EL APOCALIPSIS 22:20 - Chatino Zona Alta Occidental

²⁰ Ykwiꞌ Jesús lka nu nchkwiꞌ chaꞌ chañi ꞌa lka nchga chaꞌ nu ndukwa re: ―Chañi chaꞌ kanꞌ. Ndse ti tyaǎn xiyaꞌ ―ndukwin Ni. Ngwañaꞌan ka sikwa. ¡Tyan wan xiyaꞌ, Ni Jesús!

EL APOCALIPSIS 22:20 ပူးပေါင်းရင်းမြစ်များ

SAN JUAN 21:25

Ti nsuꞌwi la kaꞌan ꞌa chaꞌ nu yꞌni Jesús; ni siya kwaꞌan neꞌ nchga chaꞌ kanꞌ lo kityi, ti nu ngula yu lo chalyuu, ja tyoꞌo skwa ñaꞌaan chalyuu chaꞌ tyoꞌ tukwa kityi kanꞌ, nxkeꞌ tiǎnꞌ. Sa kwa ti chaꞌ ndaꞌaǎn re.

1 CORINTIOS 16:22

Xka ti chaꞌ chkwiǐnꞌ loꞌo wan ni: Si ndiya neꞌ taꞌa ndyoꞌ tiꞌin wan nu ja chañi chaꞌ suꞌwe nka tiye neꞌ ñaꞌan neꞌ ꞌin ykwiꞌ Xꞌnaan, kulaa yaꞌ wan ꞌin neꞌ bra kanꞌ, chaꞌ ta ykwiꞌ Ndiose nu tiꞌí ꞌin neꞌ. Kanꞌ chaꞌ chkwianꞌ taꞌaan ni: ¡Tyaan lyaa, Xꞌnan ba, nde seꞌen ndiꞌin ba!

2 TIMOTEO 4:8

kanꞌ chaꞌ jlyo tiǎnꞌ chaꞌ ndiya ska chaꞌ suꞌwe nu kaja ꞌñaǎn bra kanꞌ; ta ykwiꞌ Xꞌnaan chaꞌ suꞌwe kanꞌ ꞌñaǎn bra nu tiya tsan chaꞌ kuꞌni biyaꞌ Ni ꞌin nchga nten, chaꞌ nu ñi ꞌa ngiꞌni biyaꞌ Ndiose ꞌin nten. Ta Ni chaꞌ suꞌwe kanꞌ ꞌin nchga nten nu tyiꞌin ta ꞌa ꞌin Krixtu, sa ñaꞌan bra nu kan Ni xiyaꞌ, chaꞌ suꞌwe ꞌa nka tiye neꞌ ñaꞌan neꞌ ꞌin Ni; siꞌi skaǎn tiǎn nu ta Ni chaꞌ suꞌwe kanꞌ ꞌñaǎn.

HEBREOS 10:37

Wa ndukwa chaꞌ re lo kityi kula, ska chaꞌ nu ykwiꞌ Ndiose: Ti chinꞌ ti bra ti ji chaꞌ tiyan yu xiyaꞌ, yu nu ndiꞌin chaꞌ tiyan; wa kan ti yu kanꞌ, ndukwin Ni.

HEBREOS 9:28

kwiꞌ ngwañaꞌan Krixtu, ska yaꞌ ti ngujwi yu lo wsi, chaꞌ ngwañaꞌan yꞌni tyii Ni kiꞌya nu ndukwi kaꞌan ꞌa nten. Loꞌo ti kan Krixtu xiyaꞌ chunꞌ ndiꞌin la; ja kan ꞌa Ni chaꞌ kuꞌni tyii Ni kiꞌya nu ndukwi nten bra kanꞌ, chaꞌ nu ngwa sꞌni mdyii yꞌni Ni tñan kanꞌ. Kan Ni chaꞌ kulaa Ni ꞌin nchga nten nu ndiꞌin ta ꞌin Ni, sa ñaꞌan bra nu kan Ni xiyaꞌ.

EL APOCALIPSIS 1:18

Naꞌ lkaǎn Ndiose ykwiꞌ ―ndukwin Ni―. Wa ngujwiǐn ska yaꞌ bra kanꞌ, loꞌo wa ndyuꞌuǔn xiyaꞌ, loꞌo ni, ja tyii ꞌa chaꞌ luꞌuǔn. Naꞌ kuloǔn tñan ñaꞌan bra nu kaja nten, kwiꞌ ngwañaꞌan, naꞌ kuloǔn tñan la nde seꞌen tyaa kasiya ꞌin neꞌ.

