FILIPENSES 2:25 - Chatino Zona Alta Occidental

²⁵ Loꞌo ngwañaꞌan, ndiꞌin ꞌa chaꞌ kan xka yu seꞌen ndiꞌin wan, nka tiyeěn; Epafrodito naan yu kanꞌ. Ti kwiꞌ yu taꞌa ndaꞌan ba tñan lka yu, loꞌo ngwañaꞌan, ngula ꞌa tñan yꞌni yu loꞌo ba bra nu mxkwen ba ꞌin neꞌ kuxi chaꞌ ꞌin Jesús. Ti kwiꞌ yu kanꞌ lka yu nu msuꞌwa wan ꞌin yu yan seꞌen mdiꞌiǐn nu ngwa xkanꞌ, chaꞌ tayaꞌ yu ꞌñaǎn loꞌo nan lka nu lyiji chinꞌ ꞌñaǎn chaꞌ tyijin yuꞌwi ꞌñaǎn lo chalyuu.

FILIPENSES 2:25 ပူးပေါင်းရင်းမြစ်များ

SAN JUAN 13:16

Chañi chaꞌ nu nchkwiǐnꞌ loꞌo wan, chaꞌ ti kwiꞌ nten nu lka xꞌnan neꞌ, kanꞌ nka ndloo ꞌin neꞌ, siꞌi msu nu nka ndloo; loꞌo nten nu ndlo tñan ꞌin neꞌ chaꞌ tsaa neꞌ lo kichen, kanꞌ nka ndloo la, siꞌi neꞌ nu ndyaꞌan lo kichen ti.

SAN JUAN 17:18

Sa ñaꞌan nu msuꞌwaa ꞌñaǎn chaꞌ mdiyaǎn lo chalyuu re ―ndukwin Jesús ꞌin Ndiose Sti yu―, ngwañaꞌan wa nguloǔn tñan ꞌin neꞌ kanꞌ, chaꞌ tsaa neꞌ kwaꞌu neꞌ chaꞌ ꞌiin ꞌin nten ñaꞌaan chalyuu.

ROMANOS 16:3

Ta wan kasiya ꞌñaǎn ꞌin Priscila loꞌo Aquila, taꞌa ngiꞌnian tñan ꞌin Jesucristo.

ROMANOS 16:9

loꞌo Urbano, taꞌa ngiꞌniǐn tñan ꞌin Jesucristo; loꞌo Estaquis, kwiꞌ ngwañaꞌan ndiya ꞌa tiǎnꞌ ꞌin yu;

1 CORINTIOS 3:9

Taꞌa ngiꞌni ba tñan ꞌin Ndiose lka bare; loꞌo ꞌwan, ngiꞌni Ni tñan niꞌ kasiya ꞌwan, ti kwiꞌ tñan ꞌin Ndiose lka kanꞌ. Nchka tiǎnꞌ chkwiǐnꞌ ska chaꞌ tiya loꞌo wan ni: ñaꞌan tiꞌ ska naꞌan tnun nu ndyaꞌ chaꞌ ꞌin Ndiose, ngwañaꞌan lka wan;

2 CORINTIOS 2:13

Loꞌo ja mdaloǔn seꞌen mdiꞌiǐn nde kwa, chaꞌ kaꞌan ꞌa chaꞌ mdaꞌan tiyeěn, ni chaꞌ lka ja ya kala Tito taꞌa ndaꞌan ba tñan seꞌen ndiꞌiǐn; kanꞌ chaꞌ bra ti mslaǎnꞌ loꞌo neꞌ kichen kanꞌ. Bra kanꞌ yiꞌaǎn tijyuꞌ la seꞌen lka lo yuu ꞌin Macedonia.

FILIPENSES 2:26

Ndiya ꞌa tiꞌ yu ꞌwan, kanꞌ chaꞌ nchka tiꞌ yu kan naꞌan yu ꞌwan xiyaꞌ; kaꞌan ꞌa chaꞌ mdaꞌan tiye yu bra nu mjwi rsun ꞌin yu chaꞌ wa ynan wan chaꞌ tiꞌí ꞌa yu.

