FILIPENSES 2:11 - Chatino Zona Alta Occidental

¹¹ Kwen ꞌa chkwiꞌ nchga nten chaꞌ Jesucristo lka Xꞌnan nchga chalyuu, ngwañaꞌan suꞌwe ꞌa kuꞌni tnun neꞌ ꞌin Ndiose Stian.

FILIPENSES 2:11 ပူးပေါင်းရင်းမြစ်များ

SAN MATEO 10:32

’Loꞌo xka chaꞌ ni: Nchga nten nu ndiꞌin chaꞌ ꞌin loꞌoǔn, nu nchkwiꞌ chaꞌ ꞌñaǎn loꞌo nten, naꞌ chkwiǐnꞌ loꞌo Stiǐn Ndiose nu ndiꞌin nde niꞌ kwan chaꞌ taꞌa suꞌwe nsuꞌwiǐn lka nten kanꞌ.

SAN LUCAS 2:11

Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.

SAN JUAN 12:42

Loꞌo ngwa kaꞌan neꞌ judío nu ndyaa ñaꞌan tiꞌ ꞌin Jesús, loꞌo chinꞌ neꞌ nu lka tñan; ntsen neꞌ kanꞌ ꞌin neꞌ fariseo, kanꞌ chaꞌ ja mslyaa neꞌ chkwiꞌ neꞌ chaꞌ ꞌin Jesús seꞌen ndiꞌin nten. Ntsen neꞌ si kulo neꞌ fariseo tñan ꞌin neꞌ chaꞌ ja ka ꞌa tsaa neꞌ niꞌ lyaa ꞌin taꞌa neꞌ judío.

SAN JUAN 13:13

“Mstru” ndukwin wan ꞌñaǎn; “Xꞌnan ba” ndukwin wan ꞌñaǎn, loꞌo chañi ꞌa chaꞌ kanꞌ. Ti kwiꞌ ngwañaꞌan lkaǎn chaꞌ ꞌwan ―ndukwin yu―.

SAN JUAN 13:14

Naꞌ nu lkaǎn Xꞌnan wan, naꞌ nu lkaǎn Mstru ꞌwan ni, wa mjyaꞌaǎn kiyaꞌ wan; kanꞌ chaꞌ ndiꞌin chaꞌ jyaꞌan wan kiyaꞌ taꞌa wan kwiꞌ ngwañaꞌan ―ndukwin yu―.

SAN JUAN 14:13

Kanꞌ chaꞌ ni, nchga chaꞌ nu jñan wan ꞌin Ndiose chabiyaꞌ ꞌñaǎn, kuꞌniǐn chaꞌ kanꞌ ―ndukwin―. Loꞌo kuꞌni nten chalyuu chaꞌ tlyu la ka chaꞌ ꞌin Stiǐn Ndiose xa nu kuꞌni tnun neꞌ ꞌñaǎn, skaǎn tiǎn nu lkaǎn Sñiꞌ Ni.

SAN JUAN 14:23

―Nten nu chañi chaꞌ suꞌwe nsuꞌwi tiye neꞌ ñaꞌan neꞌ ꞌñaǎn, kunan neꞌ nchga chaꞌ nu chkwiǐnꞌ loꞌo neꞌ ―ndukwin Jesús―. Bra kanꞌ ka suꞌwe ꞌa ka tiye Stiǐn Ndiose ñaꞌan Ni ꞌin neꞌ kanꞌ. Ti kwiꞌ naꞌ loꞌo Stiǐn kan ba chaꞌ kanun ba loꞌo neꞌ kanꞌ bra kanꞌ ―ndukwin Jesús―.

SAN JUAN 17:1

Xa wa mdyii ykwiꞌ Jesús chaꞌ kanꞌ, naꞌan yu nde niꞌ kwan, loꞌo kwen ꞌa ykwiꞌ yu loꞌo Ndiose Sti yu: ―Chkwiǐnꞌ loꞌoo ni, chaꞌ nuꞌwin lkaa Stiǐn ―ndukwin Jesús―. Wa ndiya bra ꞌñaǎn chaꞌ kajaǎn. Loꞌo ni, kuꞌnii chaꞌ ka tlyuǔn, chaꞌ bra kanꞌ ka kuꞌniǐn chaꞌ ka tlyu la nuꞌwin, chaꞌ naꞌ lkaǎn Sñiiꞌ.

SAN JUAN 20:28

―Nuꞌwin lka Xꞌnaǎn, yu kula ―ndukwin Toma ꞌin Jesús―, nuꞌwin lkaa Ndiose ꞌñaǎn.