EL APOCALIPSIS 1:2

Nde kwaꞌaǎn lo kityi re nchga chaꞌ tnun nu wa naꞌaǎn ykwiǐnꞌ; kwiꞌ ngwañaꞌan, ñi ꞌa nchkwiǐnꞌ loꞌo nten chaꞌ ꞌin nchga chaꞌ nu nchka tiꞌ Ndiose chkwiꞌ Ni loꞌo nten, ti kwiꞌ chaꞌ suꞌwe nu wa ykwiꞌ Jesús loꞌo nten.

EL APOCALIPSIS 2:16

“Kanꞌ chaꞌ ni, kulaa yaꞌ wan nchga chaꞌ kuxi kanꞌ” ndukwin Ni. “Si ja xlyaa wan kuꞌni wan ngwañaꞌan, ndla ti kaǎn seꞌen ndiꞌin wan chaꞌ kusuǔn loꞌo wan loꞌo xtyi cha nu nsuꞌwi tuꞌwaǎn” ndukwin Ni.

EL APOCALIPSIS 22:10

Loꞌo xka chaꞌ ykwiꞌ angajle loꞌoǔn bra kanꞌ: ―Wa ykwiꞌ Ni sa ñaꞌan ka chaꞌ nde loo la, kanꞌ chaꞌ ja suꞌwa kutsiiꞌ kityi re; ndiꞌin chaꞌ kunan nten chalyuu nchga chaꞌ re, chaꞌ wa ndla ti ka nchga chaꞌ nu ndukwa lo kityi re.

EL APOCALIPSIS 22:12

―Kunan suꞌwe wan chaꞌ nu nchkwiǐnꞌ re ―ndukwin Jesús bra kanꞌ―. Ndse ti tyaǎn xiyaꞌ. Bra nu tyaǎn ni, kanꞌ tyuꞌwi tiǎnꞌ kuꞌniǐn loꞌo nchga nten sa ñaꞌan nu yꞌni neꞌ xa nu yan neꞌ lo chalyuu; suꞌwe ꞌa ka ꞌin neꞌ nu ngiꞌni chaꞌ suꞌwe, loꞌo nchga neꞌ nu ngiꞌni chaꞌ kuxi, tyijin neꞌ nu tiꞌí bra kanꞌ.

EL APOCALIPSIS 22:18

Sa kwa ti chaꞌ ykwiꞌ Ndiose chaꞌ kwaꞌaǎn lo kityi re, kanꞌ chaꞌ ja kwaꞌan ꞌa wan xka la chaꞌ lo kityi re. Si ndiya nten nu ti kwaꞌan la xka chaꞌ, ta Ni nu tiꞌí ꞌin neꞌ kanꞌ bra kanꞌ, ti kwiꞌ ñaꞌan nu tiꞌí nu nchkwiꞌ kityi re bra kanꞌ. Loꞌo ngwañaꞌan, ja kulo ꞌa wan ska chaꞌ nu ndukwa lo kityi re ni. Ja ta Ni chalyuu kwi kanꞌ ꞌwan si ngwañaꞌan kuꞌni wan bra kanꞌ; loꞌo ja kaja chabiyaꞌ ku wan nan nu ndyoꞌo loo yka kanꞌ, ja ka tyiꞌin wan kichen tnun nu luwi ꞌa kanꞌ, sa ñaꞌan nu nchkwiꞌ kityi re. Sa kwa ti chaꞌ nchkwiǐnꞌ loꞌo nchga nten nu kunan chaꞌ nu ndukwa lo kityi re, ti kwiꞌ ti chaꞌ nu ka nde loo la lka chaꞌ re.

EL APOCALIPSIS 22:7

―¡Ndse ti tyaǎn xiyaꞌ! ―ndukwin Jesús. ¡Loꞌo ka suꞌwe ꞌa nka tiye nchga nten nu kunan chaꞌ nu nchkwiꞌ Ni loꞌo, ti kwiꞌ chaꞌ nu wa ngwaꞌaǎn lo kityi re!