FILIPENSES 2:26 - Chatino Zona Alta Occidental

²⁶ Ndiya ꞌa tiꞌ yu ꞌwan, kanꞌ chaꞌ nchka tiꞌ yu kan naꞌan yu ꞌwan xiyaꞌ; kaꞌan ꞌa chaꞌ mdaꞌan tiye yu bra nu mjwi rsun ꞌin yu chaꞌ wa ynan wan chaꞌ tiꞌí ꞌa yu.

FILIPENSES 2:26 ပူးပေါင်းရင်းမြစ်များ

SAN MATEO 11:28

Nchga wan nu ja talo wan chaꞌ tiꞌin ꞌa tñan nsuꞌwi ꞌwan lo chalyuu, nxkeꞌ tiꞌ wan, kan wan tyiꞌin chaꞌ ꞌwan loꞌoǔn ni. Taǎn chabiyaꞌ chaꞌ tiin ti tyiꞌin wan bra kanꞌ.

SAN MATEO 26:37

Ti ndyaa la Jesús ti chinꞌ seꞌen loꞌo Tyu loꞌo taꞌa tyukwaa sñiꞌ Zebedeo bra kanꞌ. Ngwa xiꞌin ꞌa tiꞌ Jesús siꞌya chaꞌ tnun nu wa tyukwa ti yu.

LOS HECHOS 21:13

―¿Ni chaꞌ lye ꞌa nganan wan a? ―ndukwin Palyu ꞌwa bra kanꞌ―. ¿Ni chaꞌ ngiꞌni wan chaꞌ ka xiꞌin tiǎnꞌ a? ―ndukwin―. Wa nka chaꞌ tsaꞌaǎn Jerusalén; nka tiyeěn tsaꞌaǎn, ni siya skanꞌ neꞌ ꞌñaǎn, ni siya kujwi neꞌ ꞌñaǎn nde kwa chunꞌ nchkwiǐnꞌ chaꞌ ꞌin Jesucristo nu nka Xꞌnaan.

ROMANOS 1:11

Nchka ꞌa tiǎnꞌ ñaꞌaǎn chinꞌ ꞌwan, loꞌo nchka tiǎnꞌ chkwiǐnꞌ ska chaꞌ loꞌo wan; Tyiꞌi Ndiose lka nu suꞌwa yaꞌ ꞌñaǎn, chaꞌ tsaa ñaꞌan la tiꞌ wan ꞌin Jesús. Bra kanꞌ sten tsaa la wan chaꞌ kanꞌ.

ROMANOS 12:15

Ka suꞌwe ka tiye wan loꞌo xka ta nten nu suꞌwe ꞌa nka tiye; kwiꞌ ngwañaꞌan, ndiꞌin chaꞌ ka xiꞌin tiꞌ wan loꞌo nten nu xiꞌin tiꞌ ñaꞌan ndiꞌin. Suꞌwa ka tiye wan loꞌo xka la nten sikwa.

ROMANOS 9:2

Xiꞌin ꞌa tiǎnꞌ, tiꞌí ꞌa nsuꞌwi tiyeěn siꞌya neꞌ judío taꞌa kichen tyiǐn;

1 CORINTIOS 12:26

Bra nu tiꞌí chinꞌ ska tijyaan, tyukwi ñaꞌaan tiꞌí bra kanꞌ; bra nu kuꞌnian kti loꞌo ska tijyaan, tyukwi ñaꞌaan suꞌwe tianꞌ bra kanꞌ. (Kwiꞌ ngwañaꞌan lka wan, tyukwi ñaꞌaan ska ta wan nu wa msñi wan chaꞌ ꞌin Krixtu).

2 CORINTIOS 9:14

Bra kanꞌ chkwiꞌ neꞌ loꞌo Ndiose chaꞌ ꞌwan, chaꞌ suꞌwe ꞌa ka tiye neꞌ ñaꞌan neꞌ ꞌwan; tyuꞌwi tiꞌ neꞌ chaꞌ kaꞌan ꞌa chaꞌ suꞌwe ngiꞌni Ndiose loꞌo nten chunꞌ lomstan nu wa nda wan ꞌin neꞌ kanꞌ.