SAN JUAN 5:23

Nchka tiꞌ Ni chaꞌ kuꞌni tnun nchga nten ꞌñaǎn, sa ñaꞌan nu ngiꞌni tnun neꞌ ꞌin ti kwiꞌ Ni. Xa nu ja xlyaa nten kuꞌni tnun ꞌñaǎn chaꞌ nu lkaǎn Sñiꞌ Ni, kwiꞌ ngwañaꞌan ja ka kuꞌni tnun neꞌ ꞌin Ni nu msuꞌwa ꞌñaǎn ndijyaǎn.

SAN JUAN 9:22

Ngwañaꞌan ndukwin sti loꞌo jyaꞌan yu nu ngwa kwityiinꞌ kanꞌ ꞌin neꞌ, chaꞌ ntsen ꞌa neꞌ ꞌin neꞌ judío kanꞌ. Jlyo tiꞌ neꞌ, chaꞌ neꞌ nu lka tñan ni, wa mskanꞌ neꞌ chaꞌ loꞌo taꞌa neꞌ chaꞌ kulo neꞌ ꞌin nten niꞌ lyaa, nchga nten nu chkwiꞌ chaꞌ Jesús lka Krixtu, nten nu tnun nchka nu msuꞌwa Ndiose chaꞌ mdiyan lo chalyuu; loꞌo ja ta ꞌa neꞌ judío kanꞌ chabiyaꞌ tsaa neꞌ kanꞌ niꞌ lyaa xiyaꞌ bra kanꞌ.

LOS HECHOS 10:36

Wa ytsaꞌ Ndiose ꞌwa nu lka ba neꞌ Israel, chaꞌ ka tyiꞌin tiin ti nten chalyuu chunꞌ tñan nu yꞌni Jesucristo, nu lka Xꞌnan nchga nten.

LOS HECHOS 2:36

’Ndiꞌin chaꞌ ka biyaꞌ tianꞌ, taꞌaan nu lkaan neꞌ Israel, chaꞌ ti kwiꞌ Jesús nu mjiꞌin kaꞌan wan lo wsi chaꞌ kujwi wan ꞌin yu, ti kwiꞌ yu kanꞌ wa nda Ndiose chabiyaꞌ ꞌin yu chaꞌ ka yu Xꞌnaan, chaꞌ lka yu Krixtu.

ROMANOS 14:11

Nde ndiya ska chaꞌ nu ykwiꞌ Ndiose nu ndukwa lo kityi kula: Ndiose luꞌu lkaǎn, ndukwin Ni, loꞌo ndiꞌin chaꞌ tyuun xtyinꞌ nchga nten tloǔn la seꞌen ndukwaǎn, chaꞌ katsaꞌ ñi neꞌ loꞌo taꞌa neꞌ chaꞌ naꞌ lkaǎn Ndiose Sti neꞌ.

ROMANOS 14:9

Wa ngujwi Krixtu, loꞌo ngwañaꞌan wa ndyuꞌu Krixtu xiyaꞌ, chaꞌ ka biyaꞌ tiꞌ nchga nten chaꞌ Ndiose lka Xꞌnan nchga ayman nu msñi chaꞌ ꞌin Ni xa nu mdiꞌin neꞌ lo chalyuu. Kwiꞌ ngwañaꞌan, Ndiose lka Xꞌnan nchga nten nu ndyaa ñaꞌan tiꞌ ꞌin Ni lo chalyuu ni.

ROMANOS 15:9

Yan Krixtu, chaꞌ ngwañaꞌan kaja ñaꞌan nu kuꞌni tnun wan ꞌin Ndiose, ꞌwan neꞌ xka laꞌa tsuꞌ, chaꞌ loꞌo ꞌwan nchka tꞌnan ꞌa tiꞌ Ni, sa ñaꞌan nu nchkwiꞌ chaꞌ re nu ndukwa lo kityi kula: Kuꞌniǐn tnuǔn ꞌiin la seꞌen ndiꞌin neꞌ xka laꞌa tsuꞌ; kula tuꞌwaǎn ska kantu ꞌiin, chaꞌ kuꞌniǐn tnuǔn ꞌiin, ndukwin ayman David.

1 CORINTIOS 12:3

Kanꞌ chaꞌ nchka ꞌa tiǎnꞌ chaꞌ ka biyaꞌ tiꞌ wan chaꞌ re. Siꞌi Tyiꞌi Ndiose nu ngiꞌni chaꞌ chkwiꞌ nten: “¡Kuneꞌ xaꞌan lka Jesús kanꞌ!” Ja ka chkwiꞌ nten ngwañaꞌan chabiyaꞌ ꞌin Tyiꞌi Ndiose. Loꞌo bra nu chkwiꞌ nten: “¡Xꞌnaan lka Jesús!”, Tyiꞌi Ndiose lka nu ngiꞌni chaꞌ chkwiꞌ neꞌ ngwañaꞌan bra kanꞌ.

