FILIPENSES 2:4 - Chatino Zona Alta Occidental

⁴ Kuwe la tiꞌ wan ꞌin xka yu taꞌa wan chaꞌ ka suꞌwe la chaꞌ ꞌin neꞌ, siꞌi xkwiꞌ chaꞌ ꞌwan, ti ykwiꞌ ti wan, nu ndiꞌin chaꞌ kuwe tiꞌ wan.

FILIPENSES 2:4 ပူးပေါင်းရင်းမြစ်များ

SAN MATEO 18:6

’Si ndiya nten nu ndatsaa ꞌin taꞌa nten chaꞌ kuꞌni chaꞌ kuxi, ni siya ndatsaa nten kanꞌ ꞌin nu xuwe ti re chaꞌ kuꞌni chaꞌ kuxi, suꞌwe la chkanꞌ ska kichi tnun ynin nten kuxi kanꞌ, loꞌo kanꞌ xtyuu neꞌ ꞌin neꞌ kanꞌ lo tyiꞌa tujoꞌo chaꞌ tyii ji chaꞌ ꞌin neꞌ bra kanꞌ. Suꞌwe la si kaja nten nu ngwañaꞌan ngiꞌni, chaꞌ ja tatsaa ꞌa neꞌ ꞌin xka la nu xuwe ti chaꞌ kuꞌni chaꞌ kuxi ngwañaꞌan.

ROMANOS 12:15

Ka suꞌwe ka tiye wan loꞌo xka ta nten nu suꞌwe ꞌa nka tiye; kwiꞌ ngwañaꞌan, ndiꞌin chaꞌ ka xiꞌin tiꞌ wan loꞌo nten nu xiꞌin tiꞌ ñaꞌan ndiꞌin. Suꞌwa ka tiye wan loꞌo xka la nten sikwa.

ROMANOS 15:1

Nchgaan nu ngula nka tiyean chunꞌ wa ytean chaꞌ ꞌin Krixtu, ndiꞌin chaꞌ taloan ꞌin taꞌaan nu ti ji xñi suꞌwe chaꞌ kanꞌ; ndiꞌin chaꞌ kuwe tianꞌ ꞌin neꞌ. Ja tyaꞌan ꞌa chaꞌ tiyean xkwiꞌ chaꞌ ꞌin tñan ngiꞌnian, ti ykwiinꞌ tian.

1 CORINTIOS 10:24

Ndiꞌin chaꞌ tyaꞌan chaꞌ tiyean sa ñaꞌan nu ka suꞌwe la chaꞌ ꞌin xka la nten, siꞌi xkwiꞌ chaꞌ ꞌñaan tian kuwe tianꞌ.

2 CORINTIOS 11:29

Xa nu naꞌan ꞌa tiꞌ ska yu taꞌaan, bra kanꞌ loꞌo naꞌ nchka naꞌan tiǎnꞌ chaꞌ ꞌin yu kanꞌ; xa nu ndiꞌin kiꞌya ꞌin ska yu kanꞌ, kwiꞌ ngwañaꞌan naꞌ, xiꞌin ꞌa tiǎnꞌ bra kanꞌ.

2 CORINTIOS 6:3

Ja nchka tiꞌ ba chaꞌ xtyi lyoꞌo nten ꞌwa chunꞌ tñan nu ngiꞌni ba, chaꞌ loꞌo ꞌin Ndiose xtyi lyoꞌo neꞌ bra kanꞌ si ngwañaꞌan; kanꞌ chaꞌ ja ta ba chabiyaꞌ chaꞌ tyoꞌo tukwa ska chaꞌ kuxi seꞌen ndiꞌin ba, kwiꞌ nu kuꞌni chaꞌ chkwiꞌ kuxi neꞌ ꞌwa.

FILIPENSES 2:21

ja nsuꞌwi ꞌa xka neꞌ taꞌaan nde re nu nduwe tiꞌ sa ñaꞌan nchka tñan ꞌin Jesucristo seꞌen ndiꞌin wan; xkwiꞌ tñan ꞌin neꞌ nsuꞌwi la tiye neꞌ.

SANTIAGO 2:8

Suꞌwe ꞌa si chañi chaꞌ ndukwa wan tñan nu ngulo Ndiose ti kulo, ti kwiꞌ chaꞌ nu ndukwa lo kityi kula re: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka si chka tꞌnan tiꞌ wan ꞌwan, ti ykwiꞌ ti wan” ndukwin kityi.