EL APOCALIPSIS 21:4 - Chatino Zona Alta Occidental

⁴ Loꞌo ni, kuꞌni Ni chaꞌ ja kunan ꞌa neꞌ kanꞌ, ni siya lye ꞌa ynan neꞌ nu ngwa sꞌni ―ndukwin nu nchkwiꞌ bra kanꞌ―. Ja ndiꞌin chaꞌ kaja neꞌ kanꞌ bra kanꞌ, ja ka xiꞌin tiꞌ neꞌ, ja xiꞌya ꞌa neꞌ, loꞌo ja tyijin ꞌa neꞌ nu tiꞌí bra kanꞌ; wa mdyii nchga chaꞌ nu ngwa ꞌin neꞌ xa wa mdiꞌin neꞌ lo chalyuu kula ―ndukwin nu nchkwiꞌ bra kanꞌ.

EL APOCALIPSIS 21:4 ပူးပေါင်းရင်းမြစ်များ

SAN MATEO 24:35

Tyii nchga nan nu nsuꞌwi niꞌ kwan, tyii chalyuu re, loꞌo ja tyii siyaꞌ ti chaꞌ nu nchkwiǐnꞌ re, chaꞌ xkwiꞌ chañi lka chaꞌ nchkwiǐnꞌ ―ndukwin Jesús ꞌin neꞌ.

1 CORINTIOS 15:26

Xa wa mdyii nchga chaꞌ, bra kanꞌ kuꞌni Ni chaꞌ ja kaja ꞌa nten.

1 CORINTIOS 7:31

ni siya ndiꞌin ꞌa chaꞌ suꞌwe ꞌwan lo chalyuu, ja tyijin wan kaꞌan ꞌa tyempu lo chaꞌ suꞌwe kanꞌ. Wa tiya ti bra nu tyii tyukwi ñaꞌaan chalyuu, kwiꞌ ngwañaꞌan nchga nan nu nsuꞌwi chalyuu ndiꞌin chaꞌ tyii ran bra kanꞌ.

2 CORINTIOS 5:17

Nde ñaꞌan lka chaꞌ kanꞌ. Bra nu wa msñi ska nten chaꞌ ꞌin Krixtu, bra kanꞌ wa mxaꞌan chaꞌ ꞌin yu kanꞌ; wa mdyii chaꞌ ꞌin yu loꞌo chaꞌ kuxi nu yꞌni yu nu ngwa sꞌni la. Wa mjwi xka chalyuu kwi ꞌin yu ni.

2 CORINTIOS 6:17

Loꞌo ngwañaꞌan ykwiꞌ Xꞌnaan loꞌoan lo xka kityi, nan nu wa msñian chaꞌ ꞌin Ni. Nde ndiya chaꞌ nu ykwiꞌ Ni: Tyoꞌo tsuꞌ wan seꞌen ndiꞌin yu kuxi; ja ka suꞌwa ꞌa chaꞌ ꞌwan loꞌo yu kuxi kanꞌ, ja sten chaꞌ ꞌwan loꞌo chaꞌ kuxi nu ngiꞌni neꞌ kanꞌ.

HEBREOS 12:27

Bra nu ndukwin Ni “Xiyaꞌ ti”, ngwañaꞌan ka biyaꞌ tianꞌ chaꞌ ndiꞌin chaꞌ xñan Ni nchga nan nu wa ngwiñan Ni, kulo tsuꞌ Ni ꞌin nan kanꞌ bra kanꞌ. Sa kwa ti nan nu nsuꞌwi ꞌin Ndiose ykwiꞌ, kanꞌ ti nan nu kanun bra kanꞌ, chaꞌ ja ka katin ran siyaꞌ ti.

2 SAN PEDRO 3:10

Chañi chaꞌ tiya ska tsan bra nu tyaan Xꞌnaan xiyaꞌ, ni siya ja jlyo tianꞌ ni tsan ka kanꞌ. Sa ñaꞌan lka si kan ska nu kuꞌni kunan naꞌan tyian bra nu ja ndii tianꞌ, ngwañaꞌan ka tsan kanꞌ. Ngwa ti ñaꞌan katin nchga nan nu nsuꞌwi niꞌ kwan, lye ꞌa kanen chaꞌ kanꞌ, tyii nchga nan kanꞌ skin ran ska yaꞌ ti. Ngwañaꞌan tyukwi ñaꞌaan chalyuu ni, tyii ran siyaꞌ ti bra kanꞌ.

