FILIPENSES 2:12 - Chatino Zona Alta Occidental

¹² ꞌWan neꞌ taꞌaan nu ndiya ꞌa tiǎnꞌ ꞌwan, mdukwa ꞌa wan chaꞌ nu ykwiǐnꞌ nchga tsan bra nu mdiꞌiǐn loꞌo wan; loꞌo ñaꞌan ti ndloo ꞌa chaꞌ ꞌwan chaꞌ ti tukwa la wan chaꞌ nu nchkwiǐnꞌ ni, ni siya tijyuꞌ ꞌa ndiꞌiǐn seꞌen ndiꞌin wan. Ñaꞌan ti kuꞌni wan tñan chaꞌ kuꞌni ji nchga chaꞌ nu ngwa tiꞌ Ndiose kuꞌni niꞌ kasiya ꞌwan bra nu ngulaa Jesucristo ꞌwan ꞌin chaꞌ kuxi. Chinꞌ ti chaꞌ xuꞌwi tiye wan, ti ykwiꞌ ti wan, kuwe la tiꞌ wan ꞌin Ndiose.

FILIPENSES 2:12 ပူးပေါင်းရင်းမြစ်များ

SAN MATEO 11:12

’Ti bra nu yan Xuwa kanꞌ ti kulo, loꞌo bra ni, kaꞌan ꞌa chaꞌ nchkwiꞌ nten, chaꞌ nsuꞌwi ꞌa nten nu nchka tiꞌ chaꞌ ka Ndiose ndloo ꞌin neꞌ. Kwiꞌ ngwañaꞌan, nsuꞌwi ꞌa nten nu lye ꞌa ngiꞌni jwersa chaꞌ kala neꞌ seꞌen ndiꞌin Ndiose, ykwiꞌ ti neꞌ.

SAN MATEO 11:29

Xñi wan tñan nu taǎn ꞌwan, kwiꞌ kuꞌni xaꞌan wan nchga chaꞌ ꞌñaǎn bra kanꞌ. Chka tꞌnan ꞌa tiǎnꞌ ꞌwan, taloǔn ꞌaǎn ꞌwan; loꞌo tiin ti tyiꞌin wan chaꞌ wa yꞌni tyiǐn nchga chaꞌ kuxi nu nsuꞌwi niꞌ kasiya ꞌwan.

LOS HECHOS 16:29

Msiꞌya nu nka ndloo kanꞌ chaꞌ kan loꞌo neꞌ kiiꞌ. Bra kanꞌ yaa naꞌan yu niꞌ ñaꞌan chkwan, lye ꞌa mchkwan yu mdiꞌin yu bra kanꞌ, chaꞌ ytsen ꞌa yu. Mduun xtyinꞌ yu tloo Palyu loꞌo Sila bra kanꞌ.

LOS HECHOS 9:6

Lye ꞌa mchkwan Saulo chaꞌ ytsen yu bra kanꞌ. ―¿Ni sa ñaꞌan nchka tiiꞌ chaꞌ kuꞌniǐn a?, Xꞌnaǎn ―ndukwin Saulo bra kanꞌ. ―Tyituun ni ―ndukwin Jesús ꞌin yu― chaꞌ ti tsaa la nde kichen Damasco kwa. Nde kwa ndiꞌin ska nten nu kwaꞌu ꞌiin sa ñaꞌan tñan nu kuꞌnii chabiyaꞌ ꞌñaǎn.

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

1 CORINTIOS 15:58

ꞌWan taꞌa msñian chaꞌ ꞌin Jesús, suꞌwe ꞌa nka tiyeěn ñaꞌaǎn ꞌwan. Nde lka chaꞌ nu nchkwiǐnꞌ loꞌo wan, chaꞌ ñaꞌan ti xñi suꞌwe wan chaꞌ ꞌin Ndiose, nchga tsan lye la tsaa ñaꞌan tiꞌ wan ꞌin Ni; xkwiꞌ lye ꞌa kuꞌni wan tñan ꞌin ykwiꞌ Xꞌnaan, loꞌo ja ka ndaja tiꞌ wan chaꞌ kuꞌni wan tñan kanꞌ. Wa jlyo tiꞌ wan chaꞌ ja tsaa tii ngwa ti ñaꞌan ska tñan nu ngiꞌni wan chabiyaꞌ ꞌin Ndiose.

