EL APOCALIPSIS 7:2 - Chatino Zona Alta Occidental

² Loꞌo naꞌaǎn mdoꞌo tukwa xka angajle nu mdoꞌo ndijyan nde seꞌen ndoꞌo tukwa kwichaa bra kanꞌ. Ndiꞌya yu biyaꞌ nu wa mda Ndiose ꞌin yu, ti kwiꞌ Ndiose nu luꞌu, chaꞌ kwaꞌan biyaꞌ yu ꞌin nu lka nten ꞌin Ndiose. Kwen nchkwiꞌ yu loꞌo jakwa angajle nu nsuꞌwi chabiyaꞌ kuꞌni ñuꞌun ꞌin chalyuu loꞌo tujoꞌo bra kanꞌ.

EL APOCALIPSIS 7:2 ပူးပေါင်းရင်းမြစ်များ

SAN MATEO 16:16

Bra ti mxkwen Tyu Simón ꞌin Jesús bra kanꞌ: ―Krixtu lka nuꞌwin. Sñiꞌ Ndiose nu luꞌu lkaa nuꞌwin.

SAN MATEO 26:63

Ja ska chaꞌ mxkwen Jesús ꞌin sti joꞌo. Chunꞌ ndiꞌin la ngulo sti joꞌo kanꞌ tñan ꞌin yu: ―Chabiyaꞌ ꞌin Ndiose nu luꞌu ndloǔn tñan re ꞌiin ni: Katsaaꞌ lyaa ꞌwa si chañi chaꞌ Krixtu lka nuꞌwin, si lkaa ska ti nu lka Sñiꞌ Ndiose.

SAN JUAN 6:27

Suꞌwe la kuꞌni wan tñan chaꞌ kaja ska chaꞌ nu talo la ꞌwan ―ndukwin Jesús bra kanꞌ―. Chañi chaꞌ kalaꞌ tiꞌ wan, bra nu kaja chalyuu nu ja tsaa tii ꞌa ꞌwan. Ska nan nu nchkuan ni, chinꞌ ti bra ngalaꞌ tianꞌ loꞌo ran, bra ti ngiteꞌ tianꞌ xiyaꞌ. Loꞌo ni, naꞌ nu ndijyaǎn chaꞌ kaǎn nten, taǎn ska chaꞌ suꞌwe ꞌwan nu kuꞌni chaꞌ kalaꞌ tiꞌ wan, loꞌo ja tsaa tii ꞌa chaꞌ kanꞌ ꞌwan ―ndukwin yu―. Nan wa nda Stiǐn Ndiose chabiyaꞌ ꞌñaǎn chaꞌ taǎn chaꞌ suꞌwe kanꞌ ꞌwan.

2 CORINTIOS 1:22

Sa ñaꞌan lka si ykwiꞌ Ni wa mstya Ni ska biyaꞌ nu ꞌin Ni chuanꞌ, ngwañaꞌan lka chaꞌ bra nu nda Ni Tyiꞌi ykwiꞌ Ni chaꞌ nganun niꞌ kasiya ꞌñaan. Nan wa ndla la nda Ni Tyiꞌi Ni ꞌñaan, chaꞌ ka ꞌñaan ka biyaꞌ tianꞌ chaꞌ chañi kuꞌni Ni loꞌoan nchga chaꞌ nu wa ndukwin Ni chaꞌ kuꞌni Ni.

EFESIOS 1:13

Loꞌo ti kwiꞌ ngwañaꞌan ngwa ꞌwan bra kanꞌ. Ti kulo ynan wan chaꞌ nu ñi nu ndiꞌin ꞌin Krixtu; suꞌwe ꞌa ngwa tiye wan xa nu ytsaꞌ neꞌ chaꞌ kanꞌ ꞌwan, chaꞌ wa ngulaa Ni ꞌwan ꞌin chaꞌ kuxi. Msñi wan chaꞌ ꞌin Krixtu, bra kanꞌ mda Ndiose Tyiꞌi ykwiꞌ chaꞌ kanun niꞌ kasiya ꞌwan, ñaꞌan tiꞌ si wa mjiꞌin kaꞌan Ni biyaꞌ nu ꞌin ykwiꞌ Ni chunꞌ wan chaꞌ lka wan nten ꞌin Ni; ti kwiꞌ tñan nu ndukwin Ni chaꞌ kuꞌni Ni, kwiꞌ kanꞌ yꞌni Ni bra kanꞌ.