1 SAN JUAN 2:17

Ndla ti tyii chalyuu re, ya ñaꞌan ti tyii nchga chaꞌ kuxi nu ndiya la tiꞌ nten chalyuu; loꞌo nten nu tukwa chaꞌ nu nchkwiꞌ Ndiose ni, ja tsaa tii ꞌa chalyuu ꞌin neꞌ kanꞌ siyaꞌ ti.

EL APOCALIPSIS 20:13

Loꞌo xiyaꞌ ndyuꞌu nten nu wa ngujwi lo tyiꞌa tujoꞌo, kwiꞌ ngwañaꞌan, xiyaꞌ ndyuꞌu nten nu ndyaa loꞌo La Mte ꞌin, loꞌo ayman nu ndyaa seꞌen ndiꞌin chaꞌ tsaa nten xa wa ngujwi neꞌ; taꞌa neꞌ kanꞌ mdoꞌo neꞌ ndijyan neꞌ bra kanꞌ. Loꞌo yꞌni biyaꞌ Ndiose ꞌin nchga nten chaꞌ ꞌin nchga tñan nu wa yꞌni neꞌ xa nu yan neꞌ lo chalyuu bra kanꞌ.

EL APOCALIPSIS 20:14

Kanꞌ mxkwan Ni ꞌin La Mte, loꞌo mxkwan Ni ñaꞌaan chalyuu seꞌen ndiꞌin ayman, ndyaa ran la lo tiyuꞌ seꞌen ndiꞌin kiiꞌ tnun nchkin bra kanꞌ. Ngwañaꞌan nten nu tsaa lo tiyuꞌ kanꞌ ni, tyaa neꞌ chalyuu tla bra kanꞌ; kaja neꞌ kanꞌ siyaꞌ ti, ja tyuꞌu ꞌa neꞌ kanꞌ bra kanꞌ.

EL APOCALIPSIS 21:1

Chunꞌ ndiꞌin la naꞌaǎn chaꞌ ngwa tiji tyukwi ñaꞌaan niꞌ kwan, nan wa ndyaꞌ xka chalyuu nu kwi bra kanꞌ. Wa mdyii chaꞌ ꞌin nchga nan nu yuꞌwi niꞌ kwan nu ngwa xkanꞌ; loꞌo chalyuu kula re ni, kwiꞌ ngwañaꞌan tyiꞌa tujoꞌo, wa mjlyoo ran, loꞌo ja la ꞌa naꞌaan ꞌin ran siyaꞌ ti bra kanꞌ.

EL APOCALIPSIS 22:3

Lo kichen kanꞌ, ja ndiꞌin ꞌa nan nu ndiꞌin yuweꞌ ꞌin siyaꞌ ti. Nde kichen kanꞌ suꞌwa ti ka Ndiose ndloo loꞌo nu lka ñaꞌan tiꞌ slyaꞌ kanꞌ bra kanꞌ; nde kwa ndukwa Ni lo yka xlya tnun ꞌin Ni, loꞌo nchga nten nu ngiꞌni tñan ꞌin Ni, kuꞌni tnun neꞌ ꞌin Ni bra kanꞌ.

EL APOCALIPSIS 7:17

Ñaꞌansiin nu lka ñaꞌan tiꞌ slyaꞌ kanꞌ ꞌin neꞌ kanꞌ, chaꞌ ndiꞌin Ni ti kwiꞌ seꞌen nka Ndiose ndloo; ti kwiꞌ Ni tsaa loꞌo Ni ꞌin neꞌ kanꞌ seꞌen kaja tyiꞌa koꞌo neꞌ chaꞌ kaja chalyuu nu kwi ꞌin neꞌ kanꞌ bra kanꞌ. Loꞌo ngwañaꞌan xtyi Ni tyiꞌa kiloo neꞌ kanꞌ, chaꞌ ja kunan ꞌa neꞌ bra kanꞌ.