1 CORINTIOS 2:3

Bra nu ngalaǎn seꞌen ndiꞌin wan, mnaꞌan ꞌa tiǎnꞌ mdiꞌiǐn bra kanꞌ; nchkwaǎn tiǎn mdiꞌiǐn chaꞌ mdaꞌan ꞌa chaꞌ tiyeěn ni ñaꞌan xkwen wan ꞌñaǎn bra kanꞌ.

1 CORINTIOS 4:14

Chaꞌ nu ndaꞌaǎn kityi re, ja nchka tiǎnꞌ chaꞌ ka jyuꞌu tiꞌ wan; sa kanꞌ ti chaꞌ nchka tiǎnꞌ chaꞌ ja kuꞌni siyeꞌ ꞌa wan loꞌo ba. Ndiya ꞌa tiǎnꞌ ꞌwan, sa ñaꞌan si lka wan sñiěnꞌ.

2 CORINTIOS 7:15

Loꞌo xka chaꞌ nu suꞌwe la ngwa tiye Tito ñaꞌan yu ꞌwan ni, ska chaꞌ nu ndyuꞌwi tiꞌ yu ꞌin taꞌa wan, chaꞌ naꞌan yu chaꞌ nduwe ꞌa tiꞌ wan nnan wan nchga chaꞌ nu ykwiꞌ yu loꞌo wan, loꞌo ngwañaꞌan ja mxkwen ꞌa wan xka la chaꞌ kuxi ꞌin yu bra kanꞌ.

EFESIOS 6:5

ꞌWan, msu nu msiꞌi nten ꞌwan chaꞌ kuꞌni wan tñan ꞌin neꞌ xuꞌwe ti, kuꞌni wan nchga tñan nu kulo xꞌnan wan ꞌwan lo chalyuu. Kuwe chinꞌ tiꞌ wan sa ñaꞌan nu kuꞌni wan tñan ꞌin neꞌ, chaꞌ tyukwi ti tiye wan kuꞌni wan tñan kanꞌ; kuꞌni wan tñan kanꞌ sa ñaꞌan lka si ngiꞌni wan tñan ꞌin Krixtu.

FILIPENSES 1:27

Kanꞌ chaꞌ ni, kiꞌya wan kwenta sa ñaꞌan ndiꞌin chaꞌ kuꞌni wan lo chalyuu xa wa msñi wan chaꞌ ꞌin Krixtu. Si ngwañaꞌan kuꞌni wan, bra kanꞌ ja nꞌni chaꞌ ni siya kaǎn kichen tyi wan, ni siya ja ka kaǎn. Ja chan kaja chaꞌ ꞌñaǎn chaꞌ ska ti chaꞌ nsuꞌwi tiye wan loꞌo taꞌa wan, chaꞌ nsuꞌwi ꞌa chaꞌ tlyu tiꞌ ꞌwan loꞌo nten nu nxuun loꞌo wan; ja chan suꞌwa ti ndaꞌan chaꞌ tiye wan loꞌo taꞌa wan, ni siya chan ꞌa nchkwiꞌ wan loꞌo neꞌ chaꞌ xñi neꞌ chaꞌ suꞌwe kanꞌ ꞌin Krixtu.

FILIPENSES 1:29

Suꞌwe ꞌa lka chaꞌ mda Ndiose chabiyaꞌ chaꞌ msñi wan chaꞌ ꞌin Krixtu, ni siya ndiꞌin chaꞌ tyijin wan chinꞌ nu tiꞌí, chaꞌ nu msñi wan chaꞌ ꞌin Krixtu kanꞌ.

