FILIPENSES 2:19 - Chatino Zona Alta Occidental

¹⁹ Chabiyaꞌ ꞌin Jesús nu nka Xꞌnaan, ja chan ndla ti suꞌwaǎn ꞌin Timu chaꞌ tsaa yu seꞌen ndiꞌin wan, chaꞌ kaja chinꞌ rsun ꞌñaǎn sa ñaꞌan ndiꞌin wan; suꞌwe ꞌa ka tiyeěn bra nu kunaǎn chaꞌ kanꞌ.

FILIPENSES 2:19 ပူးပေါင်းရင်းမြစ်များ

SAN MATEO 12:21

Ndiꞌin ta nten ñaꞌaan chalyuu chaꞌ wa kan ti yu kanꞌ. Ngwañaꞌan ndukwa chaꞌ ꞌin Krixtu lo kityi kula kanꞌ.

LOS HECHOS 16:1

Mdiyan Palyu loꞌo Sila nde kichen Derbe bra kanꞌ, kanꞌ mdiyan yu kichen Listra. Kichen kanꞌ mdiꞌin ska yu kuneꞌ taꞌa msñi yu chaꞌ ꞌin Jesucristo nu naan Timu. Jyaꞌan yu lka ska nu kunaꞌan judío nu ndiꞌin chaꞌ ꞌin loꞌo Jesucristo, neꞌ griego ngwa sti yu.

ROMANOS 15:12

Loꞌo ayman Isaías ngwaꞌan chaꞌ re: Tyoꞌo tukwa ska nten, taꞌa nten ayman Isaí, kan yu kanꞌ lo chalyuu chaꞌ ka yu ndloo la ꞌin neꞌ xka laꞌa tsuꞌ. Ndiꞌin ta ꞌa neꞌ xka laꞌa tsuꞌ ꞌin yu kanꞌ, chaꞌ kulaa yu ꞌin neꞌ ꞌin nchga chaꞌ xaꞌan. Ngwañaꞌan nchkwiꞌ kityi kula kanꞌ.

ROMANOS 16:21

Loꞌo Timu taꞌa ndaꞌaǎn tñan, loꞌo Lucio, loꞌo Jasón, loꞌo Sosípater neꞌ taꞌa kichen tyiǐn, nchka tiꞌ neꞌ ta neꞌ kasiya ꞌwan.

1 CORINTIOS 4:17

Loꞌo kityi re nsuꞌwaǎn ꞌin Timu chaꞌ tsaa yu seꞌen ndiꞌin wan, chaꞌ lka yu kanꞌ sa ñaꞌan lka ska sñiěnꞌ, chaꞌ ndiya ꞌa tiǎnꞌ ꞌin yu, loꞌo suꞌwe ꞌa msñi yu chaꞌ ꞌin Jesucristo. Nchga kichen seꞌen ndaꞌaǎn, seꞌen ndiꞌin ska ta nten ꞌin Jesús, la kanꞌ nduꞌuǔn nchga chaꞌ suꞌwe nu ndiꞌin chaꞌ kuꞌnian lo chalyuu bra nu wa msñian chaꞌ ꞌin Jesucristo; kwiꞌ ngwañaꞌan ngiꞌniǐn tyukwi tyempu chabiyaꞌ ꞌin Jesucristo. Loꞌo Timu katsaꞌ yu ꞌwan chaꞌ ngwañaꞌan ngiꞌniǐn.

EFESIOS 1:13

Loꞌo ti kwiꞌ ngwañaꞌan ngwa ꞌwan bra kanꞌ. Ti kulo ynan wan chaꞌ nu ñi nu ndiꞌin ꞌin Krixtu; suꞌwe ꞌa ngwa tiye wan xa nu ytsaꞌ neꞌ chaꞌ kanꞌ ꞌwan, chaꞌ wa ngulaa Ni ꞌwan ꞌin chaꞌ kuxi. Msñi wan chaꞌ ꞌin Krixtu, bra kanꞌ mda Ndiose Tyiꞌi ykwiꞌ chaꞌ kanun niꞌ kasiya ꞌwan, ñaꞌan tiꞌ si wa mjiꞌin kaꞌan Ni biyaꞌ nu ꞌin ykwiꞌ Ni chunꞌ wan chaꞌ lka wan nten ꞌin Ni; ti kwiꞌ tñan nu ndukwin Ni chaꞌ kuꞌni Ni, kwiꞌ kanꞌ yꞌni Ni bra kanꞌ.