FILIPENSES 4:18

Nde lka chaꞌ nu chkwiǐnꞌ loꞌo wan ni: Wa kaꞌan ꞌa nan nda wan ꞌñaǎn, kanꞌ chaꞌ nchka ꞌa tiǎnꞌ tyaǎn xuꞌwe ꞌwan; ja ndiya xka nan nu lyiji ꞌñaǎn bra ni, ti bra nu yan Epafrodito, yan loꞌo yu nchga chaꞌ suꞌwe nu wa nda wan ꞌñaǎn. Ñaꞌan tiꞌ ska lomstan nu ndiya ꞌa tiꞌ Ndiose ꞌin, ska nan nu nxkwa xi ꞌa tyiꞌi nchga seꞌen, ngwañaꞌan lka chaꞌ suꞌwe nu nda wan ꞌñaǎn chaꞌ ꞌin Ndiose.

FILIPENSES 4:3

Loꞌo nuꞌwin ni, nu suꞌwe ꞌa taꞌa ndaꞌaǎn tñan, nchka tiǎnꞌ chaꞌ tayaaꞌ ꞌin taꞌa tyukwaa neꞌ kula kanꞌ, chaꞌ ka suꞌwe tiye neꞌ kanꞌ loꞌo taꞌa neꞌ. Taꞌa tyukwaa neꞌ kula kanꞌ wa yꞌni ꞌa neꞌ tñan chaꞌ kanen la chaꞌ suꞌwe ꞌin Jesús nu ngwa xkanꞌ; suꞌwa ti yꞌni neꞌ kanꞌ tñan loꞌoǔn, loꞌo Clemente, loꞌo xka neꞌ taꞌa ndaꞌan ba tñan. Wa mdaꞌan nin nchga neꞌ kanꞌ lo kityi ꞌin Ndiose, seꞌen ndukwa nin nten nu kaja chalyuu nu ja tsaa tii ꞌa ꞌin neꞌ.

COLOSENSES 1:7

Wa ynan wan chaꞌ kanꞌ bra nu ngwaꞌu Epafras ꞌwan; suꞌwe ꞌa ngiꞌni yu kanꞌ tñan ꞌin Krixtu loꞌo ba. Jlyo tiꞌ ba chaꞌ suꞌwe ꞌa nchkwiꞌ yu chaꞌ ꞌin Krixtu loꞌo neꞌ nchga seꞌen ndaꞌan yu chaꞌ ꞌwa.

COLOSENSES 4:11

Kwiꞌ ngwañaꞌan Jesús Justo, nchka tiꞌ yu chkwiꞌ suꞌwe yu loꞌo wan. Tyun neꞌ judío wa msñi chaꞌ ꞌin Krixtu nu ngwa xkanꞌ; loꞌo ni, xnan ti neꞌ kanꞌ, Aristarco loꞌo Marku loꞌo Justo, sa kanꞌ ti neꞌ nu mslyaa mdaꞌan loꞌoǔn seꞌen mdaꞌaǎn ykwiǐnꞌ loꞌo xka ta nten sa ñaꞌan ka chaꞌ ꞌin neꞌ bra nu ka Ndiose ndloo la niꞌ kasiya ꞌin nten. Loꞌo lye ꞌa mdayaꞌ neꞌ kanꞌ ꞌñaǎn.

FILEMÓN 1:24

Kwiꞌ ngwañaꞌan Marku, loꞌo Aristarco, loꞌo Dema, loꞌo Luka, taꞌa neꞌ ndyuꞌwi tiꞌ neꞌ ꞌiin. Ndayaꞌ ꞌa neꞌ kanꞌ ꞌñaǎn loꞌo tñan ꞌin Ndiose nde re.

HEBREOS 3:1

ꞌWan taꞌa msñian chaꞌ ꞌin Krixtu, ꞌwan nu wa ngulo suwi Ndiose ꞌwan, tyaꞌan chaꞌ tiye wan sa ñaꞌan ndiꞌin chaꞌ ꞌin Jesucristo. Nan wa ngulo Ndiose Sti yu tñan ꞌin yu chaꞌ kan yu lo chalyuu re, loꞌo ni, lka Ni ñaꞌan tiꞌ xꞌnan sti joꞌo nu nduun loo la ꞌñaan, chaꞌ wa msñian chaꞌ ꞌin Ni.