FILIPENSES 1:5

Ti bra nu ynan wan chaꞌ suꞌwe ꞌin Krixtu ti kulo, ñaꞌan ti ja ya tyii chaꞌ ndayaꞌ wan ꞌñaǎn chaꞌ chkwiǐnꞌ chaꞌ kanꞌ loꞌo xka ta nten nu ndiꞌin tijyuꞌ la;

FILIPENSES 1:6

kanꞌ chaꞌ jlyo tiǎnꞌ ni, chaꞌ ñaꞌan ti kuꞌni Ndiose tñan niꞌ kasiya ꞌwan, sa ñaꞌan yaꞌ nu tsaa toꞌo suꞌwe tñan kanꞌ, bra nu kan Jesucristo xiyaꞌ, chaꞌ kwiꞌ Ndiose lka nu mdyisnan ngiꞌni tñan niꞌ kasiya ꞌwan ti kulo.

FILIPENSES 2:19

Chabiyaꞌ ꞌin Jesús nu nka Xꞌnaan, ja chan ndla ti suꞌwaǎn ꞌin Timu chaꞌ tsaa yu seꞌen ndiꞌin wan, chaꞌ kaja chinꞌ rsun ꞌñaǎn sa ñaꞌan ndiꞌin wan; suꞌwe ꞌa ka tiyeěn bra nu kunaǎn chaꞌ kanꞌ.

FILIPENSES 4:1

ꞌWan taꞌa msñian chaꞌ ꞌin Jesús, ndiya ꞌa tiǎnꞌ ꞌwan; nten nu wa nda Ndiose ꞌñaǎn lka wan, chaꞌ suꞌwa ngiꞌnian tñan ꞌin Ni. Suꞌwe ꞌa nka tiyeěn chaꞌ ꞌwan, loꞌo ngwañaꞌan, xiꞌin chinꞌ tiǎnꞌ xa nu ja ndiꞌiǐn seꞌen ndiꞌin wan. Kuꞌni wan tñan chaꞌ kanun suꞌwe chaꞌ ꞌin nu nka Xꞌnaan niꞌ kasiya ꞌwan.

FILIPENSES 4:15

ꞌWan neꞌ Filipos, jlyo tiꞌ wan sa ñaꞌan ngwa ꞌñaǎn bra nu mdoꞌoǔn lo yuu ꞌin Macedonia, chaꞌ nu mdaꞌaǎn ykwiǐnꞌ chaꞌ ꞌin Jesús loꞌo neꞌ kanꞌ; bra kanꞌ ska ta ti wan nu ngiꞌni tnun wan ꞌin Ndiose nde kwa, nda wan lomstan chaꞌ ka xuꞌwe ꞌñaǎn, chaꞌ suꞌwe ꞌa yꞌni xaꞌan wan chaꞌ ꞌin Jesús bra nu mdiꞌiǐn seꞌen ndiꞌin wan.

1 TESALONICENSES 1:3

Ndyuꞌwi tiꞌ ba chaꞌ kaꞌan ꞌa chaꞌ suꞌwe ngiꞌni wan, chaꞌ suꞌwe ꞌa nka tiye wan ñaꞌan wan ꞌin taꞌa wan, chaꞌ wa msñi wan chaꞌ ꞌin Jesucristo. Ndalo ꞌa wan chaꞌ jlyo tiꞌ wan chaꞌ ndukwa Jesucristo nu nka Xꞌnaan kwiꞌ seꞌen ndiꞌin Ndiose Stian; kanꞌ chaꞌ xkwiꞌ suꞌwe ꞌa ngiꞌni wan, ni siya ndyijin ꞌa wan nu tiꞌí.

2 TIMOTEO 2:10

kanꞌ chaꞌ ndaloǔn ꞌin neꞌ, ni siya lye ꞌa nda neꞌ nu tiꞌí ꞌñaǎn. Taloǔn ꞌin chaꞌ kuxi kanꞌ chaꞌ ꞌin taꞌa nten nu ngulo suwi Ndiose ꞌin, chaꞌ loꞌo kulaa Jesucristo ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ. Loꞌo bra kanꞌ ka tyiꞌin neꞌ nde seꞌen ndiꞌin Ndiose, seꞌen suꞌwe ꞌa ñaꞌan nchga nan.