EFESIOS 4:30

Ja kuꞌni wan chaꞌ ka xiꞌin tiꞌ Tyiꞌi Ndiose; nu lka Tyiꞌi Ndiose ni, sa ñaꞌan lka si wa mstya Ndiose biyaꞌ ꞌin Ni chuanꞌ, chaꞌ lkaan nten ꞌin Ni, ngwañaꞌan ndyoꞌo chaꞌ kanꞌ. Loꞌo kanun chaꞌ kanꞌ chuanꞌ sa ñaꞌan bra nu tsaa tii chalyuu ꞌñaan, bra nu tiya tsan nu kulaa ji Ni ꞌñaan.

1 TESALONICENSES 1:9

Ti kwiꞌ neꞌ kanꞌ ytsaꞌ neꞌ ꞌwa sa ñaꞌan ngwa bra nu mdiyan ba seꞌen ndiꞌin wan ti kulo, chaꞌ bra kanꞌ ngulaa yaꞌ wan ꞌin nchga joꞌo nu nsuꞌwi ꞌwan nu ngwa xkanꞌ, chaꞌ kuꞌni wan tñan ꞌin Ndiose nu luꞌu, nu ska ti Ndiose nu chañi nka.

2 TIMOTEO 2:19

Wa mstya suꞌwe Ndiose kiyaꞌ chaꞌ ꞌin ñaꞌan nu nka nten ꞌin Ni. Nde ndukwa ska chaꞌ: “Wa nsuꞌwi lyo ykwiꞌ Ni nchga nu ka nten ꞌin Ni.” Loꞌo ndukwa xka chaꞌ re: “Nchga nten nu ndiꞌin chaꞌ ꞌin loꞌo Krixtu, ndiꞌin chaꞌ kulaa yaꞌ neꞌ nchga chaꞌ kuxi.” Ngwañaꞌan nchkwiꞌ lo kityi ꞌin Ndiose.

HEBREOS 12:22

Loꞌo siꞌi ngwañaꞌan nchka ꞌwan ni, chaꞌ xka chalyuu kwi tsaa wan ni, ti kwiꞌ seꞌen ndiꞌin Ndiose ykwiꞌ nde niꞌ kwan. La kanꞌ ndiꞌin Ndiose loꞌo tyun ꞌa mi angajle ꞌin Ni. Suꞌwe ꞌa ñaꞌan la kanꞌ; ñaꞌan tiꞌ si wa ndukwa xka kiꞌya Sión nde niꞌ kwan, ñaꞌan tiꞌ si nde kwa nskwa xka kichen Jerusalén nu suꞌwe la ñaꞌan, ngwañaꞌan lka la kanꞌ.

EL APOCALIPSIS 1:3

Suꞌwe ꞌa ka tiye wan, bra nu chkwiꞌ wan lo kityi re, bra nu kunan wan chaꞌ nu nchkwiꞌ kityi re, nchga chaꞌ nu ka lo chalyuu re chunꞌ ndiꞌin la; bra nu kuꞌnian nchga chaꞌ nu nchkwiꞌ kityi re, suꞌwe ꞌa ka tiyean bra kanꞌ. Kwiꞌ ngwañaꞌan, wa ndla ti ka nchga chaꞌ nu ngwaꞌaǎn re.

EL APOCALIPSIS 10:1

Chunꞌ ndiꞌin la naꞌaǎn nduun xka angajle nu wa mdoꞌo seꞌen ndiꞌin Ndiose niꞌ kwan, mbiꞌya lo chalyuu bra kanꞌ; nan wa mxiin ska ko ñaꞌaan chunꞌ bra kanꞌ; nchga tñan nchka ꞌin angajle kanꞌ. Ndukwi kunan taa ke, loꞌo xaa ꞌa tloo ñaꞌan tiꞌ xaa kwichaa; kwiꞌ ngwañaꞌan, tijyan kiyaꞌ loꞌo tijyan ndan angajle kanꞌ, lye ꞌa ndyuꞌwi xaa sa ñaꞌan lka bra nu ndyituun kiiꞌ.

