FILIPENSES 1:6 - Chatino Zona Alta Occidental

⁶ kanꞌ chaꞌ jlyo tiǎnꞌ ni, chaꞌ ñaꞌan ti kuꞌni Ndiose tñan niꞌ kasiya ꞌwan, sa ñaꞌan yaꞌ nu tsaa toꞌo suꞌwe tñan kanꞌ, bra nu kan Jesucristo xiyaꞌ, chaꞌ kwiꞌ Ndiose lka nu mdyisnan ngiꞌni tñan niꞌ kasiya ꞌwan ti kulo.

FILIPENSES 1:6 ပူးပေါင်းရင်းမြစ်များ

SAN JUAN 6:29

―Nde lka tñan nu nchka tiꞌ Ndiose chaꞌ kuꞌni wan ―ndukwin Jesús―. Xñi wan chaꞌ ꞌñaǎn, chaꞌ wa msuꞌwa Ni ꞌñaǎn ndijyaǎn lo chalyuu.

LOS HECHOS 11:18

Bra nu ynan neꞌ chaꞌ nu ykwiꞌ Tyu loꞌo neꞌ, ja ngwa ꞌa xkwen neꞌ ꞌin Tyu. Bra kanꞌ yꞌni tnun neꞌ kanꞌ ꞌin Ndiose, ykwiꞌ neꞌ loꞌo Ni bra kanꞌ: ―¡Ndiose Sti ba, suꞌwe ꞌa yꞌnii loꞌo neꞌ xka laꞌa tsuꞌ, ni siya ja lka neꞌ kanꞌ judío ―ndukwin neꞌ ꞌin Ndiose―. Nuꞌwin yꞌnii chaꞌ ka jyuꞌu tiꞌ neꞌ ꞌin nchga chaꞌ kuxi nu ndiꞌin ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ kanꞌ!

LOS HECHOS 16:14

Lidia naan ska nu kunaꞌan kanꞌ; neꞌ Tiatira lka Lidia kanꞌ, loꞌo ndujwiꞌ teꞌ lo kichen Filipos, ska lo teꞌ nu kolo kwaa, teꞌ jwñun lka kanꞌ. Ngiꞌni tnun neꞌ kula kanꞌ ꞌin Ndiose nu tlyu la ti, loꞌo suꞌwe ꞌa ynan chaꞌ ꞌin Ndiose nu lka Xꞌnaan nu ngwaꞌu Palyu ꞌin neꞌ; kanꞌ mdayaꞌ Ndiose ꞌin chaꞌ ka biyaꞌ tiꞌ chaꞌ nu nchkwiꞌ Palyu, loꞌo msñi chaꞌ kanꞌ.

1 CORINTIOS 1:8

Ti kwiꞌ Jesús lka nu kuꞌni chaꞌ kanun tsaa chaꞌ ꞌin Ndiose niꞌ kasiya ꞌwan sa bra nu tyii chalyuu ꞌwan. Kanꞌ chaꞌ ja kaja ꞌa kiꞌya nu xtya Ndiose ꞌwan xa nu kan Jesucristo nu nka Xꞌnaan chaꞌ kuꞌni biyaꞌ Ni ꞌin nten chalyuu.

2 CORINTIOS 1:15

Ngwañaꞌan ngwa tiyeěn, kanꞌ chaꞌ ngwa tiǎnꞌ tsaꞌaǎn seꞌen ndiꞌin wan kulo ndukwa la. Ja chan tsaꞌaǎn naꞌaǎn ꞌwan tukwa yaꞌ, mdaꞌan chaꞌ tiyeěn nu ngwa xkanꞌ, chaꞌ ka suꞌwe kasiya ꞌwan.

2 CORINTIOS 7:16

Kwiꞌ ngwañaꞌan loꞌoǔn, suꞌwe ꞌa nka tiyeěn ni, chaꞌ ndyuꞌwi tiǎnꞌ ꞌwan chaꞌ ngwañaꞌan ngiꞌni wan.

2 CORINTIOS 9:4

Ja jlyo tiǎnꞌ si loꞌo chinꞌ yu taꞌaan nu lka neꞌ Macedonia re kaǎn loꞌoǔn bra kanꞌ. ¿Ni sa ñaꞌan kuꞌniǐn bra kanꞌ, si ñaꞌan neꞌ chaꞌ ja ngiꞌni ndla wan tñan kanꞌ a? Ka jyuꞌu ꞌa tiꞌ ba bra kanꞌ, chaꞌ wa ykwiꞌ ba loꞌo neꞌ chaꞌ suꞌwe ꞌa ngiꞌni wan; kwiꞌ ngwañaꞌan ꞌwan, ka jyuꞌu ꞌa tiꞌ wan bra kanꞌ.

