FILIPENSES 2:2 - Chatino Zona Alta Occidental

² Kanꞌ chaꞌ ni, si chañi chaꞌ ngwañaꞌan ngiꞌni wan, kuꞌni wan chaꞌ ka suꞌwe ka tiyeěn sikwa; ngwañaꞌan ka bra nu ñaꞌaǎn chaꞌ suꞌwa ꞌa ndiꞌin chaꞌ ꞌwan loꞌo taꞌa wan, chaꞌ ska ti chaꞌ nka tiye wan, chaꞌ ska ti chaꞌ ndaꞌan tiye wan, chaꞌ ska ti biyaꞌ suꞌwe ti ngiꞌni wan loꞌo taꞌa wan.

FILIPENSES 2:2 ပူးပေါင်းရင်းမြစ်များ

SAN JUAN 3:29

Ñaꞌan tiꞌ xa wa mjwi kwilyoꞌo neꞌ, ska ti yu kiꞌyu kanꞌ, kanꞌ nu lka kwilyoꞌo kuxiin; loꞌo taꞌa suꞌwe nsuꞌwi nu kiꞌyu kanꞌ, suꞌwe ꞌa nka tiye yu kunan yu chaꞌ nu nchkwiꞌ yu kanꞌ. Sa ñaꞌan suꞌwe nka tiye taꞌa suꞌwe nsuꞌwi yu ndiꞌin yu xa wa mjwi kwilyoꞌo neꞌ, ngwañaꞌan naꞌ suꞌwe ꞌa nka tiyeěn chaꞌ ñaꞌaǎn ꞌin neꞌ nu nnan chaꞌ nu nduꞌu Jesús ―ndukwin Xuwa―.

LOS HECHOS 1:14

Ska ti chaꞌ mdaꞌan tiye nchga neꞌ kanꞌ, taꞌa ti ndyoꞌ tiꞌin neꞌ nchkwiꞌ neꞌ loꞌo Ndiose. Loꞌo taꞌa Jesús ndiꞌin loꞌo neꞌ kanꞌ, loꞌo Liya jyaꞌan Jesús, loꞌo tyun nu kunaꞌan nu mdaꞌan loꞌo yu.

LOS HECHOS 2:1

Ngwa tsan taꞌa Pentecostés, ska taꞌa ꞌin neꞌ judío, loꞌo ska seꞌen ti ndyoꞌ tiꞌin nchga nten nu msñi chaꞌ ꞌin Jesucristo la kanꞌ bra kanꞌ.

LOS HECHOS 2:46

Nchga tsan ndyoꞌ tiꞌin neꞌ kanꞌ niꞌ lyaa tnun ꞌin neꞌ judío, kwiꞌ ngwañaꞌan, suꞌwa ti nchku neꞌ kanꞌ tuꞌ naꞌan tyi taꞌa neꞌ. Suꞌwe ꞌa nka tiye neꞌ kanꞌ, suꞌwe ti ykwiꞌ neꞌ loꞌo taꞌa neꞌ,

LOS HECHOS 5:12

Kaꞌan ꞌa chabiyaꞌ mda Ndiose ꞌin neꞌ nu yꞌni xaꞌan chaꞌ ꞌin Jesucristo ti kulo, kanꞌ chaꞌ yꞌni neꞌ kaꞌan ꞌa chaꞌ tnun seꞌen ndiꞌin neꞌ kichen. Mdaꞌan ꞌa chaꞌ tiye nten kichen xa wa naꞌan neꞌ chaꞌ tnun kanꞌ. Nchga neꞌ nu msñi chaꞌ ꞌin Jesucristo, ndyoꞌ tiꞌin neꞌ nde seꞌen nu naan Corredor ꞌin Salomón, chaꞌ suꞌwa ti nka tiye nchga neꞌ kanꞌ; tuꞌwa laa tnun ndukwi corredor kanꞌ.