GÁLATAS 6:2

Kuꞌni suꞌwa tiye wan loꞌo taꞌa nten wan, chaꞌ ka tayaꞌ wan ꞌin neꞌ loꞌo ska chaꞌ tukwi nu ndiꞌin ꞌin neꞌ, chaꞌ ja kuꞌni neꞌ ska chaꞌ kuxi. Ngwañaꞌan ndukwaan suꞌwean nchga tñan nu nda Krixtu ꞌñaan chaꞌ kuꞌnian.

EFESIOS 3:13

Kanꞌ chaꞌ ni, chkwiǐnꞌ loꞌo wan chaꞌ ja ka ndaja tiꞌ wan, chaꞌ ja kulaa yaꞌ wan ꞌin Ndiose. Ni siya tyijiǐn chinꞌ nu tiꞌí seꞌen ndiꞌiǐn re chaꞌ ꞌwan, ska chaꞌ suꞌwe ꞌwan lka chaꞌ kanꞌ.

FILIPENSES 1:3

Nchga bra nu ndyuꞌwi tiǎnꞌ ꞌwan, bra kanꞌ suꞌwe ꞌa nka tiyeěn; ndyaǎn xuꞌwe ꞌin Ndiose chaꞌ ꞌin nchga wan bra kanꞌ.

FILIPENSES 1:8

Jlyo tiꞌ Ndiose chaꞌ sa ñaꞌan nu suꞌwe nka tiye Jesucristo ñaꞌan Ni ꞌin taꞌa wan, kwiꞌ ngwañaꞌan suꞌwe ꞌa nka tiyeěn naꞌaǎn ꞌwan.

FILIPENSES 2:25

Loꞌo ngwañaꞌan, ndiꞌin ꞌa chaꞌ kan xka yu seꞌen ndiꞌin wan, nka tiyeěn; Epafrodito naan yu kanꞌ. Ti kwiꞌ yu taꞌa ndaꞌan ba tñan lka yu, loꞌo ngwañaꞌan, ngula ꞌa tñan yꞌni yu loꞌo ba bra nu mxkwen ba ꞌin neꞌ kuxi chaꞌ ꞌin Jesús. Ti kwiꞌ yu kanꞌ lka yu nu msuꞌwa wan ꞌin yu yan seꞌen mdiꞌiǐn nu ngwa xkanꞌ, chaꞌ tayaꞌ yu ꞌñaǎn loꞌo nan lka nu lyiji chinꞌ ꞌñaǎn chaꞌ tyijin yuꞌwi ꞌñaǎn lo chalyuu.

FILIPENSES 2:27

Loꞌo chañi chaꞌ tiꞌí ꞌa yu nu ngwa bra kanꞌ, ngwa chaꞌ kaja yu; loꞌo Ndiose ngwa tꞌnan tiꞌ Ni ꞌin yu. Kwiꞌ ngwañaꞌan, ngwa tꞌnan tiꞌ Ni ꞌñaǎn, chaꞌ ngwa xiꞌin ꞌa tiǎnꞌ nde re; loꞌo kanꞌ lye la ngwa xiꞌin tiǎnꞌ si wa ngujwi yu, loꞌo wa nchkaa yu ni.

FILIPENSES 4:1

ꞌWan taꞌa msñian chaꞌ ꞌin Jesús, ndiya ꞌa tiǎnꞌ ꞌwan; nten nu wa nda Ndiose ꞌñaǎn lka wan, chaꞌ suꞌwa ngiꞌnian tñan ꞌin Ni. Suꞌwe ꞌa nka tiyeěn chaꞌ ꞌwan, loꞌo ngwañaꞌan, xiꞌin chinꞌ tiǎnꞌ xa nu ja ndiꞌiǐn seꞌen ndiꞌin wan. Kuꞌni wan tñan chaꞌ kanun suꞌwe chaꞌ ꞌin nu nka Xꞌnaan niꞌ kasiya ꞌwan.

1 SAN PEDRO 1:6

Kanꞌ chaꞌ suꞌwe ꞌa ka tiye wan ni, ni siya ndiya yaꞌ xiꞌin tiꞌ wan chunꞌ nchga lo chaꞌ tiꞌí nu ndijin wan; ja kuwe tiꞌ wan, chinꞌ ti bra ka xiꞌin tiꞌ wan.