GÁLATAS 5:10

Ti kwiꞌ Xꞌnaan nu nka Krixtu, ngiꞌni Ni chaꞌ suꞌwe ꞌa nka tiyeěn bra nu ndyuꞌwi tiǎnꞌ ꞌwan. Jlyo tiǎnꞌ chaꞌ ska ti chaꞌ xuꞌwi tiye wan loꞌo chaꞌ nu wa ykwiǐnꞌ loꞌo wan. Ja nꞌni chaꞌ ti ka lka nu ndaꞌan nchkwiꞌ chaꞌ kwiñi loꞌo wan chaꞌ xitsen ꞌwan, kulo Ndiose kiꞌya ꞌin neꞌ kanꞌ.

EFESIOS 4:12

Ngwañaꞌan yꞌni xuꞌwe Ni ꞌñaan, taꞌaan nu ndiꞌin chaꞌ ꞌñaan loꞌo Ni, chaꞌ ka kuꞌnian tñan ꞌin Ni, chaꞌ kanun tsaa la chaꞌ kanꞌ niꞌ kasiya ꞌñaan nan nu msñian chaꞌ ꞌin Krixtu sa tlyu ti.

FILIPENSES 1:10

njñaǎn ꞌin Ni chaꞌ nchga bra ka kiꞌya chaꞌ ke wan sa ñaꞌan chaꞌ nu suꞌwe la kuꞌni wan, chaꞌ ja xlyaa ꞌa wan kuꞌni wan chaꞌ kuxi, loꞌo ja kanun yuweꞌ ꞌwan bra nu tiya tsan chaꞌ kan Krixtu xiyaꞌ.

FILIPENSES 1:29

Suꞌwe ꞌa lka chaꞌ mda Ndiose chabiyaꞌ chaꞌ msñi wan chaꞌ ꞌin Krixtu, ni siya ndiꞌin chaꞌ tyijin wan chinꞌ nu tiꞌí, chaꞌ nu msñi wan chaꞌ ꞌin Krixtu kanꞌ.

FILIPENSES 2:12

ꞌWan neꞌ taꞌaan nu ndiya ꞌa tiǎnꞌ ꞌwan, mdukwa ꞌa wan chaꞌ nu ykwiǐnꞌ nchga tsan bra nu mdiꞌiǐn loꞌo wan; loꞌo ñaꞌan ti ndloo ꞌa chaꞌ ꞌwan chaꞌ ti tukwa la wan chaꞌ nu nchkwiǐnꞌ ni, ni siya tijyuꞌ ꞌa ndiꞌiǐn seꞌen ndiꞌin wan. Ñaꞌan ti kuꞌni wan tñan chaꞌ kuꞌni ji nchga chaꞌ nu ngwa tiꞌ Ndiose kuꞌni niꞌ kasiya ꞌwan bra nu ngulaa Jesucristo ꞌwan ꞌin chaꞌ kuxi. Chinꞌ ti chaꞌ xuꞌwi tiye wan, ti ykwiꞌ ti wan, kuwe la tiꞌ wan ꞌin Ndiose.

FILIPENSES 2:13

Tyuꞌwi tiꞌ wan chaꞌ nchga tsan ngiꞌni Ndiose tñan niꞌ kasiya ꞌwan, chaꞌ ka kuꞌni wan tñan ꞌin Ni; ngwañaꞌan ngiꞌni Ni chaꞌ xlyaa wan kuꞌni wan nchga tñan nu nchka tiꞌ Ndiose chaꞌ kuꞌni wan.

FILIPENSES 2:16

bra nu chkwiꞌ wan loꞌo neꞌ chaꞌ suꞌwe nu ꞌin Krixtu nu ka ta chalyuu nu ja tsaa tii ꞌa ꞌin neꞌ. Si ngwañaꞌan kuꞌni wan, ka suꞌwe ꞌa ka tiyeěn naꞌaǎn ꞌwan bra nu tiya tsan nu kuꞌni biyaꞌ Krixtu ꞌin nchga nten. Bra kanꞌ ka biyaꞌ tiǎnꞌ chaꞌ suꞌwe ti yaa toꞌo tñan ꞌñaǎn, siꞌi nan mnaꞌ tñan ꞌñaǎn ya ñaꞌan ti.

COLOSENSES 2:12

Bra nu mdukwatya wan ni, ñaꞌan tiꞌ si wa ngutsiꞌ wan niꞌ kwaa loꞌo Krixtu, ngwañaꞌan ngwa wan; loꞌo kanꞌ ñaꞌan tiꞌ si wa ndyuꞌu wan suꞌwa ti loꞌo Krixtu xiyaꞌ, ngwañaꞌan ndyoꞌo chaꞌ kanꞌ bra kanꞌ. Ndiose lka nu yꞌni chaꞌ ndyuꞌu wan, chaꞌ ndiꞌin chaꞌ ꞌwan loꞌo Ni.

1 TESALONICENSES 1:3

Ndyuꞌwi tiꞌ ba chaꞌ kaꞌan ꞌa chaꞌ suꞌwe ngiꞌni wan, chaꞌ suꞌwe ꞌa nka tiye wan ñaꞌan wan ꞌin taꞌa wan, chaꞌ wa msñi wan chaꞌ ꞌin Jesucristo. Ndalo ꞌa wan chaꞌ jlyo tiꞌ wan chaꞌ ndukwa Jesucristo nu nka Xꞌnaan kwiꞌ seꞌen ndiꞌin Ndiose Stian; kanꞌ chaꞌ xkwiꞌ suꞌwe ꞌa ngiꞌni wan, ni siya ndyijin ꞌa wan nu tiꞌí.