FILIPENSES 1:1

Palyu loꞌo Timu lka ba re. Taꞌa tyukwaa ba ngiꞌni ba tñan ꞌin Jesucristo, kanꞌ chaꞌ ndaꞌan ba kityi re chaꞌ tsaa seꞌen ndiꞌin wan, chaꞌ taꞌa nten ꞌin Ndiose lkaan. Wa msñian chaꞌ ꞌin Jesucristo, kanꞌ chaꞌ lkaan nten ꞌin Ndiose. Kwiꞌ ngwañaꞌan, loꞌo kityi re chkwiꞌ ba chinꞌ loꞌo nchga yu kula nu nka ndloo ꞌin nchga ta nten ꞌwan, loꞌo chkwiꞌ ba chinꞌ loꞌo xka ta la neꞌ nu lka tñan chaꞌ ꞌwan, nu ndayaꞌ ꞌa ꞌwan.

FILIPENSES 2:28

Kanꞌ chaꞌ suꞌwe ꞌa nka tiyeěn ni, si ndla ti kan yu seꞌen ndiꞌin wan, chaꞌ loꞌo wan ka suꞌwe la ka tiye wan, bra nu ñaꞌan wan ꞌin yu xiyaꞌ. Ja ndiꞌin chaꞌ kuwe ꞌa tiǎnꞌ chaꞌ ꞌwan bra kanꞌ.

1 TESALONICENSES 3:5

Bra nu ynaǎn chaꞌ kanꞌ, ja ndaloǔn bra kanꞌ; ngwa xiꞌin ꞌa tiǎnꞌ chaꞌ ja jlyo tiǎnꞌ sa ñaꞌan ngwa chaꞌ ꞌwan. Kanꞌ chaꞌ msuꞌwaǎn ꞌin yu taꞌaan yaa yu seꞌen ndiꞌin wan, chaꞌ ka biyaꞌ tiǎnꞌ si ti nxñi suꞌwe wan chaꞌ suꞌwe ꞌin Ndiose, si ngwa ꞌwan tyijin lyo wan ꞌin kuneꞌ xaꞌan nu nchka ꞌa tiꞌ chaꞌ kuꞌni wan chaꞌ kuxi. Wa mnaꞌ tñan nu yꞌni ba chaꞌ ꞌwan si ja ngwa ꞌwan tyijin lyo wan ꞌin kuneꞌ xaꞌan kanꞌ.

2 TESALONICENSES 1:3

ꞌWan taꞌa msñian chaꞌ ꞌin Jesús, ndiꞌin chaꞌ tya ba xuꞌwe ꞌin Ndiose nchga yaꞌ nu chkwiꞌ ba loꞌo Ni chaꞌ ꞌwan; ndiꞌin chaꞌ kuꞌni ba ngwañaꞌan, chaꞌ nchga tsan suꞌwe la nganun chaꞌ ꞌin Jesús niꞌ kasiya ꞌwan, nchga tsan nsuꞌwi la tiye wan ñaꞌan wan ꞌin taꞌa nten wan.

2 TIMOTEO 1:12

Kanꞌ chaꞌ ndijiǐn nu tiꞌí ni. Loꞌo ja jyuꞌu tiǎnꞌ, chaꞌ naꞌ wa jlyo tiǎnꞌ chaꞌ Ndiose ka nu mda chaꞌ re ꞌñaǎn. Jlyo tiǎnꞌ chaꞌ nchka ꞌin Ni kuꞌni kuwe tiꞌ Ni ꞌñaǎn; nchka ꞌin Ni tayaꞌ Ni ꞌñaǎn bra nu ngiꞌniǐn tñan nu nda Ni ꞌñaǎn, chaꞌ ka tsaa toꞌo suꞌwe tñan ꞌñaǎn bra nu tiya tsan nu kan Jesús lo chalyuu xiyaꞌ.

SANTIAGO 4:15

Suꞌwe la si chkwiꞌ wan chaꞌ re loꞌo nten: “Nde ti tyiꞌin ba” nchkwin wan, “nde tñan kuꞌni ba; kuꞌni ba tñan kanꞌ, ska ti si ta Ndiose chabiyaꞌ kuꞌni ba ngwañaꞌan” nchkwin wan.

1 SAN PEDRO 1:21

Chunꞌ tñan nu yꞌni Krixtu, kanꞌ chaꞌ ndyaa ñaꞌan tiꞌ wan ꞌin Ndiose, chaꞌ wa yꞌni Ni chaꞌ ndyuꞌu Krixtu xiyaꞌ xa wa ngujwi yu. Loꞌo bra kanꞌ mda Ndiose ska seꞌen suꞌwe seꞌen tyiꞌin Krixtu, nde seꞌen tlyu seꞌen ndukwa ykwiꞌ Ni. Yꞌni Krixtu tñan nu tnun kanꞌ, chaꞌ ka xñi wan chaꞌ ꞌin Ndiose, loꞌo kanꞌ ka jlyo tiꞌ wan chaꞌ ka nchga chaꞌ nu ndukwin Ni chaꞌ ka chunꞌ ndiꞌin la.