EL APOCALIPSIS 10:4

Xa wa mdyii ynen tiꞌyu kanꞌ, chaꞌ wa kwaꞌaǎn tiǎn chaꞌ nu ykwiꞌ tiꞌyu kanꞌ, ti kwiꞌ bra kanꞌ ynaǎn ykwiꞌ ska nu ndukwa seꞌen ndiꞌin Ndiose, kanꞌ nu nchkwiꞌ loꞌoǔn bra kanꞌ: ―Suꞌwaa kutsiiꞌ chaꞌ nu wa ykwiꞌ taꞌa kati tiꞌyu kwa ―ndukwin Ni ꞌñaǎn―. Ja kwaꞌaan chaꞌ kwa lo kityi.

EL APOCALIPSIS 16:12

Loꞌo ndyaa angajle nu nchka skwa, ndyaa mslu nan nu nsuꞌwi niꞌ kaꞌnan la tuꞌwa chku tnun nu naan Eufrates; xa wa mtyi saꞌan chku kanꞌ, nganun ska tuwiin nu wa lka ngwa suꞌwe chaꞌ kan tyun nu nka ndloo chaꞌ xuun neꞌ bra kanꞌ. Tijyuꞌ ꞌa tyoꞌo neꞌ kanꞌ kan neꞌ, nde seꞌen ndyoꞌo tukwa kwichaa tyoꞌo neꞌ kanꞌ bra kanꞌ.

EL APOCALIPSIS 5:2

Loꞌo naꞌaǎn chaꞌ nde kwa nduun ska nten nu ngula tiꞌ, ska angajle ꞌin Ndiose bra kanꞌ. Kwen ꞌa msiꞌya angajle kanꞌ: ―¿Ti ka nu ndiya chabiyaꞌ ꞌin chaꞌ xtun kiñaꞌ nu nchkunꞌ tuꞌwa kityi mtu kanꞌ, chaꞌ slaa kityi kanꞌ a? ―ndukwin angajle kanꞌ.

EL APOCALIPSIS 8:3

Loꞌo mdiyan xka angajle nu ndiꞌya xkuu oro ndijyan bra kanꞌ. Mdiyan angajle kanꞌ ndyaa tuun yu tuꞌwa msaa seꞌen nskwa lomstan, ti kwiꞌ msaa nu nduun nde loo seꞌen ndukwa yka xlya tnun kanꞌ. Wa mjwi kaꞌan ynan ꞌin yu chaꞌ tikin yu lo msaa seꞌen ndukwa lomstan kanꞌ. Ti kwiꞌ bra nu nchkwiꞌ nten loꞌo Ndiose, nchga nten nu ndiꞌin chaꞌ ꞌin loꞌo Ndiose ni, kanꞌ lka bra nu nchkin ynan kanꞌ bra kanꞌ.

EL APOCALIPSIS 9:14

nchkwiꞌ yu loꞌo angajle nu nchka skwa nu nsuꞌwi kuwi chkwan yaꞌ bra kanꞌ: ―Kulaa wan ꞌin taꞌa jakwa angajle nu ndiꞌin nchkanꞌ la tuꞌwa saꞌan tnun, saꞌan chku Eufrates kanꞌ bra kanꞌ ―ndukwin.

EL APOCALIPSIS 9:4

Loꞌo ja mjwi chabiyaꞌ ꞌin iꞌ kuꞌni ñuꞌun iꞌ kixinꞌ ngaꞌá, loꞌo ja kuꞌni ñuꞌun iꞌ yka. Ja ska nan nu yta nten ka kuꞌni ñuꞌun iꞌ ꞌin ran; ska ti chabiyaꞌ mjwi ꞌin iꞌ chaꞌ ta iꞌ nu tiꞌí ꞌin nten nu ja ndukwa biyaꞌ ꞌin Ndiose chkan neꞌ bra kanꞌ, chaꞌ kuxi ꞌa neꞌ kanꞌ.