2 TESALONICENSES 1:11

Kanꞌ chaꞌ nchga tsan nchkwiꞌ ba loꞌo Ndiose Stian chaꞌ kuꞌni Ni tñan niꞌ kasiya ꞌwan, chaꞌ suꞌwe ti kuꞌni wan tñan nu nda Ni ꞌwan ti bra nu ngulo suwi Ni ꞌwan. Nchkwiꞌ ba loꞌo Ni chaꞌ tayaꞌ Ni ꞌwan, chaꞌ ngwañaꞌan kuꞌni ji wan nchga chaꞌ suꞌwe nu ndaꞌan tiye wan chaꞌ kuꞌni wan chabiyaꞌ ꞌin Ndiose, nchga lo chaꞌ suꞌwe nu ngiꞌni wan chaꞌ msñi wan chaꞌ ꞌin Ni.

2 TESALONICENSES 3:4

Jlyo tiꞌ Xꞌnaan chaꞌ ngiꞌni wan tñan nu ngulo ba ꞌwan, chaꞌ ti kuꞌni la wan tñan kanꞌ.

FILEMÓN 1:21

Jlyo tiǎnꞌ chaꞌ ndukwaa nchga chaꞌ nu nchkwiǐnꞌ loꞌoo, kanꞌ chaꞌ ndaꞌaǎn kityi re chaꞌ tsaa seꞌen ndiꞌiin; kwiꞌ ngwañaꞌan, jlyo tiǎnꞌ chaꞌ ti kaꞌan la chaꞌ suꞌwe ti kuꞌnii loꞌoǔn.

HEBREOS 10:35

Ja kulaa yaꞌ wan chaꞌ ꞌin Jesús sikwa. Lye la kuꞌni wan chaꞌ ka ngula tiꞌ kasiya ꞌwan, chaꞌ suꞌwe ꞌa chaꞌ nu kaja ꞌwan chunꞌ ndiꞌin la tloo Ndiose, si ti xñi suꞌwe wan chaꞌ ꞌin Ni bra kanꞌ.

HEBREOS 12:2

Tyaꞌan chaꞌ tiyean sa ñaꞌan nu yꞌni Jesús, chunꞌ Jesús lka suun nchga chaꞌ nu ndyaa ñaꞌan tianꞌ ni. Si ngwañaꞌan kuꞌnian, ka tsaa ñaꞌan tianꞌ ꞌin Ni sa yaꞌ nu tyii chalyuu ꞌñaan. Jesús ni, ja mxiꞌin chunꞌ yu ꞌin tñan nu mdiꞌin chaꞌ kuꞌni yu, ni siya jlyo tiꞌ yu chaꞌ wa kaja ti yu lo wsi. Chunꞌ ndiꞌin la xa wa mdijin lyoo yu ꞌin nu kuxi, suꞌwe ꞌa ngwa tiye yu bra kanꞌ; kanꞌ chaꞌ ja mjyuꞌu tiꞌ yu siyaꞌ ti, ni siya mda neꞌ nu tiꞌí ꞌin yu lo wsi. Loꞌo ni, wa ndyaa tukwa Jesús nde laꞌa seꞌen kwin seꞌen tnun seꞌen ndukwa Ndiose Stian.

1 SAN PEDRO 5:10

Chinꞌ ti tsan ti tyijin wan nu tiꞌí ni. Xa wa mdyii tsan nu tyijin wan nu tiꞌí, bra kanꞌ kuꞌni Ndiose chaꞌ ka suꞌwe wan, kuꞌni Ni chaꞌ ka ngula la tiꞌ niꞌ kasiya ꞌwan xiyaꞌ; ta Ni jwersa ꞌwan, chaꞌ xkwiꞌ suꞌwe ꞌa ngiꞌni Ni loꞌoan. Chabiyaꞌ ꞌin Krixtu wa ngulo suwi Ni ꞌñaan chaꞌ ka tyiꞌian nde seꞌen tnun seꞌen ndiꞌin ykwiꞌ Ni.

2 SAN PEDRO 3:10

Chañi chaꞌ tiya ska tsan bra nu tyaan Xꞌnaan xiyaꞌ, ni siya ja jlyo tianꞌ ni tsan ka kanꞌ. Sa ñaꞌan lka si kan ska nu kuꞌni kunan naꞌan tyian bra nu ja ndii tianꞌ, ngwañaꞌan ka tsan kanꞌ. Ngwa ti ñaꞌan katin nchga nan nu nsuꞌwi niꞌ kwan, lye ꞌa kanen chaꞌ kanꞌ, tyii nchga nan kanꞌ skin ran ska yaꞌ ti. Ngwañaꞌan tyukwi ñaꞌaan chalyuu ni, tyii ran siyaꞌ ti bra kanꞌ.