HEBREOS 12:1

Loꞌo ni, nde ñaꞌan kuꞌnian lo chalyuu re, ñaꞌan tiꞌ si ti ndiꞌin ayman kula kanꞌ sa tlyu ti loꞌoan: Tyuꞌwi suꞌwe tianꞌ nchga chaꞌ tnun nu yꞌni ayman kanꞌ nu ngwa sꞌni, chunꞌ nu yaa ñaꞌan tiꞌ neꞌ ꞌin Ndiose. Kanꞌ chaꞌ kulaa yaanꞌ nchga chaꞌ nu ngiꞌni tukwi ꞌñaan chaꞌ ja xñiin suꞌwean chaꞌ ꞌin Jesús; kulaa yaanꞌ nchga chaꞌ kuxi nu ndiya la tianꞌ. Loꞌo bra kanꞌ ka ngula la tiꞌ kasiya ꞌñaan chaꞌ kuꞌnian chaꞌ suꞌwe lo chalyuu re, sa kwa bra nu ti ta Ni chalyuu ꞌñaan bra kanꞌ.

HEBREOS 4:1

Wa ykwiꞌ Ndiose ska chaꞌ loꞌoan sikwa, chaꞌ ka tsaan seꞌen ndiꞌin Ni, chaꞌ tyiꞌiin suꞌwean la kanꞌ. Kanꞌ chaꞌ ndiꞌin chaꞌ kuwe tianꞌ ꞌin nchga neꞌ taꞌaan, chaꞌ ja ska neꞌ kanꞌ tyoꞌo ntan neꞌ tuwiin nu ñi nu tsaa seꞌen tyiꞌian loꞌo Ni.

HEBREOS 4:11

Nchga tsan lye kuꞌnian tñan sikwa, chaꞌ ti xuꞌwi chaꞌ ꞌñaan loꞌo Ndiose, chaꞌ ka tyiꞌiin suꞌwean bra kanꞌ. Ja kuꞌnian sa ñaꞌan nu yꞌni ayman kula kanꞌ, nu ja mdukwa chaꞌ nu ykwiꞌ Ndiose siyaꞌ ti, loꞌo ja ngwa ꞌa ꞌin neꞌ tsaa neꞌ seꞌen ndukwin Ni chaꞌ tsaa neꞌ bra kanꞌ.

HEBREOS 5:9

Chunꞌ ndiꞌin la, xa wa mdijin nchga chaꞌ ꞌin Jesús, xa wa yꞌni yu tñan nu ngulo Ndiose ꞌin yu chaꞌ kuꞌni yu, bra kanꞌ mdyisnan ndlaa Jesús ꞌin nchga nten chalyuu nu ngiꞌni chaꞌ nu ykwiꞌ yu bra kanꞌ. Kwiꞌ ngwañaꞌan ja tsaa tii ꞌa chaꞌ kulaa Ni ꞌin nten ꞌin chaꞌ kuxi nu ngiꞌni neꞌ.

1 SAN PEDRO 2:11

ꞌWan taꞌa suꞌwe ndiꞌian, ndiꞌin chaꞌ tyiꞌian nde seꞌen ndiꞌin Ndiose nu ndyaa nde loo la, kanꞌ chaꞌ suꞌwe si tyiꞌian lo chalyuu sa ñaꞌan si lkaan nten nu mdoꞌo tijyuꞌ nu ja nsuꞌwi naꞌan tyi nde re. Lye ꞌa chkwiǐnꞌ loꞌo wan ni, chaꞌ ja kuꞌni wan ya ñaꞌan ti chaꞌ kuxi nu jñan tiye wan chaꞌ kuꞌni wan; ja tukwa wan chaꞌ kuxi kanꞌ, loꞌo ngwañaꞌan ja ka ꞌin ran kuꞌni ñuꞌun ran ꞌwan.

2 SAN PEDRO 3:18

Suꞌwe la si kuꞌni xaꞌan la wan chaꞌ suꞌwe ꞌin Jesucristo nu nka Xꞌnaan, nu wa ngulaa ꞌñaan; bra kanꞌ ka tyiꞌin suꞌwe la niꞌ kasiya ꞌwan chaꞌ ꞌin Xꞌnaan. ¡Kuꞌniin tnuan ꞌin Ndiose lo chalyuu, loꞌo ngwañaꞌan, ja tsaa tii ꞌa tsan nu kuꞌniin tnuan ꞌin Ni nde seꞌen ndiꞌin Ni! Ngwañaꞌan ka sikwa.