ROMANOS 12:16

Ska ñaꞌan ti chaꞌ chkwiꞌ wan loꞌo nchga taꞌa ndiꞌin chaꞌ ꞌwan loꞌo Jesucristo; ja kuꞌni siyeꞌ wan loꞌo neꞌ tiꞌi taꞌa wan, suꞌwe ti chkwiꞌ wan loꞌo neꞌ kanꞌ. Suꞌwa ti tyiꞌin wan loꞌo neꞌ kanꞌ, ja tyaꞌan chaꞌ tiye wan chaꞌ ꞌwan, jlyo la tiꞌ ꞌwan.

1 CORINTIOS 1:10

ꞌWan taꞌa msñian chaꞌ ꞌin Krixtu, chkwiǐnꞌ loꞌo wan ni chabiyaꞌ ꞌin Jesucristo nu nka Xꞌnaan, chaꞌ kuꞌni wan chaꞌ ka suꞌwa chaꞌ ꞌin nchga wan loꞌo taꞌa wan, chaꞌ ja chkwiꞌ ꞌa wan tukwa loo chaꞌ. Tyiꞌin suꞌwe wan loꞌo taꞌa wan, ska ti chaꞌ tyaꞌan tiye wan, ska ti chaꞌ kuwe tiꞌ wan.

2 CORINTIOS 13:11

ꞌWan taꞌa msñian chaꞌ ꞌin Jesucristo, nslaǎnꞌ loꞌo wan ni, xa wa tyii ti kwaꞌaǎn kityi re. Kuꞌni ji wan sa ñaꞌan nu ndiꞌin chaꞌ kuꞌni wan chaꞌ lka wan nten ꞌin Ndiose. Kunan suꞌwe wan nchga chaꞌ nu nchkwiǐnꞌ lo kityi re. Ka suꞌwa ka tiye wan loꞌo xka ta taꞌa nten wan. Suꞌwe ti tyiꞌin wan loꞌo nchga nten. Loꞌo bra kanꞌ ti kwiꞌ Ndiose, tyiꞌin Ni loꞌo wan nchga tsan; suꞌwe ꞌa ka tiye Ni ñaꞌan Ni ꞌñaan, kwiꞌ ngiꞌni Ni chaꞌ tiin ti tyiꞌian niꞌ kasiya ꞌñaan.

2 CORINTIOS 7:7

Loꞌo ngwañaꞌan, suꞌwe ꞌa ykwiꞌ yu loꞌo ba chaꞌ ꞌin tñan nu ngiꞌni wan; ndukwin yu chaꞌ nchka ꞌa tiꞌ wan ñaꞌan tloo wan ꞌwa xiyaꞌ, kwiꞌ ndukwin yu chaꞌ njyuꞌu ꞌa tiꞌ wan ndiꞌin wan siꞌya chaꞌ kuxi nu yꞌni wan ti sꞌni kanꞌ; ndukwin yu chaꞌ ja ndiya tiꞌ wan chaꞌ kuxi nu ykwiꞌ neꞌ ꞌñaǎn bra kanꞌ. Chunꞌ nchga chaꞌ kanꞌ, suꞌwe la nka tiyeěn seꞌen ndiꞌiǐn ni.

FILIPENSES 1:4

Ndiya ꞌa tiǎnꞌ njñaǎn ska chaꞌ ꞌin Ndiose chaꞌ ꞌwan bra nu nchkwiǐnꞌ loꞌo Ni.

FILIPENSES 2:16

bra nu chkwiꞌ wan loꞌo neꞌ chaꞌ suꞌwe nu ꞌin Krixtu nu ka ta chalyuu nu ja tsaa tii ꞌa ꞌin neꞌ. Si ngwañaꞌan kuꞌni wan, ka suꞌwe ꞌa ka tiyeěn naꞌaǎn ꞌwan bra nu tiya tsan nu kuꞌni biyaꞌ Krixtu ꞌin nchga nten. Bra kanꞌ ka biyaꞌ tiǎnꞌ chaꞌ suꞌwe ti yaa toꞌo tñan ꞌñaǎn, siꞌi nan mnaꞌ tñan ꞌñaǎn ya ñaꞌan ti.

