xkwiꞌ luwi ti kuꞌnii tñan chaꞌ ñaꞌan taꞌa nten ꞌin Jesucristo ꞌin ran; xkwiꞌ chaꞌ suꞌwe chkwiiꞌ, xkwiꞌ chaꞌ suꞌwe kuꞌnii; kwiꞌ ngwañaꞌan, suꞌwe ꞌa xuꞌwi tiyee ñaꞌaan ꞌin nchga nten. Bra kanꞌ ka biyaꞌ tiꞌ neꞌ chaꞌ suꞌwe ꞌa msñii chaꞌ ꞌin Jesucristo, chaꞌ xkwiꞌ luwi kasiya ꞌiin ngiꞌnii tñan.

HEBREOS 13:7

Tyaa yuꞌwi tiꞌ wan ꞌin ayman taꞌa wan nu ngwa ndloo la ꞌwan chabiyaꞌ ꞌin Jesucristo; ti kwiꞌ neꞌ kanꞌ, ykwiꞌ neꞌ chaꞌ ꞌin Ndiose loꞌo wan ti kulo, kanꞌ chaꞌ tyaꞌan suꞌwe chaꞌ tiye wan chaꞌ ꞌin tñan suꞌwe nu yꞌni neꞌ kanꞌ lo chalyuu. Loꞌo ꞌwan, kuꞌni wan sa ñaꞌan nu yꞌni neꞌ kanꞌ chaꞌ suꞌwe ꞌa yaa ñaꞌan tiꞌ neꞌ chaꞌ ꞌin Ndiose.

1 SAN PEDRO 5:3

Ja lka wan xꞌnan taꞌa wan, kanꞌ chaꞌ suꞌwe ti kuꞌni wan seꞌen ndiꞌin neꞌ, chaꞌ ka biyaꞌ tiꞌ xka ta taꞌa wan sa ñaꞌan ndiꞌin chaꞌ kuꞌni neꞌ lo chalyuu.