1 CORINTIOS 15:47

Loꞌo yuu ti ngwiñan Ni ꞌin Adán nu mdiꞌin lo chalyuu ti kulo. Loꞌo nde seꞌen ndiꞌin Ndiose mdoꞌo xka nten kanꞌ nu yan lo chalyuu chunꞌ ndiꞌin la, ti kwiꞌ Jesucristo nu nka Xꞌnaan.

1 CORINTIOS 8:6

Loꞌo taꞌa ndiꞌin chaꞌ ꞌñaan loꞌo Jesús ni, ska ti Ndiose Stian ndyaa ñaꞌan tianꞌ ꞌin Ni siyaꞌ ti; kwiꞌ ngwañaꞌan, ska ti Jesucristo nu nka Xꞌnaan wa msñian chaꞌ ꞌin Ni. Ngwiñan Ni tyukwi ñaꞌaan chalyuu, loꞌo Jesús ndyaꞌ nchga loo nan; chaꞌ ꞌin ti kwiꞌ Jesús lka nchga loo nan nu nsuꞌwi lo chalyuu, kwiꞌ ngwañaꞌan chaꞌ ꞌin Jesús ndiꞌian lo chalyuu.

1 SAN PEDRO 1:21

Chunꞌ tñan nu yꞌni Krixtu, kanꞌ chaꞌ ndyaa ñaꞌan tiꞌ wan ꞌin Ndiose, chaꞌ wa yꞌni Ni chaꞌ ndyuꞌu Krixtu xiyaꞌ xa wa ngujwi yu. Loꞌo bra kanꞌ mda Ndiose ska seꞌen suꞌwe seꞌen tyiꞌin Krixtu, nde seꞌen tlyu seꞌen ndukwa ykwiꞌ Ni. Yꞌni Krixtu tñan nu tnun kanꞌ, chaꞌ ka xñi wan chaꞌ ꞌin Ndiose, loꞌo kanꞌ ka jlyo tiꞌ wan chaꞌ ka nchga chaꞌ nu ndukwin Ni chaꞌ ka chunꞌ ndiꞌin la.

1 SAN JUAN 4:15

Nten nu xlyaa katsaꞌ ꞌin taꞌa nten chaꞌ Jesucristo lka ska ti Sñiꞌ ykwiꞌ Ndiose, suꞌwa nka tiye Ndiose loꞌo neꞌ kanꞌ bra kanꞌ, loꞌo ngwañaꞌan suꞌwa nka tiye neꞌ kanꞌ loꞌo Ndiose.

1 SAN JUAN 4:2

Nde ñaꞌan ka biyaꞌ tianꞌ sa ñaꞌan lka nten nu ndiꞌin Tyiꞌi Ndiose niꞌ kasiya ꞌin: nchga nten nu chkwiꞌ chañi chaꞌ Jesucristo lka ska ti nu lka Sñiꞌ Ndiose ti bra nu ngula yu lo chalyuu chaꞌ ngwa yu nten, nchga nten kanꞌ wa nsuꞌwi Tyiꞌi Ndiose niꞌ kasiya ꞌin neꞌ;

2 SAN JUAN 1:7

Nsuꞌwi ꞌa nten nu nchkwiꞌ chaꞌ chaꞌ kwiñi lka chaꞌ ngwa Jesús nten xa nu yan yu lo chalyuu. Tyukwi ñaꞌaan lo chalyuu ndaꞌan nten nu nchkwiꞌ chaꞌ kwiñi kanꞌ; nñi lyoꞌo neꞌ kanꞌ ꞌin taꞌa ntean, kwiꞌ nu nxuun loꞌo ꞌin Krixtu lka neꞌ kanꞌ.

EL APOCALIPSIS 3:5

chaꞌ xkwiꞌ ngaten ꞌa teꞌ kuꞌ nten nu wa mdijin lyo ꞌin kuneꞌ xaꞌan bra kanꞌ” ndukwin Ni. “Ja kuloǔn nin neꞌ kanꞌ lo kityi seꞌen ngwaꞌaǎn nin nchga nten nu mjwi chalyuu kwi ꞌin ngwañaꞌan bra kanꞌ. Xa nu kalaǎn seꞌen ndiꞌin Stiǐn loꞌo angajle ꞌin Ni, chkwiǐnꞌ loꞌo Ni chaꞌ nten ꞌñaǎn lka neꞌ kanꞌ” ndukwin Ni.