FILIPENSES 2:20

Ska ti yu kanꞌ lka nu chañi chaꞌ suꞌwa ti nka tiye yu loꞌoǔn, nu chañi chaꞌ suꞌwe nka tiye yu ñaꞌan yu ꞌwan;

FILIPENSES 4:2

Loꞌo ꞌwan Evodia loꞌo Síntique ni, kuꞌni wan chaꞌ tlyu tiꞌ ꞌñaǎn chkwiǐnꞌ ska chaꞌ loꞌo wan: Ndiꞌin chaꞌ suꞌwa ti xuꞌwi tiye wan loꞌo taꞌa wan. Jesús nu nka Xꞌnaan yꞌni chaꞌ lka wan taꞌaan, kanꞌ chaꞌ kuꞌni wan chaꞌ katin chaꞌ wsuun nu nsuꞌwi ꞌwan loꞌo taꞌa wan.

COLOSENSES 2:5

Ni siya ja ndiꞌiǐn ꞌaǎn loꞌo wan ni, taꞌa ti ndyuꞌwi tiǎnꞌ ꞌwan. Suꞌwe ꞌa ngwa tiyeěn bra nu ynaǎn chaꞌ suꞌwe ꞌa msñi wan chaꞌ ꞌin Krixtu. Kwiꞌ ngwañaꞌan, suꞌwe ꞌa nka tiyeěn ni, chaꞌ suꞌwe ti ndiꞌin wan loꞌo nchga taꞌa msñi wan chaꞌ ꞌin Ndiose.

2 TESALONICENSES 2:13

ꞌWan taꞌa msñian chaꞌ ꞌin Jesús, suꞌwe ꞌa nka tiye Xꞌnaan ñaꞌan ꞌwan. Kwiꞌ ngwañaꞌan, ndiꞌin chaꞌ tya ba xuꞌwe ꞌin Ndiose chaꞌ ꞌwan, chaꞌ ngulo suwi Ni ꞌwan ti bra nu mdyisnan chalyuu, chaꞌ kulaa Ni ꞌwan; kanꞌ chaꞌ yꞌni Tyiꞌi Ndiose chaꞌ ngwa luwi kasiya ꞌwan bra nu msñi wan chaꞌ suꞌwe ꞌin Ndiose.

2 TIMOTEO 1:4

Ndyuꞌwi tiǎnꞌ chaꞌ ynaan bra nu mdoꞌoǔn yiꞌaǎn nu ngwa xkanꞌ, kanꞌ chaꞌ nchka ꞌa tiǎnꞌ ñaꞌaǎn ꞌiin xiyaꞌ chaꞌ ka suꞌwe ka tiyeěn.

FILEMÓN 1:20

Taꞌaan lka yu chabiyaꞌ ꞌin Jesucristo, kanꞌ chaꞌ sa ñaꞌan nu tka mjñaǎn ꞌiin, chaꞌ suꞌwe ti chkwiiꞌ loꞌo yu, ngwañaꞌan kuꞌnii loꞌo yu. Ja chan ka suꞌwe la tiyeěn si ta wan chabiyaꞌ tyaan yu nde re chaꞌ tayaꞌ yu ꞌñaǎn.

2 SAN JUAN 1:4

Suꞌwe ꞌa ngwa tiyeěn bra nu ynaǎn chaꞌ ñaꞌan ti ndukwa suꞌwe neꞌ taꞌa wan nchga chaꞌ nu ñi nu wa ytsaꞌ Ndiose Stian ꞌñaan;

3 SAN JUAN 1:4

Ska ti chaꞌ mdaꞌan tiyeěn chaꞌ ꞌiin nu ngwa xkanꞌ, si chañi chaꞌ ti ndukwaa chaꞌ nu ñi nu wa ytsaꞌ Jesús ꞌñaan, chaꞌ kuneeꞌ laa ke naꞌ; loꞌo suꞌwe ꞌa ngwa tiyeěn xa wa ynaǎn chaꞌ ngwañaꞌan ngiꞌnii.